Известные библейские стихи из JENESIS 8

Поделиться

Te U TRAI u la iw ïa ka jingiw baiwbih; bad U TRAI u la ong ha la ka dohnud, “Ngan ym tim shuh ïa ka khyndew pat na ka bynta u briew; la ka jingpyrkhat ka dohnud u briew ka basniew naduh myndanglong samla jong u; bad ngan ym shoh ïap pat shuh ïa ki kynja ba-im baroh, kumba nga la leh. Katba dang sah kane ka pyrthei, ka aïom bet bad ka ba-ot, ka bakhriat bad ka bashit, bad ka lyiur bad ka tlang, bad ka sngi bad ka miet, kin ym pep shuh.”

Bad u Noah u la tei ïa ka duwan ha U TRAI; bad u la shim na ki mrad bakhuid baroh, bad na ki kynja sim bakhuid baroh, bad u la ainguh da ki jingainguh thang halor kata ka duwan.

Bad U Blei u la kynmaw ïa u Noah, bad ïa kiei kiei ki kynja ba-im baroh, bad ïa ki jingri baroh katba la don lem bad u ha kata ka ïinglieng: U Blei ruh u la pynmih ïa ka lyer ban beh halor ka khyndew, te kita ki um ki la jem jai

bad kata ka paro ka la wan pat sha u, ha kaba la janmiet; bad, ha khmih, ka don ka sla u dieng Olib ba la kheit ha la ka shyntur: kumta, u Noah u la ithuh ba kita ki um ki la rngad noh nalor ka khyndew.