Известные библейские стихи из Methiu 18

Поделиться

Kaahe ke jahañ dui ya teen hamaar naam se ek jagha baṭure hei, huañ ulog ke beech meñ ham rahta hei.

Ham tum se sachche bolta hei ki agar dui jane dharti pe koi cheej ke waaste preya kare hei, to hamaar swarag ke Pita, tumhaar waaste puura kari.

Tab u ek bachcha ke aapan lage bolaais aur aapan saamne khaṛa kar ke bolis, “Ham tum se sachche bataata hei ki jab tak tum nai badlega aur ek bachcha ke rakam nai banega, tab tak tum swarag ke raaj meñ kabhi nai jaay paayga.

Lekin jon koi apne aap ke i bachcha ke rakam chhoṭa banaay hei, wahi swarag ke raaj meñ sab se baṛa hei.

Aur jon koi hamaar naam se eisan ek bachcha ke apnaai, wahi hamme apnaay hei.”

Ham tum se promis karta hei ki swarag ke Parmeshwar tumme otna dei jetna tum dharti pe deta hei, aur agar tum nai dia, to tumme bhi nai mili.

Yahi rakam hamaar swarag ke Pita tumhaar sañghe kari, agar tum aapan bhaiya log ke aapan dil se nai maaf karega.

Uske khaatir bahut kharaab hoi jon koi i chhoṭa bachcha log meñ jon ham pe biswaas kare hei, koi ek se paap karaai. Uske khaatir to i achchha hoi ki uske gaṭai meñ ek patthar baañdh ke samundar meñ ḍubaay de.

Ham tum se i puuchhta hei. Tum kaa karta agar tumhaar lage ek sao bheṛa hei aur usman se ek bhaṭak jaay? Kaa tum u naainṭinaain (99) ke pahaaṛ pe chhoṛ ke u ek heraan bheṛa ke khoje nai jaata?