Известные библейские стихи из Jọn 10

Поделиться

Ọḅa ọ́tuan ẹnon ịyaar kụ aru, emuton omi, rꞌọze, rꞌophiemi. Mị uru mọ awe ọmoogh kugey ạkukpol-kpọl aghuḍum.

“Mị kụ ooḅi Opoghom Iyool-ịga phọ. Ooḅi Opoghom mọ rạtuan ghan ọphel iyool-ịga phọ kụ kamugh.

Iyool-ịga phọ ạmi rẹnaghanan ghan ni ẹḍogh phọ ạmi. Mị kẹn alegheri ni bịdi, kụ bịdi rụdaph ghan ni ịmi.

Mị ạngo ni bịdi ghuḍum kꞌagee-pọ, kụ bịdi kópe rꞌamem. Oye ólho dị katue aziton bịdi ḍịghaagh ạmi ạsighe.

Mị kụ ọnhu-aḍibuo phọ. Oye lọ akiton esi ạmi kụ aḍigh kạmoogh ni pẹleeny. Ọdi kaḍigh ni, ạḅile amite, kụ ạmiin tụyoghoyogho ạroogho ọḅal.

Mị kụ ooḅi Opoghom mọ. Mị alegheri ni iyool-ịga phọ ạmi, kụ iyool-ịga phọ ạmi ilegheri kẹn ni ịmi. Ịdipho Ọde phọ ulegheri bọ ịmi kụ ịdi mị alegheri ni nyọdi. Mị rạtuan ghan iyool-ịga phọ kụ kamugh.

Ọde phọ, ọpo ụngo bọ ịmi bịdi, ạbugh ni apu oomo awe, kụ oye ólho dị katue aziton bịdi ḍịghaagh Ọde phọ ạmi ạsighe. Mị rꞌỌde phọ ạmi oḍighi oniin oye.”

Mị kụ ooḅi Opoghom mọ. Mị alegheri ni iyool-ịga phọ ạmi, kụ iyool-ịga phọ ạmi ilegheri kẹn ni ịmi. Ịdipho Ọde phọ ulegheri bọ ịmi kụ ịdi mị alegheri ni nyọdi. Mị rạtuan ghan iyool-ịga phọ kụ kamugh.

Oye ịmi rạ́ar, mị bịn kụ rạngo ni rꞌaloor ạmi. Mị ạmoogh ni ịikpo ọsighe aghuḍum ạmi kụ ọngo. Mị ạḅile kẹn ni ạmoogh ịikpo ọsighe aghuḍum mọ ạmi ọmoogh. Ịduon kụ ịdi Ọde phọ ạmi ạto bọ ụḅeni ịmi mọ mị uḍighi phọ.”

Kụ ạJizos ạḅile ạghaaph ạḅeni bịdi mọ, “Mị ạkar rịḅeni ghan inyina mọ mị kụ ọnhu-aḍibuo oghoony iyool-ịga phọ.

Oye lọ ophir, dị útu opoghom mọ, kạbile ni iyool-ịga phọ, akiil ạḍua, mem lọ ọdi ạmiin dị elhom ẹnam retu. Kụ elhom ẹnam mọ ẹki ẹsighiogh iniin iyool-ịga phọ kụ ẹwalalami ịpe esugha bọ.

“Mị ạkar rịḅeni ghan inyina mọ oye lọ ạwile ọnhu-aḍibuo phọ kụ akpogha ẹnon esi kụ aḍigh oghoony iyool-ịga phọ, pọ ọḅa dị razirion ghan weye rạraar kạanyi.