Известные библейские стихи из Matthew 18

Поделиться

Kā ī da uḵ‐ās kla sa mālūq gla wa yūdūq kāpē‐kāwāq lāḵun glīkum, la um‐kl wīsin lāk gīkī‐k dāḵw‐kl kī

Lin ītīd nīk yūtl, kō mālūq lāḵ lūtl ēkākyaul lāḵwā awīnāqīs‐īḵ kā īs uḵ‐kyāla sūk dāḵw kla, lamīsī hī‐um kl qēla sū‐kl sin Umpā yiḵā he lī da īkē awīnāqīs.

La klīlālā ḵā ginānum kā gāḵīs lāk, la gloqa‐lītlas lāḵ nuka‐kīlītl dāḵwas. La nīkya, aulin nīk yūtl, hīyha um‐kl kāk daḵw sū lā lāḵ klāyū lāḵ, kās hē ūs lā qīx ī ginginānum, kīs dāḵw tā klis la īkl lāḵā īkē awīnāqīs.

Wa yiḵī da qalīxum kla banīstā mas kla ḵīs naukā‐yī gā qīx gada ginānumk, hī mīs wālaza‐kī‐kl lāḵā īkē awīnāqīs.

Wa yiḵī da dādālā klāḵ hī qīx gada kinānumk kā nū‐zīnāyas dādālā tā gāḵun.

Lin aul nīk yūtl, yiḵīs yiklā sū kla ūs lāḵwā awīnāqīs‐īḵ yigluq klī lāḵā īkē awīnāqīs: glū ḵā īs qītl‐īd tsū klā ūs lāḵwā awīnāqīs‐īḵ qīlq um‐kl ḵā ī lāḵā īkē awīnāqīs.

Hī mīs ogwākā‐kl qīgīlas klisin īkē Umpa lūtl, kāk dāḵw sū kīs‐kl klalīwī wāk mūta um nāwhā kīs nātlnum‐wiyūt ūs lāḵīs nī‐naukā yūs.

Yiḵī da ūza‐gīla klāḵ numūqī lāḵ ga gin‐ginānumk ḵā oqisī gāḵun, hī lāḵ tā ēgyas lāḵ sī ko kalī‐ḵōdāyū lāḵī wālas tīsum lāk, kās lē kulyum lāḵ wāwun‐kanūtl.

Māsīs nī‐naukīk dāḵwā? kō uḵnū‐gwāda lā ḵī da numūq baqānum yis lākindī lāmādō lā lā ḵī numa gāyūtl lāk kakā‐zixā‐lāḵ, kīs klā ī bōsī da nānumksūqā gla wa nānamā lākā naunge kās lē ālē ḵī da lā kakā‐zixā?