Известные библейские стихи из GENESIS 39

Поделиться

Tin, LALPA chu Josefa hnênah a awm a; tichuan, ani chu mi vânnei tak a ni a; tin, a pu Aigupta mi inah chuan a awm a.

Tichuan, a neih zawng zawng chu Josefa kutah a dah tlat a, a hnêna thil awm rêng rêng chu a hriatpui hauh lo va, ama chaw ei chauh lo chu a hre lo. Tin, Josefa chu mi tlâwntlai ṭha tak a ni a, a hmêl pawh a ṭha hle a.

Tichuan, tân in vêngtu chuan tân ina tângho awm zawng zawng chu Josefa kutah a kawltîr ta vek a; tichuan, chuta an tih apiang chu Josefa chu a titu a ni zêl ṭhîn a.

Tichuan, Josefa pu chuan ani chu a hruai a, tân in, lal mi tâng phuara an awmnaah chuan a khung ta a; tichuan, chuta tân inah chuan a awm ta a. Nimahsela, LALPA chu Josefa hnênah a awm zêl a, a chungah ngil a nei a, tân in vêngtu pawh a khawngaihtîr a.

Tin, chûng hnuah chuan heti hi a ni a, a pu nupui chuan Josefa chu a ngaihmelh a; tin, “Mi mutpui rawh,” a ti a. Ani erawh chuan a duh lo va, a pu nupui hnênah chuan, “Ngai teh, ka pu chuan he inah hian ka hnênah eng eng nge awm a hre si lo va, a neih zawng zawng ka kutah hian a dah vek a; he inah hian ka aia lian zâwk tu mah an awm lo va; a nupui i nih avângin nangmah chauh lo chu ka lakah eng mah ui a nei hek lo; chutichuan, engtin nge he sual lian tak hi tiin Pathian chunga thil ka tihsual theih ang?” a ti a.

Tin, chumi lai vêl chuan heti hi a ni a, a hna chu thawk tûrin in chhûngah a va lût a; tin, chutah chuan an in awm rêng rêng tu mah an awm lo va. Tichuan, ani chuan, “Mi mutpui rawh,” tiin a silhfênah a lo man a; tin, ani chuan a silhfên chu a kutah chuan a tlânsan a, a chhuak ta daih a.