Известные библейские стихи из Khyehyeike 17

Поделиться

Kyoat Abram wasi ainke hean-siw kresi siw (99) bonyo, YANWE mya ma syusu I ti i ma byohe, “Abram o, Yaw neke Hulasow Malkyakaw Lahuk Yaw. Mtwomolu Yaw, ode mtwoha tun kutanukare ode mmworif mo nelnyely a o.

dendye ana lema animw a ‘Abram’ de, de animw a ‘Abraham’, kali ktwetak de, ma ana tesnwo natumw ribun sir ma rala nus ti lasmyerke khaha ne, ode iry mamin ti nus desikre mumu ne amat a o.

Ode ana wasikw hatetak neke lema kimres, de kuhatetak ti ituru ma ti kyal tesnwo natumw ma ti ktyutw teike, ma wasimw Hulasow a Yaw, ti kyal tesnwo natumw nekre mumu.

“Tnyetak kunor a oke ne: Yaw ne kala o ma tesnwo natumw ribun sir ma rala nus ti lasmyerke khaha ne, ode iry mamin ti nus desikre mumu ne amat a o

Keskye Hulasokwe tyanuk ti i de byohe, “Abraham o, lema koldyesy! Sawamw Sara desike ana idur hahak naman wamwankye it ti o, desikeo maki anike ti Ishak. Ode tnyetak kuhatetak kunor o desy ana kal ti Ishak dakun, ma ti kyal tesnwo natu nekre ti kiba knaru ne.

Ode lasmyer Kanaan mumwakun ti ne ana kal mumu ti o a mor a tesnwo natumw ma midurak ode mmyon ti, ti kiba knaru ne. Ode ana tesnwo natumw wait Hulasow a Yaw.”

Lemade Abraham syakitil ti Hulasokwe, keskye imahis ode ryekan ti ralake ma byohe, “Neke mlay e? Mane wasikw ainke atw de (100). Ode amosw a yaw de. Ode ana kuka anakw huruk e? Ode ana Sara ika anan kolkya, mane wasi ainke hean-siw (90) deny ode?”

Maktei bonyo Hulasokwe byu ti Abraham de byohe, “Kete mabuk sawamw ti Sarai de, de kyala kyosy neke mabuk i ti Sara.

Lemade kyala kyosy ne, naman wamwany a radur ti sir ma kolnye wait sekwe walw (8), desikeo ratosa tenatare, ma ktyoha haret a kutunik ti o ne. Ode o dakun o mor wamwany mamin wasimw sekye krala desy, rtabal wamwany makarya ti seimw desike, ror atamw wamwany muselw desikre mumu, neke musti mo ratosa tenamire dakun. Ode myatosa tenamire koldyesy ma mnyenas myal tnyetak a kuhatetak kor oke.

Keskyede tnyetak kuhatetak neke ana kkwau kor Ishak. Ode lenla ainke sasam huruk, desikeo Sara idur hahak Ishak ti o.”

Lemade kyala kyosy ne, naman wamwany a radur ti sir ma kolnye wait sekwe walw (8), desikeo ratosa tenatare, ma ktyoha haret a kutunik ti o ne. Ode o dakun o mor wamwany mamin wasimw sekye krala desy, rtabal wamwany makarya ti seimw desike, ror atamw wamwany muselw desikre mumu, neke musti mo ratosa tenamire dakun. Ode myatosa tenamire koldyesy ma mnyenas myal tnyetak a kuhatetak kor oke. Lemadendye wamwany desikre mumu musti mo ratosa tenatare ma ktyoha haret a kutunik ti o ne. Rala koldyesy ma ranenenas tnyetak a kuhatetak ti oke ti kiba knaru ne.