Известные библейские стихи из John 19

Поделиться

Ki Jesus a̱o̱ʼohkotawa amohka ma̱tsskonatapiiyi mi̱i̱niaohkii, ki a̱nnimayi itani̱i̱wa, “A̱nnohka a̱kaiksistaʼpiiwa.” Sota̱maotahsohkiaakiwa ki itsi̱ʼniiwa.

O̱ki. Ki a̱nnimayi Jesus sota̱mssksinima otsiksista̱ʼpissi kana̱ʼpaisistsi a̱yakstsinaaʼnistsiistsi manista̱kohkoyiʼpi. Ki itani̱i̱wa, “Tsiksi̱ʼnaki.” A̱a̱mohka iihtani̱i̱wa Jesus ma̱a̱hkohtsitanisttsissi omii nato̱i̱si̱naakssini niitsi̱kayissinaihpi.

Ki Jesus, itsino̱yiwa ota̱komimmai oma̱nikapiimi. A̱nniskaoʼki omi̱i̱ksiska na̱tsikopotsiikska. Kii ma̱ttsitsinoyiiwa omi̱i oksi̱sstsi. Itani̱i̱wa, “Naʼa̱a. A̱a̱mo ki ta̱kohkoyimmawa.” Ina̱i̱ʼtanistsiiwa anni̱i oma̱nikapiimi, “A̱a̱mo kita̱koksisstsimmawa.” Ki a̱nnihkaoʼka ksiistsiko̱yihka oma̱nikapiimi otsi̱toksisstskatahpiayi Jesus oksi̱sstsi, ki itotoiʼtsikatsiiwa̱yi omii otawattokooaayi.

Ki ito̱ʼto̱oyaawa Jesus ki itsino̱yiiyaawayi otsi̱kaiʼnssayi. Ki sota̱msaissiksi̱nayaawayi. Ki a̱nnika oma̱a to̱kskamma a̱wawahkaoʼtsiiwa sapapi̱staʼtsi iihtssi̱miiwa Jesus isttsipo̱o̱htsi osto̱mi. Sota̱msso̱o̱ksaikimsskaawa a̱aa̱pani ki aohki̱i̱yi.

O̱ki. Itsitsi̱kayissiinaapsskohkatoʼpa nato̱i̱si̱naakssini oma̱a Jesus ma̱takitsstsiihpa isska̱a̱yi ohki̱i̱stsi. Ki a̱nnihkayii iihtani̱stsiwa ma̱a̱hkstaiʼssiksinaoʼtoahsaawayi. Ki a̱a̱mo mattstsi̱ki nato̱i̱si̱naakssini itsi̱tsi̱kayissi̱naaiʼpa “A̱kssammiiyaawa o̱tssimawaawayi.”

Sota̱momatapa̱aa̱ttsaawa, itawa̱ttsi̱i̱stamiiwa omiia awo̱i̱sstakssini. Ki o̱o̱maoʼka sota̱mitoʼto̱owa omiima niitsi̱nihkatoohpi, “ista̱ʼaoʼtokaani”. Omi̱i̱ksi Jews otsi̱ʼpoahsoaawa niitsi̱nihkatoomiaawayi, “Golgotha.”

Kii ki omi̱i̱ksi a̱wawahkaoʼtsiiksi sota̱mohtoʼtakiiyaawa amo̱ksiska moka̱ttoyii, ki iihta̱ʼpistotsimiaawa isttso̱mokaaniiyi. Kayi̱ppaisttsi̱i̱pihkini̱naisttsomokaana. Kii ita̱aksi̱sttsomokiiyaawa Jesus. Ki amo̱ya siko̱tskoina̱mminai maa̱ayi, anista̱pssiwa ni̱naiksi o̱mohta̱yanaoʼspi, ita̱akoksiiʼyaawa̱yi.