Известные библейские стихи из VPHAUNGC VYAUNGC 1

Поделиться

Kvruex yimaq Tishox rueq, “Majuiuc naungshiq rueq naungshiq shvmrvmx rulc rv-ngvlc yaq miqsaz kuex tvdung sung wuez ix; tsuingshiq muex ngaq htenc, wushawx htenc nuiyc ngvmx saz vnaungc nuiyc vtsvy, vyungx nuiyc vruinx lotlaz guimz lawc juing tsuingshiq nuex luimc vkawc mhttax kueq,” ngoz tueq jungx tueq. Kvkhoc rvtueq Tishox rueq miqmac shvmx vrvmx rulc rv-ngvlc yaq miq miqwaz, miq yalxjuik kuex tvdung sung vtueq

tsuingshiq muex ruimruimx kuq ruiux jungx tueq kuex, “Suiuz vsaz paunghvlc pux paung wvnc kuinz, ghaq baung ruip saz nuex nuimshiq suiuz vsaz htenc httax ngaungc wvnc vtueq guimz wvnc shuinz. Ngaz rueq ngaq htenc nuiyc wushawx htenc, ngvmx saz vtsvy lotlaz kuex guimz wvnc shuinz,” ngoz tueq jungx tueq.

Vphaungc vyaungc nuex Tishox rueq raungphaungc ghaqwaungc tvdung sung tueq nuex

ghaq kuex vshvmx vrvmx ngoz tueq vguez. Wanc lix wanc lawx dvyx rvtueq, svmuktvrax yuix htauk nuex vnyauk rueq puingc vtueq, yuix htauk nuex Tishox Siyac kuex kvmoay shay yaq.

Tishox rueq, “Vwuic yaungx kuiuz,” ngoz tueq nvr koq tueq, vwuic kuex dung kaz tueq.

Tishox vpiq rueq tvdung sung tueq phvnx htenc kuex lawc vtueq, pinhtumc raungc raq tueq. Raungyac kuex lvy wvnc vtueq raungnvp shex httuiuc tueq, kvruex kuex raungnuiyq tvruk rvtueq.

Tishox rueq vwuic lez kuex khiz vtueq thuinhvlx tueq. Kvruex yimaq vpiq rueq vwuic nuiyc vnyauk kuex tv-phvlc vtueq

Tishox rueq, “Tuiz vtsvmz phvnx ruip saz, pulx thuey waqthuimx phvnx ruip saz kuex nuimshiq rueq phuiuz svy tvkoc ngaz rueq kuq phaungx.

vwuic kuex vnuiyq ngoz ruiux, vnyauk kuex vwvrx ngoz tueq muingc tueq. Raungyac kuex lvy wvnc vtueq raungnvp shex httuiuc tueq, kvruex kuex vphaungc raungnuiyq rvtueq.

Kvruex yimaq Tishox rueq, “Yuix kuex pvl nueyc muex tv-phvlc httaz tvkoc khvrwuirx wuingc yaungx kuiuz,” ngoz tueq nvr tueq rulc rv-ngvlc yaungx kaz tueq. Kvkhoc rvtueq Tishox rueq khvrwuirx wuingc kuex tvhungx ruiux khvrwuirx wuingc khung wawc yuix nuiyc khvrwuirx wuingc htauk wawc yuix kuex tv-phvlc taq tueq.

Ngvmx saz vtsvy lotlaz nuiyc wushawx lotlaz rueq phuiuz svy tvkoc ngaz rueq httuingx jungx phvnx ruip saz kuq phaungx,” ngoz tueq jungx tueq rulc rv-ngvlc yaungx wvnc tueq.

Kvruex yimaq Tishox rueq, “Vnuiyq nuiyc vwvrx kuex tv-phvlc tvkoc nuiyc vnuiyq, vwawc, kuiuq vmoalx raungnuiyq htenc kuex htvp htaz tvkoc raungx nuex vwuic htenc mdung wvnc kueq

Kvruex yimaq vpiq rueq, “Pulx thuey waqthuimx nuiyc pulx thuey jungx phvnx ruip saz kuex ghaq maq kemz kuiuz,” ngoz tueq nvr tueq rulc rv-ngvlc kemz kaz tueq.

Kvruex yimaq Tishox rueq, “Yuix kuex pvl nueyc muex tv-phvlc httaz tvkoc khvrwuirx wuingc yaungx kuiuz,” ngoz tueq nvr tueq rulc rv-ngvlc yaungx kaz tueq. Kvkhoc rvtueq Tishox rueq khvrwuirx wuingc kuex tvhungx ruiux khvrwuirx wuingc khung wawc yuix nuiyc khvrwuirx wuingc htauk wawc yuix kuex tv-phvlc taq tueq.

Kvkhoc rvtueq ghaq wawc vjungx phvnx ruip kemz wvnc tueq, Tishox rueq kvruex khiz vtueq thuinhvlx tueq.

Kvkhoc rvtueq Tishox rueq vnuiyq shvmx yunghvlc vnueyc kuex tvdung sung vtueq shalx rueq vnuiyq kuex guimz ruiux, yapix rueq vwvrx kuex guimz tueq, vpiq rueq ruiysuiyq htenc muinz tvhungx taq tueq.

Kvruex yimaq Tishox rueq, “Raungx khung nuex taung httaz tvkoc yuix kuex baungshiz nuex dvyx rvtuimx rax,” ngoz tueq nvr tueq rulc rv-ngvlc taung dung kaz tueq. Taung kvruex ngoc, “Ghaq” ngoz tueq, rvtuimx yaq yuix kvruex ngoc, “Svmuktvrax” ngoz tueq muingc tueq. Tishox rueq kvruex khiz vtueq thuinhvlx tueq.

Kvruex ngvmx saz htenc muex ruimruimx kuq vtueq, “Yuix nuex httax yaq yungsuiuz yawxsaz phvnx ruip kuex svmuktvrax nuex paunghvlc mpux paung wvnc kueq, wushawx htenc muinz mpux paung wvnc kueq,” ngoz tueq nvr tueq.

Kvruex yimaq Tishox rueq, “Ghaq htauk vyuq ngvmx saz vnaungc nuiyc ngvmx saz vtsvy, vyungx vruinx phvnx ruip saz m-yaungx wvnc kueq,” ngoz tueq nvr tueq rulc rv-ngvlc yaungx wvnc tueq.

Kvruex yimaq Tishox rueq, “Yuix mungx nuex yungsuiuz yawxsaz phvnx ruip m-yaungx wvnc kueq, wushawx htenc kuex raungguil httax yaq raungx htauk kvyuq mbaz kueq,” ngoz tueq nvr tueq.

Tishox rueq ngvmx saz lotlaz kuex kvkhoc tvdung sung ruiux vpiq rueq kvruex khiz vtueq thuinhvlx tueq.