Известные библейские стихи из Juan 15

Поделиться

Ñoqam kani uvas planta, qamkunañataqmi kallmaykuna kankichik. Ñoqapi takyaqqa achkatam rurunqa. Ñoqamanta sapaqchakuruspam ichaqa mana imatapas ruwayta atiwaqchikchu.

Ñoqapiyá takyaychik ñoqañataq qamkunapi. Kall-maqa kikillanmantaqa manam rurunmanchu mana yuranpi kaspaqa, qamkunapas manataqmi ruruwaqchikchu mana ñoqapi takyaspaqa.

Sichum ñoqapi takyaspaykichik chaynataq palabraykunapas qamkunapi takyaptinqa, tukuy ima munasqaykichikta mañakuychik, hinaptinqa qosunkichikmi.

Manam qamkunachu ñoqataqa akllawarqankichik, ñoqam qamkunataqa akllarqaykichik, hinaspam achkata rurunaykichikpaq churarqaykichik, chaynapi rurusqaykichik takyananpaq. Chaynaqa, Taytam ñoqapa sutiypi tukuy ima mañakusqaykichikta qosunkichik.

Pipas hatun kuyakuyniyuqqa amistadninkunapa rantinpi wañuqmi.

Ñoqapi kaq kallmakuna mana ruruqtaqa paymi kuchurunqa, ruruq kallmatañataqmi aswanraq rurunanpaq rawmapaykunqa.

Kaymi kamachikuyniyqa: Huknikichikmanta huknikichikkamayá kuyanakuychik, imaynam ñoqapas qamkuna kuyasqayta hina.

Taytaqa hatunchasqa kanqa achkata ruruptikichikmi, chaynapim qamkunaqa cheqap discipuloykuna kankichik.

Ñoqam kani cheqap uvas planta, Taytayñataqmi chakrapi llamkaq.

Pipas ñoqapi mana takyaqqa qorusqa kallma hinam wischusqa kanqa, chakiruspanmi ninapi rupananpaq wischusqa kanqa.

Kaykunataqa nikichik kusikuyniy qamkunapi kananpaqmi, chaynapi kusikuynikichik qespisqa kananpaq.

Sichum kamachikuyniykunata kasukuspaqa kuyakuyniypiyá takyaychik, imaynam ñoqapas Taytaypa kamachikuyninkunata kasukuspay paypa kuyakuyninpi takyasqayta hina.

Kaytam kamachikichik: Huknikichikmanta huknikichikkamayá kuyanakuychik.

Kay pachapaq kaptikichikqa runakunachá kuyasunkichikman kikinkuta hina, ichaqa manam kay pachapi kaqñachu kankichik, aswanmi kay pachamanta akllakurqayki-chik, chayraykum runakunaqa cheq-nisunkichik.