Известные библейские стихи из يَحَيَ 15

Поделиться

‏«‏مِنْ وٛنِ لَيٛلْ اِنَبٛحِ، اٛنٛنْ نغٛنِ لِشٜ مَاغٛلْ؞ کٛو مٛيٜ جٛوطِيطٛ اٜ جٛکّٛوتِرِ اٜ اَمْ، مِنْ مَا اٜ مِ جٛکّٛوتِرِ اٜ مَاکٛ، اٛ وَرْتَيْ بٛ لِسَلْ دِمَيْنغَلْ ٻِکّٛيْ طُطْکٛيْ؞ نغَمْ تٛ نَاع اٛنْ کَوْتُ اٜ اَمْ، اٛنْ مبَاوَتَا نغَطٛنْ غٛطُّمْ؞

نجٛوطٜىٰ اٛنْ نجٛکّٛوتِرِ اٜ اَمْ، ندٜنْ مِنْ مَا مِ جٛوطٛتٛ اٜ مِ جٛکّٛوتِرِ اٜ مٛوطٛنْ؞ لِسَلْ وَاوَتَا رِمَ کَنُمْ تَنْ، سٜيْ تٛ نغَلْ جٛکّٛوتِرِي اٜ لَيٛلْ؞ نٛنْ اٛنٛنْ مَا اٛنْ مبَاوَتَا نغَطٛنْ غٛطُّمْ طُمْ اَللَّه يِطِ سٜيْ تٛ اٛنْ نجٛکّٛوتِرِي اٜ اَمْ؞

تٛ اٛنْ نجٛکّٛوتِرِي اٜ اَمْ ندٜنْ بٛلِيطٜ اَمْ اٜ نجٛکّٛوتِرِ اٜ مٛوطٛنْ، تٛرٜىٰ کٛو طُمٜ طُمْ نغِطّٛنْ، طُمْ حٛکَّيْعٛنْ طُمْ؞

نَاع اٛنٛنْ شُٻِيَمْ، مِنْ سُٻِعٛنْ حٛکِّعٛنْ کُوغَلْ نجَحٛنْ نغَطٛنْ غٛطُّمْ طُمْ اَللَّه يِطِ تَبِتَيْطُمْ؞ ندٜنْ ݧَاکٛ مٛ دٛوْ حٛکَّيْعٛنْ کٛو طُمٜ طُمْ تٛرِيطٛنْمٛ ندٜرْ اِنْدٜ اَمْ؞

وَلَا يِدّٜ ٻُرْندٜ ندٜعٜ، وَاتٛ نٜطّٛ حٛکَّ يٛنْکِ مُوطُمْ نغَمْ حِغٛوٻٜ مُوطُمْ؞

اٛ اِتَّيْ کٛو نغَلٜ لِسَلْ اَمْ نغَلْ رِمَتَا، ندٜنْ اٛ مٛعِّنَيْ کٛو نغَلٜ لِسَلْ دِمٛووَلْ، نغَمْ نغَلْ ٻٜيْدَ رِمُکِ؞

کٛ نغِنْمِ نغَطٛنْ وٛنِ نغِطِنْدِرٛنْ نٛنْ نٛ نغِطِرْمِعٛنْ؞

کٛ تٜدِّنْتَ ݧَاکٛ اَمْ وٛنِ نغَطٛنْ کٛ اٛ يِطِ ندٜ طُطُّمْ؞ کَنْجُمْ حٛلَّتَ اٛنْ تٛکُّٻٜيَمْ؞

‏«‏مِنْ وٛنِ لَيٛلْ اِنَبٛحِ غٛونغَوٛلْ، ندٜنْ ݧَاکٛ اَمْ وٛنِ ڤَامَنَيْطٛنغٛلْ؞

فُو نٜطّٛ مٛ جٛکّٛتِرَايِ اٜ اَمْ، اٜ مٛ نَنْدِ اٜ لِسَلْ ڤٜعِّتَانغَلْ يٛورِ؞ اِرِ نغَلْ طٛنْ لِسَلْ اٜ نغَلْ حٛشّٜىٰ نغَلْ حُبِنٜىٰ ندٜرْ حِيتٜ نغَلْ وُلَ؞

‏«‏مِ وِعُعٛنْ طُعُمْ نغَمْ نَنٛنْ بٜلْطُمْ ندٜرْ ٻٜرْطٜ مٛوطٛنْ اِرِ طُمْ اَمْ، ندٜنْ بٜلْطُمْ طُمْ وَرْتَ کٜوْطُمْ؞

تٛ اٛنْ نغَطِي کٛ مبِيمِ طُمْ وَطَ، اٛنْ نجٛوطٛتٛ ندٜرْ يِدّٜ اَمْ، نٛنْ نٛ نغَطِرْمِ کٛ ݧَاکٛ اَمْ مٛ دٛوْ وِعِ طُمْ وَطَ نجٛوطِيمِ ندٜرْ يِدّٜ مَاکٛ؞

کٛ مبِيمِ نغَطٛنْ وٛنِ، نغِطِندِرٜىٰ؞

دَا دُونِيَارُ ندُعُ جٜيِعٛنْ، دَا ندُ يِطَيْعٛنْ نٛ ندُ يِطِرِ ٻٜ مَيْرُ؞ اَمَّا مِ سُٻِيعٛنْ دَغَ ندٜرْ دُونِيَارُ، نغَمْ اٛنٛنْ نَاع طُمْ ٻٜ دُونِيَارُ؞ کَنْجُمْ وَطِ يِمْٻٜ مَيْرُ نغَݧِعٛنْ؞