Известные библейские стихи из Matta 5

Поделиться

Nduk nu̱ka sa ɓai ye pitila tu̱ kurpan gha ndu̱ du̱ɓa ɓa, nduk ka du̱ng nda nu̱ ɗyine ɗye du̱ngndan ma ku̱ vu̱r yarang ɓaran ye nduki nu̱ mbu̱ raftang kap. Wanang tu̱k, bu ku̱ kha nu ndu̱ yarang gume nduki, ku̱me mbu̱ wa na ɗye shir mbarkandi nu̱ke tun a shiran, ka gor dlu̱m Zhinonu nu̱ke a mbu̱ viɗi.

“Tun ke yarang ɓu̱ larji, ghai nu̱ke a ɗyin ɗawar nu̱ka shi tuka ɓa.

Barkya ve nduki nu̱ke memu̱na wor shakhshakh, ku̱me wor ka ɓa naki Magham.

Barkya ve nduki nu̱ke a meeri ndu̱ khuzhumndi shir ɗyi nu̱ke Magham a shimndan, ku̱me mbu̱ wor ka ɓa zhi.

Yang nga zu̱ran ye nu, ndolama nu̱ zhangndi ɓaanu, tun shi barar ye nduki nu̱ke a vu̱r bonye ye nu.

Tu̱ ku̱s zu̱ran za, “Barkya ve nduki nu̱ zu̱nki katar ɓaanda mbu̱ jiimba, ku̱me kwaaɗar ɓu̱ Magham ɗya ɓaanda.

Barkya ve nu̱ somtarku, ku̱me ka qa wor qusonggi ɓu̱ Magham.

Barkya ve nduki nu̱ke a mbu̱ su̱bu̱rti memu̱na, ku̱me ka ɓa du̱ng memu̱na wora.

Barkya ve nduki nu̱ke a za bonye ku̱me tlu̱nar jeembi ɓaanda, ku̱me kwaaɗar ɓu̱ Magham ɗya ɓaanda.

Barkya ve nu̱ tu̱kti zhiyaye ku, ku̱me ka ɓa tu̱k zhiyaye ɓaanda tu̱k.

“Barkya ve nu, sarchi nu̱ nduki pu̱zki nu, tu̱ vu̱r bonye ye nu tu̱ kota aa nyi pooni ɗyi malkandi nu̱ ɗyine nu ku̱me nga. Shi ma kashari tu̱ memu̱na nu shi ɓong maɗyi, ku̱me ɗye ɓi ɓaanu khang viɗi, aa annabiku na ɓa ki gume nu wa za bonyeku ba wanang.

Barkya ve nu̱ katar ɗyin ku, ku̱me wor ka ɓa gwaki ɗye mbu̱ ge larji nu̱ ɗyin mban ku.

“Tun ke dleeri ɓu̱ larji. Yang mbu̱ dleeru wa mbu̱t mu̱ndi ɓaran, nduk ka gaɓ ndu̱ mu̱ndi ɓaranang kikimndana? Boota si tu̱k ɓa, buka ku̱ wos gha tu̱ nduki khatl nu̱ mbu̱ saari wora.

Ku̱me wanang, tun kha nyeedlan wa nu̱ke Zhinonu nu̱ke a mbu̱ viɗi nyeedlan.

Buu ku̱ ‘I’ ɓaanu kha ma ‘I’ ndu̱ ‘O, O’ kha ma ‘O, O’ Kap ɗyi nu̱ peetaki nang a vi she Nu̱ mu̱narang.

“Tun wa tu̱k ɗyi nu̱ zu̱ki za, ‘Yiti me ɓu̱ yiti, dlin me ɓu̱ dlin.’ Yang nga zu̱ran ye nu, nggu̱tl nu ku̱ nduk mu̱na nu ɓa, mbu̱ nduk wa ɓu̱tlor ve shalnggor nu̱ zu̱ma to dambu̱r shalnggor da nda yenda.

Mbu̱ke yitor nu̱ zu̱ma wa ka sa ma sola to fu̱lokh to mbuk gha. Ka duk ku̱ mbu̱ɗ na me bar da ve man vaaro, ye ku̱ mbuk manva guma da nu̱ mbu̱ giɗim ɓai. Yang tu̱k, mbu̱ khaa nu̱ zu̱ma wa ka sa ma sola, ku̱rto nu̱ gha to mbuk gha ka duk ku̱ mbu̱ɗ na me bar da ve man vaaro, ye ku̱ mbuk manva guma da nu̱ ɓu̱ giɗim ɓai.