Известные библейские стихи из GÉNESIS 18

Поделиться

Señorpajqa kanmanchu imallapis mana ruway atinaqa? Watapaj kunan jinallataj kutimuspa watukusqayki, chaypaj Saraqa wawayojña kanqa.

Chayrayku Saraqa asiywan atipachikorqa, sonqompitaj nerqa: Imaynamantataj chanta chay jina kusiy kanmanri kay jina payapiri, qosaywan noqawanqa machusña kaykoqa?, nispa.

Señortaj sonqompi nerqa: Abrahamman willasaj imatachus ruwanay kasqanta, imaraykuchus pay kanan kashan uj jatun atiyniyoj naciompa tatan. Payman niniña benedicinayta paynejta kay mundopi tukuy nacionesta.

Chantaqa uj chhikantawan qayllaykuspa Abrahamqa Señorta taporqa: Señor, mana juchayojtaqa juchayojtawan khusachu chinkachinki? Ichapis chay llajtapi mana juchayojkuna phishqa chunka kanqanku. Chay phishqa chunkarayku manapuni chay llajtataqa perdonawajchu?

Señortaj kuticherqa: Sichus phishqa chunka mana juchayojkunata tarisaj Sodoma llajtapi chayqa, paykunarayku chay llajtata mana chinkachisajchu.