Известные библейские стихи из Xhun 2

Поделиться

Aʼetz ibʼanvat Jesuus u bʼaxa kaebʼal aanima tu tenam Kanaa uvaʼ at tuulbʼal Galileea. Tul tzitzi ikʼutxhvat Jesuus uvaʼ mam yol u tatineʼ. Echetz iqejt vete inqʼa nikich itxhus tibʼ kʼatz Jesuus uvaʼ, aʼich Jesuuse u Kriisto.

Yaʼne ech tal Jesuus te vitxutx s-eche: —Kametz s-tiʼil nik aal s-ve s-eche, ixoq. Atz yeʼx opoonoq viqʼiil vinkʼutxht inqʼa kaebʼal aanima, —xeʼt Jesuus.

Yaʼne ech tal Jesuus te inqʼa nikich qʼexsan inqʼa kam s-eche: —Nojsavaq inqʼa mamaʼ txhaq txeʼn tuchʼ txhoʼl aʼ, —xeʼt Jesuus. Tul tira inojsaaq veteʼ.{*} Yaʼne ech tal vet Jesuus te inqʼa nikich qʼexsan inqʼa kam s-eche: —Iqʼovaqetz inbʼeeq u aʼ, tul bʼenoq etaqʼ vatz u iqatzin tetz tilix u tzʼaloʼm, —xeʼt Jesuus. Tul ex aqʼloq veteʼ.

Tul ech tal Jesuus s-eche: —Tilpuvaq u tostiuxh uvaʼa, tul oxvaʼl kuxh qʼij toq oleʼvik in tiʼ ilakax inpaqte, —xeʼt Jesuus.

Yaʼne ibʼan vet Jesuus tutxh val u iqvil sitzʼuʼm. Tul xeʼt Jesuus tiʼ itukil eluʼl inqʼa xaol tuchʼ inqʼa ivaʼk, atz tuchʼ inqʼa ikarneʼl tu nimla tuulbʼal u tostiuxh. Tul imakʼeʼl Jesuus ipuaq inqʼa jalolaq puaq. Tul ivampu el Jesuus inqʼa imeexha. Tul ech tal vet Jesuus te inqʼa nikich kʼayin paraamuxh s-eche: —¡Eesavaq el inqʼa ekʼaʼy tzitza! Tul ¡yeʼ etaqʼ bʼen u totzotz vinBʼaal s-kʼayibʼal! —xeʼt Jesuus.