Известные библейские стихи из Yoane 21

Поделиться

Pacisila lino yalya, Yesu auzya Simoni Petulo ati, “We Simoni mwana wakwe Yoane, uzye wantemwa kuluta vino yaa yauze yantemwa?” Awe aasuka ati, “Endi Mwene, wamanya vino nakutemwa.” Yesu nawe amunena ati, “Uwalisya ana ya mfwele akwane.” Nupya amuuzya iila lyakwe ciili ati, “We Simoni mwana wakwe Yoane, uzye wantemwa?” Nawe aasuka ati, “Endi Mwene, wamanya vino nakutemwa.” Yesu amunena ati, “Uwasunga mfwele zyane.” Yesu amuuzya iila lyakwe citatu ati, “We Simoni mwana wakwe Yoane, uzye wantemwa?” Petulo auvwa ulanda pano Yesu wamuzya iila lyakwe citatu ati, “Uzye wantemwa?” Alino Petulo amunena ati, “Mwene wamanya vintu vyonsi. Wamanya vino nakutemwa!” Alino Yesu amunena ati, “Uwalisya mfwele zyane.

Cumi nakunena, vino wemo lino wali mulumendo wainyepanga musipi nu kuya kuno ukasi. Lelo lino ulakota, ulololola makasa yako nga umuntu muze alakunyepa nu kukusenda kuno utakasi kuya.”

Nawe ayanena ati, “Sumbilini isumbo linu kwi lunji lya wato nga mumauma zimwi.” Nao yasumbila isumbo, nga ni nswi zilemyamo izingi cakuti yaposiwa kukula isumbo.

Alino Simoni Petulo anena alondezi yauze ati, “Nemo naya ku kuvuwa.” Nao yamunena yati, “Naswe kwene katukulondele.” Caleka yapatama mu wato, yapita. Lelo usiku ulya yatumile nanti inswi yonga.