Известные библейские стихи из YAPHANG 1

Поделиться

Hakhe Kaitor hai hwnwi sa kha, “Phai di chwng bai kosol khe borokno snamnai. Chwng omo hai khe snamnai; twini árok, nokha-o birnai tokrok tei nokni, bolongni bebak yabrwi mal-matarok tei malwi himnairokni saka-o bórokni suar tongnai.” Hakhe Kaitor borokno bono kosol khe snam kha, chwla tei bwrwi khe bórokno snam kha.

Tei Kaitor hamari rwui bórokno hai hwnwi sa kha, “Er di tei báng di, ha-o kupulung khlai di tei bórokno yapha-o ton di; phiya twijlangni árok tei nokhani toksa-toktẃirok tei ha saka-o tongnai langma gwnangrokno kók khna rwui ton di.”

Yaphango Kaitor nokharok tei hayungno snam kha.

Hayung mungsa goron kwrwi bukcha tongma se, hakhe twi kuthuk khe mwnak koboljak; tei twirokni saka-o khe Kaitorni Phola birkitingwi tongmani.

Hakhe Kaitor “Pohor wng di” hwnwi sa kha, hakhe pohor wng kha.

Hakhe Kaitor bo snamma bebak manwirokno naisigwi nai kha tei abórokno belai’-no kaham nuk kha. Hakhe sal tháng kha tei phung ai kha tei saldokni sal wng kha.

Tei Kaitor nuk kha a pohor kaham. Hakhe Kaitor pohor bai mwnakno swkak kha.

Hakhe Kaitor hai hwnwi sa kha, “Nai di ang o ha saka-o tongma bebak bwchlwi gwnang buphang-uáphangrok tei bwthái tháinai bebak buphangrokno, nini chámungni bagwi rw kha, abórokno nwng chá di.

Kaitor pohorno sal tei mwnakno khe hor hwnwi mung phar kha. Omo hai khe hor wng kha tei phung ai kha. Omo hai khe salsa wng kha.

Hakhe Kaitor hai hwnwi sa kha, “Twirokno khakna bagwi twirokni kwcharo kaisa bukcha wng thung.”

Ha sakani bebak malrok nokhani bebak toksa-toktẃirok, ha sakani bebak malnairok tei bebak rangma gwnangrokno ang bórokni chámungni bagwi bebak sam kwkhrangrokno rw kha.” Hakhe abo hai’-no wng kha.

Hakhe Kaitor hai hwnwi sa kha, “Nokhani bukcha-o sal bai horno swkakna bagwi pohor kaisa wng thung tei marini bagwi jorarokni bagwi salrok tei bisirokni bagwi

Hakhe Kaitor hai hwnwi sa kha, “O ha-o bebak samrok, bwchlwi gwnang samphangrok tei bwthái tháinai buphangrok achai thung.” Hakhe abo hai’-no wng kha.

Hakhe Kaitor twirokno swkagwi o bukchani saka-o kaisa tei kháma-o kaisa khlai kha. Hakhe abo hai’-no wng kha.

Hakhe o hayungo dal-bidal samrok, bwchlwi gwnangrok tei bwthái tháinai buphangrok wng kha tei sak sakni mangduk na kha. Hakhe Kaitor abórokno kaham nuk kha.

Hakhe Kaitor pohor kotor kainwino snam kha. Pohor kotor kaisa khe salni bagwi tei kaisa lem pohor khe horni bagwi; bo athukiriroknobo snam kha.

Hakhe Kaitor hai hwnwi sa kha, “Nokharokni twirok kwrẃngsa-o khe thumjak thung tei hakung nukjak thung.” Hakhe ahai’-no wng kha. Kaitor o ha kwranno khe Hakung tei twi thumjakrokno khe Twijlangrok hwnwi mung phar kha. Hakhe Kaitor nuk kha, abo kaham.

Hakhe Kaitor bórokno hamari rwui hai hwnwi sa kha, “Er di tei bángwi twijlangni twirogo supung di tei tokrokbo ha saka-o er thung.”

Hakhe Kaitor hai hwnwi sa kha, “O ha saka-o bebak juda juda langma gwnang mal-matarok: Yabrwirok, ha-o malwi himnairok wng thung” hakhe abo hai’-no wng kha.

Hakhe Kaitor hai hwnwi sa kha, “Twi-o hámung sini ya langma gwnang malrok bai kupulung wng thung tei nokha-o khe birnai tokrok kupulung wng thung.”

Kaitor hayungni yabrwi mal-matarokno sak sakni sak-mang rwui bebak ha-o tongnairokno tei malwi himnairokno snam kha. Kaitor nuk kha abo kaham.