Известные библейские стихи из Mathae 2

Поделиться

Ar ipilko ńelkede khan gonok ponḍetko do ạḍi rạskạ salakʼ oṛakʼteko boloyena ar bale gidrạ do uniren eṅgattetʼ Mạriạm ṭhenko ńel ńamkedea. Unre onko do ombakʼkateko sewawadea ar akoakʼ baksa jhicʼkate Sona, Kunduru ar Gondhorosko samaṅadea.

Jihudạ disạm reakʼ Betlehem atore Jisuakʼ janam do hoelena. Unre Herod do raje tahẽkana. Ar purub disạmren gonok ponḍetko do Jerusalemte hecʼkateko menkeda, “Jihudikoren janam akan raj do okare menaea? Ale do uniren ipil purubrele ńelakadea ar uni sewawae lạgitʼle hecʼakana.”

Ar ipilko ńelkede khan gonok ponḍetko do ạḍi rạskạ salakʼ oṛakʼteko boloyena ar bale gidrạ do uniren eṅgattetʼ Mạriạm ṭhenko ńel ńamkedea. Unre onko do ombakʼkateko sewawadea ar akoakʼ baksa jhicʼkate Sona, Kunduru ar Gondhorosko samaṅadea.

Ar Isor do Herod ṭhen aloko ruạṛ calakʼa mente kukmũte onkoe sontorkatʼkoa. Unre onko do eṭakʼ horte akoakʼ disạmteko ruạṛ calaoena. Gonok ponḍetkoko calaoen khan Probhuren mitʼṭen goḍet do kukmũte Joseph ṭhen ńel ocoyenteye menkeda, “Ma beretʼme, gidrạ ar eṅgattetʼ sotokʼkinte Misor disạmte dạṛme ar ạuriń metam hạbicʼ onḍege tahenme, ente Herod do gidrạ goje iạteye sendra lạgidokʼ kana.’”