Известные библейские стихи из Dyénésis 39

Поделиться

Kabay Dwata i Amu, samnagin ku Dyosif, na i kdee nimoan slame fye. Na mnè kenen di gumnè i amun, Fotifar, to mdà di Idyif, du nlifan déén.

Di ku Dyosif i gusmaligan i kdee nfunan, na du saligan i kdee di kenen, landè dademe fandaman galwà di kakaanan. Na Dyosif satu too fye baweh lagi na mgal i lawehan.

Taman blén ku Dyosif glal mebe i kdee dad to bnilanggù, na balù i kdee nimò di lam i bilanggù kenen mebe.

Taman fakfean Dyosif na fbilangguan, fasbool di dad to bnilanggù i harì. Kabay klon déén di bilanggù, là tlag kasnagin Dwata i Amu di kenen, na i kakdon landè kgilin fiten ku Dyosif, du balù i to gal munung i bilanggù too lehew ku Dyosif.

Taman là mlo, i yaan Fotifar mibal ku Dyosif, na manan kenen, “Sasatu ite milè.” Kabay là mayè Dyosif, na tnimelan, manan, “Landè dademe fandam i amugu, du deg sa i lifanan. Na i kdee nfunan tagsaligan di deg. Sadi salngad i glalgu di kenen glal dini di gumnean ani. Na landè dini i klenan deg galwà ge, du ge sa i yaanan. Taman là agu mayè mimò i too sasè nimò, du là fakay ku gamsalà agu di Dwata.”

Kabay di satu duh, fusuk Dyosif di lam i gumnè én, du mimò i nimoan, na gaslà i ndè dademe dad lifan déén. Kite i yaan Fotifar kenen, nafasan di lafin klawehan, na manan, “Magin ge deg milè.” Kagmanan ani, gtagak Dyosif i lafin klawehan di kmal i libun ani, du mila di gumnè.