Известные библейские стихи из SIEMCHILBU 39

Поделиться

Tualeh Mangpa’n Joseph aumpi a, tuachi’n mi lawching tah ahia, apu Izipt mi inn ah aum hi.

Tuachi’n aman anei zousie a unin Joseph khutah a koia, tuachiin ann neh chilou anei zousie bangma theiphah anei sih hi. Tualeh Joseph mi melhoi mama leh etlawm tah ahia.

Tuachi’n suongkul vengpan suongkul aum suongkultang zousie Joseph khutah a unin akeem sah a, tuana abawl zousie uh Joseph bawl ahimai hi.

Tuachi’n Joseph apu’n azawpi a, leengpa miliente akhumna uh suongkul ah akhumta hi. Hinanleh Mangpa’n Joseph aumpi a, ahepina akilang sah a, suongkul vengpa mitmu ah deisahna a tangsah hi.

Tualeh tamte zouin hichi ahing hi a, apu zi in Joseph a dei et a, tuachiin “Hing luppi in” achi hi. Hinanleh ama a ut sih a, apu zi kungah “En in, ka puin tam innsung ah, ka kungah bang aum ei chi athei vateh sih hi, anei zousie a unin ka khutah ahing kemsah hi. Tam inn sungah keisanga lienzaw koima aum sih hi; a zi na hi ziehin nang chilou kei a dingin bangma it anei sih hi. Tuaziehin bang dingin tambang mawna lienpi bawl in, Pasian tungah sil gilou bawl in ka khiel thei diei?” achi hi.

Hinanleh tua hun laiin hichi ahing hia, a nasem dingin Joseph khu inn sungah ava lut a, tualeh inn sungah mi mawngmawng koima aum sih hi. Tualeh amanu’n a puonsil in ana man a, “Hing luppi in” a chi hi. Tualeh aman a khutah a puonsil a nuasie a, a taisanta hi.