Romani, Carpathian - The Word for the World Version (NT) Drama

Romani, Carpathian - The Word for the World Version (NT)

Romani, East Slovak TWFTW (NT) Drama

Romani, East Slovak TWFTW (NT) NonDrama

<div class="version vid992 iso6393rmc" data-vid="992" data-iso6393="rmc">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s1">O Je&#382;i&#353; &#8211; o ve&#269;no Lav le Devleskro</div><div class="p"> 1E&#353;ebnovarestar sas o Lav a oda Lav sas pa&#353; o Del a oda Lav sas o Del. 2Ov sas e&#353;ebnovarestar pa&#353; o Del. 3Savoro sas stvorimen prekal leste a bijal leste na sas stvorimen &#328;i&#269; olestar, so hin stvorimen. 4Andre leste sas o d&#382;ivipen a oda d&#382;ivipen sas o &#353;vetlos le manu&#353;engro. 5Oda &#353;vetlos labol andro ka&#318;ipen a o ka&#318;ipen les na zaa&#269;ha&#271;a.</div><div class="p"> 6Sas jekh manu&#353; bi&#269;hado le Devlestar, savo pes vi&#269;inelas Jan. 7Ov av&#318;a te sved&#269;inel pal oda &#353;vetlos, hoj oda savore te &#353;unen a te pa&#269;an. 8Ov korkoro na sas oda &#353;vetlos, ale av&#318;a te sved&#269;inel pal oda &#353;vetlos.</div><div class="p"> 9Oda &#269;a&#269;o &#353;vetlos, so labol prekal dojekh manu&#353;, avelas pro svetos. 10Ov sas andro svetos, so sas stvorimen prekal leste, ale oda svetos les na prind&#382;ar&#271;a! 11Av&#318;a andre peskro, ale leskre nipi les na priile! 12Ale savoren, ko les priile &#8211; olen, ko pa&#269;an andre leskro nav, di&#328;a pravos te a&#269;hen o &#269;have le Devleskre, 13save na u&#318;ile le ratestar a&#328;i olestar, so kamelas o &#357;elos, vaj o mur&#353; &#8211; ale le Devlestar.</div><div class="p"> 14Oda Lav a&#269;hi&#318;a manu&#353; a d&#382;ivelas ma&#353;kar amende. Dikh&#318;am leskri slava, e slava &#269;a le jekhore &#268;haskri, savo av&#318;a le Dadestar a andre savo hin pherdo milos&#357; the &#269;a&#269;ipen.</div><div class="p"> 15O Jan sved&#269;inelas pal leste a vi&#269;inelas: &#8222;Kada hin oda, pal kaste phen&#271;om, &#8218;Oda, ko avel pal mande, sas angle ma, bo sas sigeder sar me.&#8216; &#8220; 16Amen savore prii&#318;am leskre barva&#318;ipnastar jekh po&#382;ehna&#328;je pal aver. 17Bo prekal o Moj&#382;i&#353; sas dino o zakonos, ale e milos&#357; the o &#269;a&#269;ipen av&#318;a prekal o Je&#382;i&#353; Kristus. 18Le Devles &#353;oha &#328;iko na dikh&#318;a, ale &#269;a o jekhoro &#268;havo#1,18 E grecko &#269;hib: &#269;a o jekh Del, savo hino korkoro Del a hino nekpa&#353;eder pa&#353; o Dad, ov amenge les sika&#271;a.</div><div class="s1">Le Janoskro sve&#271;ectvos</div><div class="p"> 19Kada hin o sve&#271;ectvos le Janoskro, sar ke leste o &#381;idi andral o Jeruzalem bi&#269;hade le ra&#353;ajen the le Leviten, hoj lestar te phu&#269;en: &#8222;Ko tu sal?&#8220; 20O Jan viznavin&#271;a a phen&#271;a phundradones: &#8222;Me na som o Kristus.&#8220;</div><div class="p"> 21A phu&#269;le lestar: &#8222;Ko akor sal? &#268;i sal tu o Elia&#353;?&#8220;</div><div class="p">Ov phen&#271;a: &#8222;Na som.&#8220;</div><div class="p">&#8222;Abo sal oda Prorokos?&#8220;</div><div class="p">Odphen&#271;a: &#8222;Na.&#8220;</div><div class="p"> 22Androda leske phende: &#8222;Akor, ko sal? Hoj te d&#382;anas te odphenel olenge, ko amen bi&#269;hade. So pal tute phenes?&#8220;</div><div class="p"> 23O Jan phen&#271;a oda, so pisin&#271;a o prorokos Izaja&#353;: &#8222;Me som o hangos, so vi&#269;inel pre pu&#353;&#357;a: &#8218;Rov&#328;inen avri o drom le Rajeskro!&#8216; &#8220;</div><div class="p"> 24Ma&#353;kar ola manu&#353;a, so sas pal leste bi&#269;hade, sas the Farizeja. 25On lestar phu&#269;le: &#8222;Soske akor boles, te na sal tu o Kristus a&#328;i o Elia&#353; a&#328;i oda Prorokos?&#8220;</div><div class="p"> 26O Jan lenge odphen&#271;a: &#8222;Me bolav le pa&#328;eha, ale ma&#353;kar tumende a&#269;hel oda, kas tumen na prind&#382;aren. 27Ov hin oda, ko avel pal mande, ale me na som hodno leske te rozphandel a&#328;i o sirimocis pro sandalki.&#8220; 28Kada pes a&#269;hi&#318;a andre Betanija pal o Jordan, kaj o Jan bolelas.</div><div class="p"> 29Pre aver d&#382;ives dikh&#318;a o Jan le Je&#382;i&#353;, hoj avel ke leste, a phen&#271;a: &#8222;Dikh, o Bakroro le Devleskro, savo odlel o binos le svetoskro! 30Kada hin oda, pal kaste me phen&#271;om: &#8218;Pal mande avel mur&#353;, savo hin angle ma, bo sas sigeder sar me.&#8216; 31A&#328;i me les na prind&#382;aravas, ale va&#353;oda av&#318;om a bolavas le pa&#328;eha, hoj les o Izrael te sprind&#382;arel.&#8220;</div><div class="p"> 32O Jan sved&#269;inelas: &#8222;Dikh&#318;om le Duchos te avel sar holubica tele andral o &#328;ebos a a&#269;hi&#318;a pre leste. 33A&#328;i me les na prind&#382;aravas, ale oda, ko man bi&#269;ha&#271;a te bolel le pa&#328;eha, mange phen&#271;a: &#8218;Pre kaste dikheha te avel tele le Duchos a hoj a&#269;hel pre leste, oda hin ov, savo bolel le Svete Duchoha.&#8216; 34A me oda dikh&#318;om a sved&#269;inav, hoj ov hino o &#268;havo le Devleskro.&#8220;</div><div class="s1">E&#353;ebna u&#269;e&#328;ika le Je&#382;i&#353;oskre</div><div class="p"> 35Pre aver d&#382;ives ode pale a&#269;helas o Jan the duj leskre u&#269;e&#328;ika 36a dikh&#318;a le Je&#382;i&#353;, sar odarik pa&#353;al pred&#382;al, a phen&#271;a: &#8222;Dikhen, o Bakroro le Devleskro!&#8220;</div><div class="p"> 37Ola duj u&#269;e&#328;ika &#353;unde, so phen&#271;a, a gele pal o Je&#382;i&#353;. 38O Je&#382;i&#353; visa&#318;i&#318;a a dikh&#318;a, hoj d&#382;an pal leste, a phen&#271;a lenge: &#8222;So roden?&#8220; On leske odphende: &#8222;Rabbi (so hin prethodo: U&#269;i&#357;e&#318;ina), kaj be&#353;es?&#8220;</div><div class="p"> 39Ov lenge phen&#271;a: &#8222;Aven a dikhen!&#8220; Avke gele a dikhle, kaj be&#353;el, a a&#269;hile oda d&#382;ives ke leste. Sas vaj &#353;tar ori#1,39 E grecko &#269;hib: de&#353; ori pal o dilos.</div><div class="p"> 40Jekh ole dujendar, save oda &#353;unde le Janostar a gele pal o Je&#382;i&#353;, sas o Andrej, o phral le &#352;imonoskro Peteriskro. 41E&#353;ebno veca, savi ker&#271;a o Andrej, sas, hoj arakh&#318;a peskre phrales le &#352;imon a phen&#271;a leske: &#8222;Arakh&#318;am le Mesija&#353;is,&#8220; so hin prethodo: Le Kristus. 42A an&#271;a les ko Je&#382;i&#353;.</div><div class="p">O Je&#382;i&#353; dikh&#318;a pre leste a phen&#271;a: &#8222;Tu sal o &#352;imon, o &#269;havo le Jona&#353;iskro. Tu pes vi&#269;ineha Kefas,&#8220; so hin prethodo: &#8222;Peter.&#8220;</div><div class="p"> 43Pre aver d&#382;ives o Je&#382;i&#353; kam&#318;a te d&#382;al andre Galileja. Arakh&#318;a le Filip a phen&#271;a leske: &#8222;Av pal ma!&#8220;</div><div class="p"> 44O Filip sas andral e Betsaida, oda sas o foros, kaj be&#353;elas o Andrej the o Peter. 45A o Filip arakh&#318;a le Natanael a phen&#271;a leske: &#8222;Arakh&#318;am oles, pal kaste hin pisimen andre le Moj&#382;i&#353;oskro Zakonos the andro Proroka, le Je&#382;i&#353; andral o Nazaret, le Jozefoskre &#269;has.&#8220;</div><div class="p"> 46O Natanael leske phen&#271;a: &#8222;&#268;i andral o Nazaret &#353;aj avel vareso la&#269;ho?&#8220;</div><div class="p">O Filip leske odphen&#271;a: &#8222;Av a dikh!&#8220;</div><div class="p"> 47Sar dikh&#318;a o Je&#382;i&#353;, hoj o Natanael avel ke leste, phen&#271;a: &#8222;Dikh, &#269;a&#269;o Izraelitas, andre savo nane klami&#353;agos.&#8220;</div><div class="p"> 48O Natanael leske phen&#271;a: &#8222;Khatar man prind&#382;ares?&#8220;</div><div class="p">O Je&#382;i&#353; leske odphen&#271;a: &#8222;Mek sigeder, sar tut o Filip vi&#269;in&#271;a, dikh&#318;om tut, sar salas tel oda figov&#328;ikos.&#8220;</div><div class="p"> 49O Natanael leske phen&#271;a: &#8222;Rabbi, tu sal oda &#268;havo le Devleskro! Tu sal o kra&#318;is le Izraeloskro!&#8220;</div><div class="p"> 50O Je&#382;i&#353; leske odphen&#271;a: &#8222;Tu pa&#269;as &#269;a va&#353; oda, bo phen&#271;om tuke: &#8218;Dikh&#318;om tut tel oda figov&#328;ikos&#8216;? Dikheha mek bareder veci sar kada.&#8220; 51Pa&#318;is phen&#271;a: &#8222;&#268;a&#269;es, &#269;a&#269;es phenav tumenge, hoj dikhena o &#328;ebos phundrado a le Devleskre a&#328;jelen te d&#382;al upre a te avel tele pro &#268;havo le Manu&#353;eskro.&#8220;</div>
 </div>
 </div>
</div>

Ešebnovarestar sas o Lav a oda Lav sas paš o Del a oda Lav sas o Del. Ov sas ešebnovarestar paš o Del. Savoro sas stvorimen prekal leste a bijal leste na sas stvorimen ňič olestar, so hin stvorimen. Andre leste sas o dživipen a oda dživipen sas o švetlos le manušengro. Oda švetlos labol andro kaľipen a o kaľipen les na zaačhaďa.
Sas jekh manuš bičhado le Devlestar, savo pes vičinelas Jan. Ov avľa te svedčinel pal oda švetlos, hoj oda savore te šunen a te pačan. Ov korkoro na sas oda švetlos, ale avľa te svedčinel pal oda švetlos.
Oda čačo švetlos, so labol prekal dojekh manuš, avelas pro svetos. Ov sas andro svetos, so sas stvorimen prekal leste, ale oda svetos les na prindžarďa! Avľa andre peskro, ale leskre nipi les na priile! Ale savoren, ko les priile – olen, ko pačan andre leskro nav, diňa pravos te ačhen o čhave le Devleskre, save na uľile le ratestar aňi olestar, so kamelas o ťelos, vaj o murš – ale le Devlestar.
Oda Lav ačhiľa manuš a dživelas maškar amende. Dikhľam leskri slava, e slava ča le jekhore Čhaskri, savo avľa le Dadestar a andre savo hin pherdo milosť the čačipen.
O Jan svedčinelas pal leste a vičinelas: „Kada hin oda, pal kaste phenďom, ‚Oda, ko avel pal mande, sas angle ma, bo sas sigeder sar me.‘ “ Amen savore priiľam leskre barvaľipnastar jekh požehnaňje pal aver. Bo prekal o Mojžiš sas dino o zakonos, ale e milosť the o čačipen avľa prekal o Ježiš Kristus. Le Devles šoha ňiko na dikhľa, ale ča o jekhoro Čhavo, savo hino korkoro Del a hino nekpašeder paš o Dad, ov amenge les sikaďa.

Kada hin o sveďectvos le Janoskro, sar ke leste o Židi andral o Jeruzalem bičhade le rašajen the le Leviten, hoj lestar te phučen: „Ko tu sal?“ O Jan viznavinďa a phenďa phundradones: „Me na som o Kristus.“
A phučle lestar: „Ko akor sal? Či sal tu o Eliaš?“
Ov phenďa: „Na som.“
„Abo sal oda Prorokos?“
Odphenďa: „Na.“
Androda leske phende: „Akor, ko sal? Hoj te džanas te odphenel olenge, ko amen bičhade. So pal tute phenes?“
O Jan phenďa oda, so pisinďa o prorokos Izajaš: „Me som o hangos, so vičinel pre pušťa: ‚Rovňinen avri o drom le Rajeskro!‘ “
Maškar ola manuša, so sas pal leste bičhade, sas the Farizeja. On lestar phučle: „Soske akor boles, te na sal tu o Kristus aňi o Eliaš aňi oda Prorokos?“
O Jan lenge odphenďa: „Me bolav le paňeha, ale maškar tumende ačhel oda, kas tumen na prindžaren. Ov hin oda, ko avel pal mande, ale me na som hodno leske te rozphandel aňi o sirimocis pro sandalki.“ Kada pes ačhiľa andre Betanija pal o Jordan, kaj o Jan bolelas.
Pre aver džives dikhľa o Jan le Ježiš, hoj avel ke leste, a phenďa: „Dikh, o Bakroro le Devleskro, savo odlel o binos le svetoskro! Kada hin oda, pal kaste me phenďom: ‚Pal mande avel murš, savo hin angle ma, bo sas sigeder sar me.‘ Aňi me les na prindžaravas, ale vašoda avľom a bolavas le paňeha, hoj les o Izrael te sprindžarel.“
O Jan svedčinelas: „Dikhľom le Duchos te avel sar holubica tele andral o ňebos a ačhiľa pre leste. Aňi me les na prindžaravas, ale oda, ko man bičhaďa te bolel le paňeha, mange phenďa: ‚Pre kaste dikheha te avel tele le Duchos a hoj ačhel pre leste, oda hin ov, savo bolel le Svete Duchoha.‘ A me oda dikhľom a svedčinav, hoj ov hino o Čhavo le Devleskro.“

Pre aver džives ode pale ačhelas o Jan the duj leskre učeňika a dikhľa le Ježiš, sar odarik pašal predžal, a phenďa: „Dikhen, o Bakroro le Devleskro!“
Ola duj učeňika šunde, so phenďa, a gele pal o Ježiš. O Ježiš visaľiľa a dikhľa, hoj džan pal leste, a phenďa lenge: „So roden?“ On leske odphende: „Rabbi (so hin prethodo: Učiťeľina), kaj bešes?“
Ov lenge phenďa: „Aven a dikhen!“ Avke gele a dikhle, kaj bešel, a ačhile oda džives ke leste. Sas vaj štar ori pal o dilos.
Jekh ole dujendar, save oda šunde le Janostar a gele pal o Ježiš, sas o Andrej, o phral le Šimonoskro Peteriskro. Ešebno veca, savi kerďa o Andrej, sas, hoj arakhľa peskre phrales le Šimon a phenďa leske: „Arakhľam le Mesijašis,“ so hin prethodo: Le Kristus. A anďa les ko Ježiš.
O Ježiš dikhľa pre leste a phenďa: „Tu sal o Šimon, o čhavo le Jonašiskro. Tu pes vičineha Kefas,“ so hin prethodo: „Peter.“
Pre aver džives o Ježiš kamľa te džal andre Galileja. Arakhľa le Filip a phenďa leske: „Av pal ma!“
O Filip sas andral e Betsaida, oda sas o foros, kaj bešelas o Andrej the o Peter. A o Filip arakhľa le Natanael a phenďa leske: „Arakhľam oles, pal kaste hin pisimen andre le Mojžišoskro Zakonos the andro Proroka, le Ježiš andral o Nazaret, le Jozefoskre čhas.“
O Natanael leske phenďa: „Či andral o Nazaret šaj avel vareso lačho?“
O Filip leske odphenďa: „Av a dikh!“
Sar dikhľa o Ježiš, hoj o Natanael avel ke leste, phenďa: „Dikh, čačo Izraelitas, andre savo nane klamišagos.“
O Natanael leske phenďa: „Khatar man prindžares?“
O Ježiš leske odphenďa: „Mek sigeder, sar tut o Filip vičinďa, dikhľom tut, sar salas tel oda figovňikos.“
O Natanael leske phenďa: „Rabbi, tu sal oda Čhavo le Devleskro! Tu sal o kraľis le Izraeloskro!“
O Ježiš leske odphenďa: „Tu pačas ča vaš oda, bo phenďom tuke: ‚Dikhľom tut tel oda figovňikos‘? Dikheha mek bareder veci sar kada.“ Paľis phenďa: „Čačes, čačes phenav tumenge, hoj dikhena o ňebos phundrado a le Devleskre aňjelen te džal upre a te avel tele pro Čhavo le Manušeskro.“

Слушайте Jan 1