℗ 2006 Hosanna Grabado por Vina, Solola, Guatemala

Guaymi - 2004 Edition (NT)

<div class="version vid601 iso6393gym" data-vid="601" data-iso6393="gym">
 <div class="book bkMAT">
 <div class="chapter ch6" data-usfm="MAT.6">
 <div class="label">6</div><div class="s">Ngwian biandre tiebe</div><div class="p"> 1Mdak&#228;re abko, munkwe &#241;an j&#228;ndr&#228;n kuinkuin nuen tuadre ni j&#246;kr&#228;ye ja b&#228; mikak&#228;re kuin ni mda mda okw&#228;bti, &#241;obt&#228; &#241;an angwane munkwe nuendre kore ne ngwane, mun R&#252;n t&#228; k&#228; k&#228;inbti ye k&#228;kwe &#241;an sribi ye &#252;ti&#228; biandre jire chi munye. 2Ne aisete munkwe j&#228;ndr&#228;n bian ni bobre die mikakr&#228; angwane, &#241;an mun rika niere k&#228; j&#246;kr&#228;bti temen kw&#228;r&#228;kw&#228;r&#228; mikak&#228;re gare. Nitre ja b&#228; mikaka kuin k&#228;ta j&#228;ndr&#228;n bien kore amne t&#228;tre niken mike gare sinagogate amne t&#228;tre niken ji ngrabare temen mike gare. Yebt&#228; abko ni mda mda k&#228;kwe niaratre k&#228;ikitadrek&#228; abkok&#228;re t&#228;tre nuene, aisete t&#228;tre j&#228;ndr&#228;n kuin nuene kore, ye abko &#252;ti&#228; nena kwetre abko tita niere metre, aisete munkwe &#241;an j&#228;ndr&#228;n nuen niaratre kwrere. 3Ne aisete nane munkwe ni bobre die mika angwane, makwe &#241;an nie jire chi ma kukwe muko b&#228;ri kuinye, 4akwa makwe nuen kaibe k&#228; bube. Makwe nuendre kore ne ngwane, ma R&#252;n, ie j&#228;ndr&#228;n kaibe tiebe tuen, ye k&#228;kwe sribi makwe ye &#252;ti&#228; biandi mae.</div><div class="s">Blitadre &#241;o Ng&#246;b&#246;be</div><div class="r">(Lucas 11.2-4)</div><div class="p"> 5Mdak&#228;re abko, mun rika blite Ng&#246;b&#246;be angwane, nitre ja b&#228; mikaka metre t&#228; niken blite krikri Ng&#246;b&#246;be sinagogate. Erere arato, t&#228;tre nebe n&#252;nanink&#228; jibt&#228; blitare Ng&#246;b&#246;be. Ye abko, ni j&#246;kr&#228; k&#228;kwe tuadre blite Ng&#246;b&#246;be, ie t&#246;ta nebe, k&#228;ta nuene kore. Ye kwrere munkwe &#241;an nuen, &#241;obt&#228; &#241;an angwane t&#228;tre nuene kore ye abko &#252;ti&#228; nena kwetre abko tita niere metre munye. 6Ne aisete, ma rika blite Ng&#246;b&#246;be angwane, makwe ja ketaka kaibe k&#228; teri gwi, k&#228;kwe jukwe dika jabti, bti ma R&#252;n Ng&#246;b&#246; tuen &#241;akare mae, ben makwe blita kaibe angwane, ma R&#252;n ie j&#228;ndr&#228;n nuenta kaibe makwe abko tuen, k&#228;kwe &#252;ti&#228; biandi mae. 7Erere arato, mun rika blite Ng&#246;b&#246;be angwane, nitre &#241;akare israelitare t&#228; kukwe arabe niere b&#228;re b&#228;re, yebt&#228; abko ng&#246;b&#246;tre ngwarbe k&#228;kwe kukwe nuadre amne die mikadre kwetre t&#228; nebe n&#252;t&#252;re, aisete t&#228;tre blite kore, ye kwrere munkwe &#241;an blita Ng&#246;b&#246;be amne munkwe &#241;an kukwe arabe nie b&#228;re b&#228;re ngwarbe. 8Munkwe &#241;an ja mika niaratre kwrere, &#241;obt&#228; &#241;an angwane munta dre dre mdei nike, ye mun ng&#228;mi k&#228;rere mun R&#252;nye, ye k&#228;nenkri t&#228;r&#228; nebe gare ie. 9Ne aisete, munkwe blitadre Ng&#246;b&#246;be angwane, munkwe blitadre kr&#246;r&#246; ben:</div><div class="q1">Nun R&#252;n k&#228; k&#228;inbti, ma aibe k&#228; raba mikani &#252;ti&#228;te ni j&#246;kr&#228;kwe.</div><div class="q1"> 10Jakwe gobrane nun ng&#228;t&#228;ite nete.</div><div class="q1">Erere arato, ma t&#246;ta nebe dre dre nuein k&#228; k&#228;inbti, erere t&#228; nebe bare t&#228;te j&#246;kr&#228;, ye kwrere raba nebe bare t&#228;te j&#246;kr&#228; k&#228; nebt&#228; arato.</div><div class="q1"> 11Mdak&#228;re abko, makwe mr&#246; bian t&#228;te n&#252;nankr&#228; nunye mtare.</div><div class="q1"> 12Amne ni mdata ja mike ngite nun r&#252;ere abko nunta den bti ta, ye kwrere makwe nun ngite ma r&#252;ere, ye dianka mento nunbt&#228; arato.</div><div class="q1"> 13Amne kukwe k&#228;mek&#228;me t&#246; nun nuaite ja k&#228;ne ma r&#252;ere, ye k&#228;nti makwe &#241;an nun jie ngwian.</div><div class="q1">Akwa makwe nun ngibia nun r&#252;e diablu ng&#228;niene, &#241;obt&#228; &#241;an angwane ma aibe t&#228; gobrane amne ma aibe di kri amne ma aibe raba k&#228;ikitanink&#228; k&#228;rek&#228;re. Abko kore se. Amen.</div><div class="p"> 14Munkwe blitadre kore Ng&#246;b&#246;be, &#241;obt&#228; &#241;an angwane ni mda t&#228; ja mike ngite mun r&#252;ere angwane, munta den j&#246;kr&#228; bti ta ne ngwane, munta ja mike ngite Ng&#246;b&#246; mun R&#252;n r&#252;ere, ye mun R&#252;n k&#228; k&#228;inbti k&#228;kwe diandik&#228; j&#246;kr&#228; mento munbt&#228; arato. 15Akwa ni mda t&#228; ja mike ngite mun r&#252;ere abko munkwe &#241;an diandre bti ta amne mun rabadre romon janknu kr&#228;ke ne ngwane, mun ngite Ng&#246;b&#246; r&#252;ere, ye mun R&#252;n k&#228; k&#228;inbti k&#228;kwe &#241;an diandrek&#228; mento munbt&#228; arato.</div><div class="s">Ja b&#228;indre &#241;o Ng&#246;b&#246;kr&#228;</div><div class="p"> 16Mdak&#228;re abko, munkwe ja b&#228;in Ng&#246;b&#246;kr&#228; angwane, munkwe &#241;an ja b&#228; mika di&#228;ne nitre ja b&#228; mikaka metre k&#228;ta nuene ye kwrere, &#241;obt&#228; &#241;an angwane nitre bikaka metre, ye t&#228;tre ja b&#228;ine angwane, ni j&#246;kr&#228; k&#228;kwe gadre, abkok&#228;re t&#228;tre nebe ja b&#228; mike di&#228;ne tuadre ni mda mdaye, akwa t&#228;tre nuene kore ye abko &#252;ti&#228; nena kwetre abko tita niere metre munye. 17Ne aisete makwe ja &#252;ka b&#228;in Ng&#246;b&#246;kr&#228; angwane, makwe ja ngw&#228;re b&#228;t&#228;te amne makwe ja &#252;kate kuin. 18Mata ja b&#228;ine ye &#241;an gadre mabt&#228; ni mda mdakwe amne, ma R&#252;n tuen &#241;akare mae aibe k&#228;kwe gadre kaibe, abkok&#228;re makwe nuen kore. Ye ngwane abko ma R&#252;n, ie j&#228;ndr&#228;n kaibe tiebe tuen, ye abko k&#228;kwe &#252;ti&#228; biandi mae.</div><div class="s">J&#228;ndr&#228;n kuin k&#228; k&#228;inbti, jiebti ni rankwadre</div><div class="r">(Lucas 12.33-36)</div><div class="p"> 19Mdak&#228;re abko, munkwe &#241;an j&#228;ndr&#228;n &#252;ti&#228;te kri &#252;kakr&#246; kabre jakr&#228; k&#228; nebt&#228;, &#241;obt&#228; &#241;an angwane k&#228; u k&#228;ta j&#228;ndr&#228;n juen ngwarbe. Erere arato, j&#228;ndr&#228;n t&#228; niken ngwarbe amne gok&#228; t&#228; niken j&#228;ndr&#228;n goire, aisete munkwe &#241;an j&#228;ndr&#228;n &#252;kakr&#246; kabre jakr&#228; k&#228; nebt&#228;. 20Akwa j&#228;ndr&#228;n kuinkuin &#252;ti&#228;te krikri rabadre b&#228;ri kabre munkr&#228; k&#228; k&#228;inbti abko kr&#228;ke munkwe sribi, &#241;obt&#228; &#241;an angwane k&#228; k&#228;inta k&#228; u &#241;akare j&#228;ndr&#228;n r&#252;ere, erere arato j&#228;ndr&#228;n niken ngwarbe &#241;akare amne ni gok&#228; &#241;akare arato, aisete munkwe sribi j&#228;ndr&#228;n k&#228; k&#228;inbti ye &#252;kakr&#246;k&#228;re kabre jakr&#228;, 21&#241;obt&#228; &#241;an angwane j&#228;ndr&#228;n &#252;ti&#228;te krikri t&#228;di &#252;kani mdente jakr&#228; munkwe, ye k&#228;nti mun t&#246;i t&#228;di arato.</div><div class="p"> 22Mun okw&#228; abko &#241;otra kwrere munkr&#228;. Ne aisete ma okw&#228; kuin dirare ne ngwane k&#228; tr&#228; kuin t&#228; tuen mae, ye kwrere abko ma t&#246;ita mikani kwatibe Ng&#246;b&#246;bti ne ngwane, Ng&#246;b&#246; tr&#228; kuin t&#228; n&#252;ke gare kuin mae. 23Akwa ma okw&#228; k&#228;me ne ngwane, k&#228; rabadi tuen k&#228; iko kwrere ma b&#228;re temen mae, ne aisete k&#228; tr&#228; ngwen t&#228;r&#228; mabt&#228;, akwa k&#228; tr&#228; ye rabadre tuen dr&#252;ne kwrere mae, ye abko k&#228; iko ara jire abko rabadre tuen b&#228;ri dr&#252;ne mda mae. Ye kwrere ma t&#246;i &#241;an t&#228; mikani kwatibe Ng&#246;b&#246;bti ne ngwane, b&#228;ri ma rabadre n&#252;ne k&#228; ikote amne Ng&#246;b&#246; tr&#228; kuin &#241;an rabadre n&#252;ke gare jire chi mae.</div><div class="p"> 24Mdak&#228;re abko, ni &#241;akare jire abko rabadre sribire bk&#228;nk&#228; nibu kr&#228;ke ja n&#228;ire, &#241;obt&#228; &#241;an angwane sribi bk&#228;nk&#228; iti rabadre tare kwe amne mdabt&#228; m&#228;t&#228; rabadre; iti kukwei mikadre t&#228;te j&#246;kr&#228; kwe, akwa mda abko &#241;an kukwei mikadre t&#228;te kwe. Ne aisete ni &#241;an raba ja t&#246;i mike kwatibe sribire Ng&#246;b&#246;kr&#228;, ja t&#246;i mikare kwatibe ngwian ganankr&#228; kw&#228;r&#228; jae.</div><div class="s">&#209;an t&#246;bikadre dikaro mr&#246;bt&#228; amne d&#228;nbt&#228;</div><div class="r">(Lucas 12.22-31)</div><div class="p"> 25Ne mden kisete, ti bike niere kr&#246;r&#246; munye: Munkwe mr&#246; &#241;o kwetadre n&#252;nankr&#228; amne munkwe dre &#241;adre tomnane n&#252;nankr&#228; jae, yebt&#228; munkwe &#241;an t&#246;bika dikaro. Erere arato, munkwe d&#228;n &#241;o kitadre jabt&#228;, yebt&#228; munkwe &#241;an t&#246;bika dikaro, &#241;obt&#228; &#241;an angwane nita n&#252;ne k&#228; nebt&#228; angwane, n&#252;nandre metre Ng&#246;b&#246;be abko b&#228;ri &#252;ti&#228;te mr&#246;kr&#228; amne ni ngrabare ye abko b&#228;ri &#252;ti&#228;te d&#228;nkr&#228;, aisete munkwe &#241;an t&#246;bika kr&#252;b&#228;te dikaro j&#228;ndr&#228;n yebt&#228;. 26Nukw&#228; t&#228; nikenk&#228; k&#228;inta, se mika &#241;&#228;r&#228;re munkwe. Nukw&#228; t&#228; nura n&#246;k&#246; &#241;akare jakr&#228; amne t&#228; ngw&#228; &#246;t&#246; &#241;akare arato amne ju &#241;akare kwe mr&#246; &#252;kakr&#228; jakr&#228;, akwa mun R&#252;n k&#228; k&#228;inbti k&#228;ta mr&#246; bien ietre kwetadre. Mun abko b&#228;ri &#252;ti&#228;te nukw&#228; kr&#228;ke, &#191;se abko mun R&#252;n k&#228;kwe &#241;an mr&#246; biandre munye ya amarebti munta t&#246;bike kr&#252;b&#228;te dikaro se? 27Munkwe &#241;an t&#246;bikadre kr&#252;b&#228;te dikaro kore, &#241;obt&#228; &#241;an angwane ni t&#246; rabare ja tuai b&#228;ri kri, akwa di &#241;akare ja mike niren taiti mda kukw&#228;ne.</div><div class="p"> 28Mdak&#228;re abko, &#191;&#241;obt&#228; munta t&#246;bike kr&#252;b&#228;te dikaro d&#228;nbt&#228; jakr&#228; se? Kri bl&#252; t&#228; niren &#241;o, yebt&#228; munkwe t&#246;bika. T&#228; sribire &#241;akare jakr&#228;, t&#228; d&#228;n dike &#241;akare jakr&#228;, 29akwa jrei kri Salom&#243;n abko n&#228;mane j&#228;ndr&#228;n j&#246;kr&#228; tu&#228;retu&#228;re bk&#228;ne, akwa d&#228;n tu&#228;retu&#228;re kri bl&#252; se kwrere abko Salom&#243;nkwe kitani &#241;akare jabt&#228;. 30Kri bl&#252; t&#228; neme j&#246;tr&#246; k&#246;b&#246;itibe, abti j&#228;ndrinane angwane mikata ngire &#241;ukw&#228;te, akwa Ng&#246;b&#246;ta ngibiare kuin, &#191;ye mun abko ie d&#228;n &#241;an biandre Ng&#246;b&#246;kwe ya amarebti munta t&#246;deke &#241;akare t&#228;te Ng&#246;b&#246;bti ye? 31Munkwe &#241;an t&#246;bika dikaro, k&#228; rika kukwe ngwentari kr&#246;r&#246; jae au: &#191;Nikwe mr&#246; &#241;o kwetadi amne nikwe dre &#241;adi tomnane? Erere arato, &#191;nikwe d&#228;n &#241;o kitadi jabt&#228; se? munkwe &#241;an nie kore jae au, 32&#241;obt&#228; &#241;an angwane nitre &#241;akare israelitare abko b&#228;ri t&#228; nakwen kisere j&#228;ndr&#228;n ye jiebti, akwa mun k&#228;ta dre mdei nike, ye abko garera j&#246;kr&#228; Ng&#246;b&#246; mun R&#252;n k&#228; k&#228;inbti seye amne niarakwe j&#228;ndr&#228;n ye biandi munye, aisete munkwe &#241;an t&#246;bika dikaro j&#228;ndr&#228;n n&#252;nankr&#228; yebt&#228; jakr&#228;. 33Ne aisete, j&#228;ndr&#228;n j&#246;kr&#228; Ng&#246;b&#246;kwe t&#228; mikani jenena munkr&#228;, ye munkwe k&#228;n&#228;ntari k&#228;ne amne, mun rabadre n&#252;ne metre Ng&#246;b&#246; ngw&#228;rekri, ye munkwe k&#228;n&#228;ntari arato angwane, j&#228;ndr&#228;n j&#246;kr&#228; mdei nikata munkwe ye Ng&#246;b&#246;kwe biandi munye arato. 34Mdak&#228;re abko, k&#246;b&#246; mdara jire jatadi jetbe angwane, dre dre rakadik&#228;, yebt&#228; munkwe &#241;an t&#246;bika dikaro, &#241;obt&#228; &#241;an angwane k&#246;b&#246; jetbe ye abko jatadi kukwe mdara jire ngwena t&#246;bikakr&#228; munye, aisete k&#246;b&#246; kwatirekwatire te kukwe t&#228;r&#228; keta kabre ni mikak&#228;re t&#246;bike, aisete kukwe jatadre mate &#241;o &#241;o munbt&#228; jetbe, yebt&#228; munkwe &#241;an t&#246;bika dikaro.</div>
 </div>
 </div>
</div>

Mdakäre abko, munkwe ñan jändrän kuinkuin nuen tuadre ni jökräye ja bä mikakäre kuin ni mda mda okwäbti, ñobtä ñan angwane munkwe nuendre kore ne ngwane, mun Rün tä kä käinbti ye käkwe ñan sribi ye ütiä biandre jire chi munye. Ne aisete munkwe jändrän bian ni bobre die mikakrä angwane, ñan mun rika niere kä jökräbti temen kwäräkwärä mikakäre gare. Nitre ja bä mikaka kuin käta jändrän bien kore amne tätre niken mike gare sinagogate amne tätre niken ji ngrabare temen mike gare. Yebtä abko ni mda mda käkwe niaratre käikitadrekä abkokäre tätre nuene, aisete tätre jändrän kuin nuene kore, ye abko ütiä nena kwetre abko tita niere metre, aisete munkwe ñan jändrän nuen niaratre kwrere. Ne aisete nane munkwe ni bobre die mika angwane, makwe ñan nie jire chi ma kukwe muko bäri kuinye, akwa makwe nuen kaibe kä bube. Makwe nuendre kore ne ngwane, ma Rün, ie jändrän kaibe tiebe tuen, ye käkwe sribi makwe ye ütiä biandi mae.


Mdakäre abko, mun rika blite Ngöböbe angwane, nitre ja bä mikaka metre tä niken blite krikri Ngöböbe sinagogate. Erere arato, tätre nebe nünaninkä jibtä blitare Ngöböbe. Ye abko, ni jökrä käkwe tuadre blite Ngöböbe, ie töta nebe, käta nuene kore. Ye kwrere munkwe ñan nuen, ñobtä ñan angwane tätre nuene kore ye abko ütiä nena kwetre abko tita niere metre munye. Ne aisete, ma rika blite Ngöböbe angwane, makwe ja ketaka kaibe kä teri gwi, käkwe jukwe dika jabti, bti ma Rün Ngöbö tuen ñakare mae, ben makwe blita kaibe angwane, ma Rün ie jändrän nuenta kaibe makwe abko tuen, käkwe ütiä biandi mae. Erere arato, mun rika blite Ngöböbe angwane, nitre ñakare israelitare tä kukwe arabe niere bäre bäre, yebtä abko ngöbötre ngwarbe käkwe kukwe nuadre amne die mikadre kwetre tä nebe nütüre, aisete tätre blite kore, ye kwrere munkwe ñan blita Ngöböbe amne munkwe ñan kukwe arabe nie bäre bäre ngwarbe. Munkwe ñan ja mika niaratre kwrere, ñobtä ñan angwane munta dre dre mdei nike, ye mun ngämi kärere mun Rünye, ye känenkri tärä nebe gare ie. Ne aisete, munkwe blitadre Ngöböbe angwane, munkwe blitadre krörö ben:
Nun Rün kä käinbti, ma aibe kä raba mikani ütiäte ni jökräkwe.
Jakwe gobrane nun ngätäite nete.
Erere arato, ma töta nebe dre dre nuein kä käinbti, erere tä nebe bare täte jökrä, ye kwrere raba nebe bare täte jökrä kä nebtä arato.
Mdakäre abko, makwe mrö bian täte nünankrä nunye mtare.
Amne ni mdata ja mike ngite nun rüere abko nunta den bti ta, ye kwrere makwe nun ngite ma rüere, ye dianka mento nunbtä arato.
Amne kukwe kämekäme tö nun nuaite ja käne ma rüere, ye känti makwe ñan nun jie ngwian.
Akwa makwe nun ngibia nun rüe diablu ngäniene, ñobtä ñan angwane ma aibe tä gobrane amne ma aibe di kri amne ma aibe raba käikitaninkä kärekäre. Abko kore se. Amen.
Munkwe blitadre kore Ngöböbe, ñobtä ñan angwane ni mda tä ja mike ngite mun rüere angwane, munta den jökrä bti ta ne ngwane, munta ja mike ngite Ngöbö mun Rün rüere, ye mun Rün kä käinbti käkwe diandikä jökrä mento munbtä arato. Akwa ni mda tä ja mike ngite mun rüere abko munkwe ñan diandre bti ta amne mun rabadre romon janknu kräke ne ngwane, mun ngite Ngöbö rüere, ye mun Rün kä käinbti käkwe ñan diandrekä mento munbtä arato.

Mdakäre abko, munkwe ja bäin Ngöbökrä angwane, munkwe ñan ja bä mika diäne nitre ja bä mikaka metre käta nuene ye kwrere, ñobtä ñan angwane nitre bikaka metre, ye tätre ja bäine angwane, ni jökrä käkwe gadre, abkokäre tätre nebe ja bä mike diäne tuadre ni mda mdaye, akwa tätre nuene kore ye abko ütiä nena kwetre abko tita niere metre munye. Ne aisete makwe ja üka bäin Ngöbökrä angwane, makwe ja ngwäre bätäte amne makwe ja ükate kuin. Mata ja bäine ye ñan gadre mabtä ni mda mdakwe amne, ma Rün tuen ñakare mae aibe käkwe gadre kaibe, abkokäre makwe nuen kore. Ye ngwane abko ma Rün, ie jändrän kaibe tiebe tuen, ye abko käkwe ütiä biandi mae.


Mdakäre abko, munkwe ñan jändrän ütiäte kri ükakrö kabre jakrä kä nebtä, ñobtä ñan angwane kä u käta jändrän juen ngwarbe. Erere arato, jändrän tä niken ngwarbe amne gokä tä niken jändrän goire, aisete munkwe ñan jändrän ükakrö kabre jakrä kä nebtä. Akwa jändrän kuinkuin ütiäte krikri rabadre bäri kabre munkrä kä käinbti abko kräke munkwe sribi, ñobtä ñan angwane kä käinta kä u ñakare jändrän rüere, erere arato jändrän niken ngwarbe ñakare amne ni gokä ñakare arato, aisete munkwe sribi jändrän kä käinbti ye ükakrökäre kabre jakrä, ñobtä ñan angwane jändrän ütiäte krikri tädi ükani mdente jakrä munkwe, ye känti mun töi tädi arato.
Mun okwä abko ñotra kwrere munkrä. Ne aisete ma okwä kuin dirare ne ngwane kä trä kuin tä tuen mae, ye kwrere abko ma töita mikani kwatibe Ngöböbti ne ngwane, Ngöbö trä kuin tä nüke gare kuin mae. Akwa ma okwä käme ne ngwane, kä rabadi tuen kä iko kwrere ma bäre temen mae, ne aisete kä trä ngwen tärä mabtä, akwa kä trä ye rabadre tuen drüne kwrere mae, ye abko kä iko ara jire abko rabadre tuen bäri drüne mda mae. Ye kwrere ma töi ñan tä mikani kwatibe Ngöböbti ne ngwane, bäri ma rabadre nüne kä ikote amne Ngöbö trä kuin ñan rabadre nüke gare jire chi mae.
Mdakäre abko, ni ñakare jire abko rabadre sribire bkänkä nibu kräke ja näire, ñobtä ñan angwane sribi bkänkä iti rabadre tare kwe amne mdabtä mätä rabadre; iti kukwei mikadre täte jökrä kwe, akwa mda abko ñan kukwei mikadre täte kwe. Ne aisete ni ñan raba ja töi mike kwatibe sribire Ngöbökrä, ja töi mikare kwatibe ngwian ganankrä kwärä jae.


Ne mden kisete, ti bike niere krörö munye: Munkwe mrö ño kwetadre nünankrä amne munkwe dre ñadre tomnane nünankrä jae, yebtä munkwe ñan töbika dikaro. Erere arato, munkwe dän ño kitadre jabtä, yebtä munkwe ñan töbika dikaro, ñobtä ñan angwane nita nüne kä nebtä angwane, nünandre metre Ngöböbe abko bäri ütiäte mrökrä amne ni ngrabare ye abko bäri ütiäte dänkrä, aisete munkwe ñan töbika krübäte dikaro jändrän yebtä. Nukwä tä nikenkä käinta, se mika ñäräre munkwe. Nukwä tä nura nökö ñakare jakrä amne tä ngwä ötö ñakare arato amne ju ñakare kwe mrö ükakrä jakrä, akwa mun Rün kä käinbti käta mrö bien ietre kwetadre. Mun abko bäri ütiäte nukwä kräke, ¿se abko mun Rün käkwe ñan mrö biandre munye ya amarebti munta töbike krübäte dikaro se? Munkwe ñan töbikadre krübäte dikaro kore, ñobtä ñan angwane ni tö rabare ja tuai bäri kri, akwa di ñakare ja mike niren taiti mda kukwäne.
Mdakäre abko, ¿ñobtä munta töbike krübäte dikaro dänbtä jakrä se? Kri blü tä niren ño, yebtä munkwe töbika. Tä sribire ñakare jakrä, tä dän dike ñakare jakrä, akwa jrei kri Salomón abko nämane jändrän jökrä tuäretuäre bkäne, akwa dän tuäretuäre kri blü se kwrere abko Salomónkwe kitani ñakare jabtä. Kri blü tä neme jötrö köböitibe, abti jändrinane angwane mikata ngire ñukwäte, akwa Ngöböta ngibiare kuin, ¿ye mun abko ie dän ñan biandre Ngöbökwe ya amarebti munta tödeke ñakare täte Ngöböbti ye? Munkwe ñan töbika dikaro, kä rika kukwe ngwentari krörö jae au: ¿Nikwe mrö ño kwetadi amne nikwe dre ñadi tomnane? Erere arato, ¿nikwe dän ño kitadi jabtä se? munkwe ñan nie kore jae au, ñobtä ñan angwane nitre ñakare israelitare abko bäri tä nakwen kisere jändrän ye jiebti, akwa mun käta dre mdei nike, ye abko garera jökrä Ngöbö mun Rün kä käinbti seye amne niarakwe jändrän ye biandi munye, aisete munkwe ñan töbika dikaro jändrän nünankrä yebtä jakrä. Ne aisete, jändrän jökrä Ngöbökwe tä mikani jenena munkrä, ye munkwe känäntari käne amne, mun rabadre nüne metre Ngöbö ngwärekri, ye munkwe känäntari arato angwane, jändrän jökrä mdei nikata munkwe ye Ngöbökwe biandi munye arato. Mdakäre abko, köbö mdara jire jatadi jetbe angwane, dre dre rakadikä, yebtä munkwe ñan töbika dikaro, ñobtä ñan angwane köbö jetbe ye abko jatadi kukwe mdara jire ngwena töbikakrä munye, aisete köbö kwatirekwatire te kukwe tärä keta kabre ni mikakäre töbike, aisete kukwe jatadre mate ño ño munbtä jetbe, yebtä munkwe ñan töbika dikaro.

Слушайте Mateo 6