New Testament in Carrier, Southern (CA:caf:Carrier, Southern)

Yakʼusda bughunek: k’andit khunek neba lhaidinla

<div class="version vid537 iso6393caf" data-vid="537" data-iso6393="caf">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s">Ndi khunek 'ilhuz 'int'ah</div><div class="p"> 1Soo 'udechoo da 'et khunek hoonli 'ink'ez ndi khunek 'i Yak'usda yulh 'int'ah. Ndi khunek 'i Yak'usda 'int'ah. 2Ndun 'en soo 'udechoo da whuts'un Yak'usda bulh 'int'ah. 3'En bula tah ts'ih ts'iyaitsuk 'ulya &#237;nle. Ndai 'ulya, 'i tah 'aw ilhuk'i cha'y&#237;lil hoolah. 4Be ts'&#250;khuna 'en buts'un ha&#237;danzut 'ink'ez ndi be ts'ukhuna 'i ts'iyannah dune huba be wh&#233;t'en 'int'ah. 5Ndi be wh&#233;t'en tsah&#243;lhgus#1:5 Ndi tsaholhgus yuh ts'iyaini hoontsi' 'ink'ez tink'us '&#237;nt'ah 'i ni ho 'utni. yuh ts'ih wh&#233;ndi 'ink'ez ndi tsah&#243;lhgus yuh ts'ih ha&#237;nya, 'aw yuch'a 'oolhdeh gha&#237;t'ah. 6'Ilhunuh dune John hiyulhni, 'en Yak'usda whusay&#225;lh'a. 7Ndun dune 'en ts'iyannah d&#243;ni ndi be wh&#233;t'en, 'i bugha. Hukwa' huninzun t'eh, 'en bugha ts'iyannah huba '&#225;lha 'uhot'e. 8Ndun John, 'en 'aw be wh&#233;t'en ilah 'int'ah. 'En 'int'ah be wh&#233;t'en, 'i bugha ts'iyannah d&#243;ni 'int'ah. 9Ndun ts'ah'un be wh&#233;t'en, ts'iyannah dune ndi yun k'ut k'e&#237;nya, 'en ndi be wh&#233;t'en hubugha ite'alh. 10Ndi yun k'ut inda. Ndi yun 'uy&#237;nla 'et whunts'ih yinkak dune t'ehin&#243;ozin hukwa cha'hun&#237;zun. 11Ndunnah dulh wh&#250;t'en 'en lhtahaoobanla 'ink'ez hubutaninya hoh 'aw chahay&#237;lhcholh. 12'Et whunts'ih ndan ho' 'int'ah hiy&#237;lhchoot, Yak'usda buzkeh huzdli 'et hubugha &#243;oni'ai. Ndan 'uhint'ah ndi boozi huba '&#225;lha' yint'ah. 13'Aw dune hits'u ha&#237;nzut whu la ts'ih ilah Yak'usda buzkeh huzdli, k'us buyust'e hukwa' n&#237;nzun huwa ilah, k'us dich'oh dune hukwa' huninzun huwa chah ilah, Yak'usda 'en bugha zeh huwhuzdli. 14'Et ndi khunek Yak'usda unli, 'i dune suli 'ink'ez netah dune inle, 'et hoh dad&#233;lti ts'onalh'en. Ndi y&#233; dad&#233;lti, 'i Yak'usda 'aw 'ilhunuh zeh buYe' y&#233; dezti 'i 'int'ah. Ye unzoo 'i 'ink'ez khunek 'alha' 'int'ah 'i zeh ye d&#233;zbun. 15'En bugha John hubud&#225;ni inle, dune bulh y&#225;lhtuk hoh, &#8220;Ndun 'en nuhghu d&#225;ni, sk'elh'az whusat&#233;yalh 'et whunts'ih whutesdleh whutsuh da whunts'ih, 'uda 'et khuna ho' 'int'ah, 'et huwa 'int'ah sugha ndoh 'int'ah,&#8221; hub&#250;lhni. 16'Ink'ez ndai y&#233; dezbun 'i ts'iyawh negha &#237;ninla. Dzin totsuk ye unzoo 'i neba 'o 'un 'int'ah. 17Yak'usda ndi bughunek 'i buk'une'ts'oot'en, 'i Moses 'en bugha netl'aid&#225;'ai &#237;nle. 'Et whunts'ih k'an Sizi Gri 'en bugha ye unzoo, 'i 'ink'ez khunek 'alha' 'int'ah, 'i neghalts'ut. 18'Aw Yak'usda 'en ya'en, 'et whunts'ih ndunnah 'aw 'ilhunuh buYe', be'aB&#225; degha nus yuk'entsi', 'en Yak'usda bugha 'et whein&#233;lhtan.</div><div class="s">John dune too be 'ulh'en, 'en nd&#243; bulhni 'aw ndun Christ 'en ilah 'ust'ah</div><div class="p"> 19'Et 'ilhudzin ndan Lizwif Jerusalem whut'en, 'en n&#225;whulnuk 'ink'ez Levitenah, 'en John buts'un whe&#243;obahalh'a hiyoodolhkut ndan unli 'et hukwa. 'Et John ndo b&#250;lhni, 20soo ts'ah'un na'a 'aw whuts'u chaood&#237;dlai hoh hubud&#225;ni, &#8220;Aw Christ, 'en &#237;lah 'ust'ah,&#8221; hub&#250;lhni. 21'Et doo chah hiyoodulhkut, &#8220;Ndan inli? Elijah tulih 'int'ah?&#8221; &#8220;Awundooh, 'aw 'en ilah 'ust'ah,&#8221; hub&#250;lhni. &#8220;Ndan Yak'usda be nus whun&#237;lh'en hubugha yatuk inle, 'en tulih 'int'ah?&#8221; hiy&#250;lhni. 'Et chah, &#8220;Awundooh,&#8221; hub&#250;lhni. 22'Et 'uhiy&#250;lhni, &#8220;Aw ndan h&#243;' nint'ah. Nyunch'oh daja ho' dini? 'Et ts'ah'un ne'd&#237;ni, 'et ndez na'a ndunnah whuz den&#233;telh'a hubuzd&#243;oni,&#8221; hiy&#250;lhni. 23'Et John ndo b&#250;lhni,</div><div class="q1">&#8220;Si 'ust'ah 'aw dune chah&#243;ot'ih ts'ih dultul hoh ts'iyannah dune hubud&#250;sni,</div><div class="q2">neMoodihti lhuteyalh hoonzoo 'ink'ez lhk'owhudez'a huba whulhtsi.</div><div class="q1">'Et whuz na'a Yak'usda 'en be nus whunilh'en Isaiah ndutni &#237;nle,&#8221; ndo b&#250;lhni.</div><div class="p"> 24'Et ndunnah John buts'un whets'iyalh'a ndunnah Pharisee bulunah zeh 'uhint'ah. 25'Et doo chah hiyoodulhkut, &#8220;Aw Christ, k'us Elijah, k'us ndan Yak'usda 'en be nus whunilh'en, ndunnah ilah 'int'ah t'eh, di ka dune too b&#233;' bilh'en?&#8221; hiy&#250;lhni. 26'Et John ndo b&#250;lhni, &#8220;Si too zeh 'i be dune too be' 'ulh'en, 'et whunts'ih nuhwhutah 'ilhunuh dune hoonli, 'en 'aw t'enuz&#225;hzun. 27'En 'int'ah sk'&#233;lh'az whusat&#233;yalh sughanus dezti ho' 'int'ah. 'Aw bukechun ketl'oolh buba k'una&#237;dutes'uk, 'et whunts'ih huba soo cha'lhudzooh,&#8221; hub&#250;lhni. 28'Et njan keyah Bethabara huwh&#250;tni Jordan took'oh whanch'az whuz'ai, 'et John dune too be' '&#243;bulh'en. 29'Om bun dzin khunyaz Sizi yuts'un &#250;yalh hoh John yutelh'en, 'ink'ez 'utni, &#8220;Nulh'en, Yak'usda busheepyaz 'int'ah. 'En 'ut'en, yinkak dune hubulubeshi hubuts'u han&#225;yule,&#8221; hub&#250;lhni. 30'En bugha 'un whud&#250;sni sk'elh'az whusat&#233;yalh, 'et whunts'ih whutesdleh whutsu da whunts'ih, 'uda khuna ho' 'int'ah, 'et huwa sughanus dezti ho' 'int'ah. 31Ndan unli 'aw seni be t'&#233;nuz&#250;szun inle, 'et whunts'ih nuhwheni Israel buts'u h&#225;hde nuhwhuts'un whuz haya be t'ewhunoolhzeh 'ink'ez too zeh 'i be too be' 'un whulh'en, 'i bugha ndan 'int'ah soo cho t'ewhunoohzeh,&#8221; hub&#250;lhni. 32Njan 'et Sizi bugha John ndutni, &#8220;Ndoni dut'aiyaz nduwh&#250;t'en hoh yak'uz ts'ih had&#225;nde 'ink'ez buy&#233;dande, 'et whunalh'en. 33Hoh da 'aw seni be t'&#233;oonuz&#250;szun ndun 'int'ah, 'et whunts'ih ndun whuz de sut&#233;lh'a too zeh 'i be dune too be' oolh'en ka, 'en sud&#225;ni, &#8216;Ndan Ndoni ndus de yuk'&#233;dilts'ut 'ink'ez 'ilhuz yulh '&#237;nt'ah, 'en 'int'ah Ndoni be dune too be' 'ulh'en unli,&#8217; 'et sud&#225;ni. 34'Et nd&#250;hooja 'et whunalh'en. Soo ts'ah'un khunek be nuhwhud&#250;sni, 'alha ndun 'en Yak'usda buYe' 'int'ah,&#8221; hub&#250;lhni John. 35'Et 'om bun dzin John 'ink'ez yugha hoodul'eh nanah 'et nahud&#233;lhuya. 36Sizi hoh wheghah uyalh hoh John yunilh'en, &#8220;Nulh'en ndun Yak'usda busheepyaz 'int'ah!&#8221; hub&#250;lhni. 37'Et ndunnah nanah dune John yugha hoodul'eh daja ni hid&#225;nts'o hoh 'aw 'et Sizi Gri hiyuntez'az. 38'Et Sizi hubunilh'en hine'us hoh 'et huboodulhkut, &#8220;Di kunahta hoh 'aht'en?&#8221; hub&#250;lhni. 'Et 'uhiy&#250;lhni, &#8220;Rabbi, nts'e hoont'i?&#8221; ('Et ndi khunek &#8220;Rabbi&#8221; 'i Lizwif k'una'a dune hoodulh'eh ni ho' utni.) 'Et Sizi hub&#250;lhni, 39&#8220;Anih, whunoolh'en si!&#8221; hub&#250;lhni. 'Et hiy&#250;lh tez'az 'ink'ez nts'e s&#237;da 'et honalh'en. 'Et dzin nduhoolyez hoh hizih hinke 'ink'ez, hoh da 10:00 bat'en 'uhunet'oh. 40'Et ndunnah nanah dune John hid&#225;nts'o huwa Sizi hiyuntez'az, 'en 'ilhunuh, Andrew hiyulhni, 'en Simon Peter bulhutsin 'int'ah. 41'En 'ahoh dulhutsin, Simon hiyulhni, 'en yughu ninya 'ink'ez yud&#225;ni, &#8220;Ndun Messiah 'aw 'et nats'ilhti,&#8221; y&#250;lhni. (Ndi boozi &#8220;Messiah,&#8221; Christ ni ho' utni.) 42'Et Sizi 'en yughu in&#237;lhti. 'Et soo cho Sizi yunalh'en 'ink'ez ndi y&#250;lhni, &#8220;Nyun Simon Jonas buye' 'en 'int'ah, 'et whunts'ih Cephas nyuhudut&#233;nilh,&#8221; y&#250;lhni. (Ndi Cephas 'i Peter 'i zeh 'int'ah 'ink'ez 'i &#8220;tse&#8221; ni ho' utni.) 43'Et 'om bun dzin Sizi Galilee yun k'ut huwh&#250;tni ts'ih teyalh hukwa' ninzun. Whuz ninya hoh dune Philip hiy&#250;lhni, 'en nayilhti 'ink'ez &#8220;Sunanyalh,&#8221; y&#250;lhni. 44'Et ndun Philip 'en keyah Bethsaida huwh&#250;tni, 'et whut'en 'int'ah. Keyah 'et Andrew 'ink'ez Peter bulh huwhut'i. 45'Et Philip 'en dune Nathanael hiy&#250;lhni, 'en nayilhti, &#8220;Ndun dune Moses dude dustl'us k'ut yugha 'uk'une'&#250;zguz, 'ink'ez Yak'usda be nus whunilh'en highun 'uk'une'&#250;zguz, 'en 'aw 'et nats'ilhti. 'En 'int'ah Sizi, Joseph buye' unli. Keyah Nazareth huwh&#250;tni, 'et whut'i,&#8221; y&#250;lhni. 46'Et Nathanael 'utni, &#8220;Nts'e na'a simba hoonliyaz 'unzoo 'i Nazareth ts'ih ha&#243;olts'it?&#8221; 'Et Philip 'utni, &#8220;Anih, sulh &#237;n'us 'ink'ez whunolh'en si!&#8221; y&#250;lhni. 47'Et Sizi Nathanael 'az de &#250;yalh yunilh'en 'ink'ez yugha 'et ndutni, &#8220;Ndun 'en soo Israel buts'u hainzut 'int'ah, 'aw t&#237;nk'us 'uh&#243;ont'ah teh nucha'ust'en,&#8221; ni. 48'Et Nathanael Sizi yoodulhkut, &#8220;D&#237; bugha t'ewhun&#237;nzun dant'un dune usdli?&#8221; 'Et Sizi 'uy&#250;lhni, &#8220;Mai chun t'ah sinda da, Philip 'anih nyudut&#233;nilh whutsuh da, 'et 'uda nyunalh'en,&#8221; y&#250;lhni. 49'Et Nathanael ndi y&#250;lhni, &#8220;Rabbi, 'alha' Yak'usda buYe' inli 'ink'ez Israel hits'u hainde, huba hubudayi cho chah inli,&#8221; y&#250;lhni. 50'Et Sizi ndi y&#250;lhni, &#8220;Mai chun t'ah sinda hoh nyunalh'en nyud&#250;sni. 'Et huwa Yak'usda buYe' usdli mba '&#225;lha 'uhoont'ah, 'et whunts'ih 'o nus ts'un 'o nus hooncha, 'et whuntalh'ilh. 51'Et soo ts'ah'un '&#237;nt'ah nyudut'esnilh, yak'uz da' dut&#233;zkez 'ink'ez Yak'usda hubulizas ndus de hah&#225;ndel 'ink'ez doo chah when&#225;hud&#233;de ndun yinkak dune ye'#1:51 Yinkak dune ye' ni, 'et dich'oh na'dud&#250;tni. 'en buts'un 'uhut'en, 'et whuntalh'ilh,&#8221; y&#250;lhni.</div>
 </div>
 </div>
</div>

Soo 'udechoo da 'et khunek hoonli 'ink'ez ndi khunek 'i Yak'usda yulh 'int'ah. Ndi khunek 'i Yak'usda 'int'ah. Ndun 'en soo 'udechoo da whuts'un Yak'usda bulh 'int'ah. 'En bula tah ts'ih ts'iyaitsuk 'ulya ínle. Ndai 'ulya, 'i tah 'aw ilhuk'i cha'yílil hoolah. Be ts'úkhuna 'en buts'un haídanzut 'ink'ez ndi be ts'ukhuna 'i ts'iyannah dune huba be whét'en 'int'ah. Ndi be whét'en tsahólhgus yuh ts'ih whéndi 'ink'ez ndi tsahólhgus yuh ts'ih haínya, 'aw yuch'a 'oolhdeh ghaít'ah. 'Ilhunuh dune John hiyulhni, 'en Yak'usda whusayálh'a. Ndun dune 'en ts'iyannah dóni ndi be whét'en, 'i bugha. Hukwa' huninzun t'eh, 'en bugha ts'iyannah huba 'álha 'uhot'e. Ndun John, 'en 'aw be whét'en ilah 'int'ah. 'En 'int'ah be whét'en, 'i bugha ts'iyannah dóni 'int'ah. Ndun ts'ah'un be whét'en, ts'iyannah dune ndi yun k'ut k'eínya, 'en ndi be whét'en hubugha ite'alh. Ndi yun k'ut inda. Ndi yun 'uyínla 'et whunts'ih yinkak dune t'ehinóozin hukwa cha'hunízun. Ndunnah dulh whút'en 'en lhtahaoobanla 'ink'ez hubutaninya hoh 'aw chahayílhcholh. 'Et whunts'ih ndan ho' 'int'ah hiyílhchoot, Yak'usda buzkeh huzdli 'et hubugha óoni'ai. Ndan 'uhint'ah ndi boozi huba 'álha' yint'ah. 'Aw dune hits'u haínzut whu la ts'ih ilah Yak'usda buzkeh huzdli, k'us buyust'e hukwa' nínzun huwa ilah, k'us dich'oh dune hukwa' huninzun huwa chah ilah, Yak'usda 'en bugha zeh huwhuzdli. 'Et ndi khunek Yak'usda unli, 'i dune suli 'ink'ez netah dune inle, 'et hoh dadélti ts'onalh'en. Ndi yé dadélti, 'i Yak'usda 'aw 'ilhunuh zeh buYe' yé dezti 'i 'int'ah. Ye unzoo 'i 'ink'ez khunek 'alha' 'int'ah 'i zeh ye dézbun. 'En bugha John hubudáni inle, dune bulh yálhtuk hoh, “Ndun 'en nuhghu dáni, sk'elh'az whusatéyalh 'et whunts'ih whutesdleh whutsuh da whunts'ih, 'uda 'et khuna ho' 'int'ah, 'et huwa 'int'ah sugha ndoh 'int'ah,” hubúlhni. 'Ink'ez ndai yé dezbun 'i ts'iyawh negha íninla. Dzin totsuk ye unzoo 'i neba 'o 'un 'int'ah. Yak'usda ndi bughunek 'i buk'une'ts'oot'en, 'i Moses 'en bugha netl'aidá'ai ínle. 'Et whunts'ih k'an Sizi Gri 'en bugha ye unzoo, 'i 'ink'ez khunek 'alha' 'int'ah, 'i neghalts'ut. 'Aw Yak'usda 'en ya'en, 'et whunts'ih ndunnah 'aw 'ilhunuh buYe', be'aBá degha nus yuk'entsi', 'en Yak'usda bugha 'et wheinélhtan.

'Et 'ilhudzin ndan Lizwif Jerusalem whut'en, 'en náwhulnuk 'ink'ez Levitenah, 'en John buts'un wheóobahalh'a hiyoodolhkut ndan unli 'et hukwa. 'Et John ndo búlhni, soo ts'ah'un na'a 'aw whuts'u chaoodídlai hoh hubudáni, “Aw Christ, 'en ílah 'ust'ah,” hubúlhni. 'Et doo chah hiyoodulhkut, “Ndan inli? Elijah tulih 'int'ah?” “Awundooh, 'aw 'en ilah 'ust'ah,” hubúlhni. “Ndan Yak'usda be nus whunílh'en hubugha yatuk inle, 'en tulih 'int'ah?” hiyúlhni. 'Et chah, “Awundooh,” hubúlhni. 'Et 'uhiyúlhni, “Aw ndan hó' nint'ah. Nyunch'oh daja ho' dini? 'Et ts'ah'un ne'díni, 'et ndez na'a ndunnah whuz denételh'a hubuzdóoni,” hiyúlhni. 'Et John ndo búlhni,
“Si 'ust'ah 'aw dune chahóot'ih ts'ih dultul hoh ts'iyannah dune hubudúsni,
neMoodihti lhuteyalh hoonzoo 'ink'ez lhk'owhudez'a huba whulhtsi.
'Et whuz na'a Yak'usda 'en be nus whunilh'en Isaiah ndutni ínle,” ndo búlhni.
'Et ndunnah John buts'un whets'iyalh'a ndunnah Pharisee bulunah zeh 'uhint'ah. 'Et doo chah hiyoodulhkut, “Aw Christ, k'us Elijah, k'us ndan Yak'usda 'en be nus whunilh'en, ndunnah ilah 'int'ah t'eh, di ka dune too bé' bilh'en?” hiyúlhni. 'Et John ndo búlhni, “Si too zeh 'i be dune too be' 'ulh'en, 'et whunts'ih nuhwhutah 'ilhunuh dune hoonli, 'en 'aw t'enuzáhzun. 'En 'int'ah sk'élh'az whusatéyalh sughanus dezti ho' 'int'ah. 'Aw bukechun ketl'oolh buba k'unaídutes'uk, 'et whunts'ih huba soo cha'lhudzooh,” hubúlhni. 'Et njan keyah Bethabara huwhútni Jordan took'oh whanch'az whuz'ai, 'et John dune too be' 'óbulh'en. 'Om bun dzin khunyaz Sizi yuts'un úyalh hoh John yutelh'en, 'ink'ez 'utni, “Nulh'en, Yak'usda busheepyaz 'int'ah. 'En 'ut'en, yinkak dune hubulubeshi hubuts'u hanáyule,” hubúlhni. 'En bugha 'un whudúsni sk'elh'az whusatéyalh, 'et whunts'ih whutesdleh whutsu da whunts'ih, 'uda khuna ho' 'int'ah, 'et huwa sughanus dezti ho' 'int'ah. Ndan unli 'aw seni be t'énuzúszun inle, 'et whunts'ih nuhwheni Israel buts'u háhde nuhwhuts'un whuz haya be t'ewhunoolhzeh 'ink'ez too zeh 'i be too be' 'un whulh'en, 'i bugha ndan 'int'ah soo cho t'ewhunoohzeh,” hubúlhni. Njan 'et Sizi bugha John ndutni, “Ndoni dut'aiyaz nduwhút'en hoh yak'uz ts'ih hadánde 'ink'ez buyédande, 'et whunalh'en. Hoh da 'aw seni be t'éoonuzúszun ndun 'int'ah, 'et whunts'ih ndun whuz de sutélh'a too zeh 'i be dune too be' oolh'en ka, 'en sudáni, ‘Ndan Ndoni ndus de yuk'édilts'ut 'ink'ez 'ilhuz yulh 'ínt'ah, 'en 'int'ah Ndoni be dune too be' 'ulh'en unli,’ 'et sudáni. 'Et ndúhooja 'et whunalh'en. Soo ts'ah'un khunek be nuhwhudúsni, 'alha ndun 'en Yak'usda buYe' 'int'ah,” hubúlhni John. 'Et 'om bun dzin John 'ink'ez yugha hoodul'eh nanah 'et nahudélhuya. Sizi hoh wheghah uyalh hoh John yunilh'en, “Nulh'en ndun Yak'usda busheepyaz 'int'ah!” hubúlhni. 'Et ndunnah nanah dune John yugha hoodul'eh daja ni hidánts'o hoh 'aw 'et Sizi Gri hiyuntez'az. 'Et Sizi hubunilh'en hine'us hoh 'et huboodulhkut, “Di kunahta hoh 'aht'en?” hubúlhni. 'Et 'uhiyúlhni, “Rabbi, nts'e hoont'i?” ('Et ndi khunek “Rabbi” 'i Lizwif k'una'a dune hoodulh'eh ni ho' utni.) 'Et Sizi hubúlhni, “Anih, whunoolh'en si!” hubúlhni. 'Et hiyúlh tez'az 'ink'ez nts'e sída 'et honalh'en. 'Et dzin nduhoolyez hoh hizih hinke 'ink'ez, hoh da 10:00 bat'en 'uhunet'oh. 'Et ndunnah nanah dune John hidánts'o huwa Sizi hiyuntez'az, 'en 'ilhunuh, Andrew hiyulhni, 'en Simon Peter bulhutsin 'int'ah. 'En 'ahoh dulhutsin, Simon hiyulhni, 'en yughu ninya 'ink'ez yudáni, “Ndun Messiah 'aw 'et nats'ilhti,” yúlhni. (Ndi boozi “Messiah,” Christ ni ho' utni.) 'Et Sizi 'en yughu inílhti. 'Et soo cho Sizi yunalh'en 'ink'ez ndi yúlhni, “Nyun Simon Jonas buye' 'en 'int'ah, 'et whunts'ih Cephas nyuhuduténilh,” yúlhni. (Ndi Cephas 'i Peter 'i zeh 'int'ah 'ink'ez 'i “tse” ni ho' utni.) 'Et 'om bun dzin Sizi Galilee yun k'ut huwhútni ts'ih teyalh hukwa' ninzun. Whuz ninya hoh dune Philip hiyúlhni, 'en nayilhti 'ink'ez “Sunanyalh,” yúlhni. 'Et ndun Philip 'en keyah Bethsaida huwhútni, 'et whut'en 'int'ah. Keyah 'et Andrew 'ink'ez Peter bulh huwhut'i. 'Et Philip 'en dune Nathanael hiyúlhni, 'en nayilhti, “Ndun dune Moses dude dustl'us k'ut yugha 'uk'une'úzguz, 'ink'ez Yak'usda be nus whunilh'en highun 'uk'une'úzguz, 'en 'aw 'et nats'ilhti. 'En 'int'ah Sizi, Joseph buye' unli. Keyah Nazareth huwhútni, 'et whut'i,” yúlhni. 'Et Nathanael 'utni, “Nts'e na'a simba hoonliyaz 'unzoo 'i Nazareth ts'ih haóolts'it?” 'Et Philip 'utni, “Anih, sulh ín'us 'ink'ez whunolh'en si!” yúlhni. 'Et Sizi Nathanael 'az de úyalh yunilh'en 'ink'ez yugha 'et ndutni, “Ndun 'en soo Israel buts'u hainzut 'int'ah, 'aw tínk'us 'uhóont'ah teh nucha'ust'en,” ni. 'Et Nathanael Sizi yoodulhkut, “Dí bugha t'ewhunínzun dant'un dune usdli?” 'Et Sizi 'uyúlhni, “Mai chun t'ah sinda da, Philip 'anih nyuduténilh whutsuh da, 'et 'uda nyunalh'en,” yúlhni. 'Et Nathanael ndi yúlhni, “Rabbi, 'alha' Yak'usda buYe' inli 'ink'ez Israel hits'u hainde, huba hubudayi cho chah inli,” yúlhni. 'Et Sizi ndi yúlhni, “Mai chun t'ah sinda hoh nyunalh'en nyudúsni. 'Et huwa Yak'usda buYe' usdli mba 'álha 'uhoont'ah, 'et whunts'ih 'o nus ts'un 'o nus hooncha, 'et whuntalh'ilh. 'Et soo ts'ah'un 'ínt'ah nyudut'esnilh, yak'uz da' dutézkez 'ink'ez Yak'usda hubulizas ndus de hahándel 'ink'ez doo chah whenáhudéde ndun yinkak dune ye' 'en buts'un 'uhut'en, 'et whuntalh'ilh,” yúlhni.

Слушайте John 1