Wycliffe Timor-Leste ℗ 2025 Wycliffe Bible Translators Inc

Biblia Mambae

<div class="version vid3634 iso6393mgm" data-vid="3634" data-iso6393="mgm">
   <div class="book bkMRK">
      <div class="chapter ch5" data-usfm="MRK.5">
         <div class="label">5</div><div class="s"><span class="heading">Nai Jesus toeh sai espiritu klao rini ois artuub iid</span></div><div class="r"><span class="heading">(</span><span class="heading">Mateus 8:28-34</span><span class="heading">; </span><span class="heading">Lucas 8:26-39</span><span class="heading">)</span></div><div class="p"><span class="content">  </span><span class="verse v1" data-usfm="MRK.5.1"><span class="label">1</span><span class="content">Faklau telo, Jesus nor Ni eskolanti room raat nii taes seri Galileia, nii hati kiid gala Gerasa.</span></span></div><div class="p"><span class="verse v1" data-usfm="MRK.5.1"><span class="content">  </span></span><span class="verse v2 v3 v4 v5 v6" data-usfm="MRK.5.2+MRK.5.3+MRK.5.4+MRK.5.5+MRK.5.6"><span class="label">2-6</span><span class="content">Nii hati kidura, nei maen iid espiritu klao tafae nii hua-lala, raat ura lea. Ura hela nii rate lala. Leolbaan-hoda ura lolai duu-sae rae lau nor kirai bak-bako. I ura tuut ni eta lolo nor haut raat huga telo meit. Maen idura forti tus. Ba nei artuub iid leob eis ura. Fedu roo eis bak-bako ura ni lima-oe nor korenti, ura tai togout meit korenti seirgaa. Ura forti didi, ba nei artuub iid leob asour ura. </span></span></div><div class="p"><span class="verse v2 v3 v4 v5 v6" data-usfm="MRK.5.2+MRK.5.3+MRK.5.4+MRK.5.5+MRK.5.6"><span class="content">Arfiil Jesus room duu ois bero, maen bae fee espiritu klao tafae ni hua-lala too eot Jesus ois roo. I ura sai enene ois rate lala, flaer la diku nii Jesus ni ahe. </span></span><span class="verse v7 v8" data-usfm="MRK.5.7+MRK.5.8"><span class="label">7-8</span><span class="content">Jesus fei maen too ni ahe, Ura meit kase, dega, &#8220;Espiritu klao! O sai ois maen iduri!&#8221;</span></span></div><div class="p"><span class="verse v7 v8" data-usfm="MRK.5.7+MRK.5.8"><span class="content">Toom maa maen too kirai, oid dega, &#8220;O naha fun sabiid ma au?! Au taad O uri, fee Jesus, Nai Maromak iid bae fee nei forsa tuu ni Ana. Au tuuk la O, favoor iid, O ba leob fun terus au.&#8221;</span></span></div><div class="p"><span class="verse v7 v8" data-usfm="MRK.5.7+MRK.5.8"><span class="content">  </span></span><span class="verse v9" data-usfm="MRK.5.9"><span class="label">9</span><span class="content">I Jesus tuuk la ura, &#8220;O gala saba?&#8221;</span></span></div><div class="p"><span class="verse v9" data-usfm="MRK.5.9"><span class="content">Ura ataan, &#8220;Au gala </span><span class="it"><span class="content">Lejiaun</span></span><span class="content">, deslaa aem espiritu rini tustus, man tropas room nii batailaun iid.&#8221;</span></span></div><div class="p"><span class="verse v9" data-usfm="MRK.5.9"><span class="content">  </span></span><span class="verse v10" data-usfm="MRK.5.10"><span class="label">10</span><span class="content">I espiritu klao room uza maen too oid tuuk bak-bako la Jesus ba leob toeh room sai ois rae kidura.</span></span></div><div class="p"><span class="verse v10" data-usfm="MRK.5.10"><span class="content">  </span></span><span class="verse v11" data-usfm="MRK.5.11"><span class="label">11</span><span class="content">Fedeis hati kidura, nei artuub seir bali bael haeh rihun ruu, bae fee siuk bael rae, nii rae lau lolo. </span></span><span class="verse v12" data-usfm="MRK.5.12"><span class="label">12</span><span class="content">Toom maa, espiritu klao room tuuk la Jesus, &#8220;Ruu aem la tafae nii haeh serlagaa.&#8221;</span></span></div><div class="p"><span class="verse v12" data-usfm="MRK.5.12"><span class="content">  </span></span><span class="verse v13" data-usfm="MRK.5.13"><span class="label">13</span><span class="content">Fliik manura, Jesus meit sium. I espiritu klao seirgaa sai ois maen too la tafae siil nii haeh seirgaa. Haeh rihun ruu too, flaer saruntu-loor duu ois rae lau lolo mou meit la eer lala, i room haigaa eer naal raat maet meit.</span></span></div><div class="p"><span class="verse v13" data-usfm="MRK.5.13"><span class="content">  </span></span><span class="verse v14" data-usfm="MRK.5.14"><span class="label">14</span><span class="content">Fei manura, artuub bae fee bali bael haeh too, room flaer oid laa tafaar sai la roo nii aldeia meit nii hati kidura. Raat roo rini sai la fei sabiid fee tadu. </span></span><span class="verse v15" data-usfm="MRK.5.15"><span class="label">15</span><span class="content">Arfiil room laa asour Jesus, room fei maen bae fee espiritu klao tafae too medei bael. Ura ni anoin kode siil, nor huut siil hena soub. Fei manura room hailagaa matau la Jesus. </span></span><span class="verse v16" data-usfm="MRK.5.16"><span class="label">16</span><span class="content">I room bae fee fei nor mata rasik tuir la roo seir hinaa maa nii hati kidura enlaa maen bae fee espiritu klao tafae too kode telo soub nor haeh seir bae fee mou la eer naal raat maet meit. </span></span><span class="verse v17" data-usfm="MRK.5.17"><span class="label">17</span><span class="content">Toom maa, roo nii aldeia kidura maa tuuk la Jesus fun ura sai ois room hati.</span></span></div><div class="p"><span class="verse v17" data-usfm="MRK.5.17"><span class="content">  </span></span><span class="verse v18" data-usfm="MRK.5.18"><span class="label">18</span><span class="content">Arfiil Jesus naha sae siil la bero lala, maen bae fee espiritu klao hinaa sai too, maa tuuk la Jesus, dega, &#8220;Au akar toom Iit tuu&#8221;.</span></span></div><div class="p"><span class="verse v18" data-usfm="MRK.5.18"><span class="content">  </span></span><span class="verse v19" data-usfm="MRK.5.19"><span class="label">19</span><span class="content">Mahee Jesus ba ataan. Ura dega, &#8220;Kode faklau o suil laa nee sai la o familia tema, naam sab-saab fee Nai Maromak fun soub la o. I tafaar meit dega, Nai Maromak atuud Ni hua-lala kode la o.&#8221;</span></span></div><div class="p"><span class="verse v19" data-usfm="MRK.5.19"><span class="content">  </span></span><span class="verse v20" data-usfm="MRK.5.20"><span class="label">20</span><span class="content">Manura, maen too suil siil, i lolai leom-leom laa rae iid, gala &#8216;Dekapolis&#8217; (rae idura nei sidadi saguul). Ura toom naam bae fee Jesus fun soub la ura. Artuub meit fliik naam bae fee ura tuir too, room kauk ulu, dega, &#8220;Doloo didi!&#8221;</span></span></div><div class="s"><span class="heading">Nai Jesus fun mori siil Jairu ni ana, i fun kode siil hiin bae fee ni hulai maa ba para</span></div><div class="r"><span class="heading">(</span><span class="heading">Mateus 9:18-26</span><span class="heading">; </span><span class="heading">Lucas 8:40-56</span><span class="heading">)</span></div><div class="p"><span class="verse v20" data-usfm="MRK.5.20"><span class="content">  </span></span><span class="verse v21" data-usfm="MRK.5.21"><span class="label">21</span><span class="content">Toom maa, Jesus room sae bero oid laa siil nii taes seri. Arfiil room duu ois bero, roo rini tustus maa duuk Ura. </span></span><span class="verse v22" data-usfm="MRK.5.22"><span class="label">22</span><span class="content">Nii hati kidura, nei artuub iid gala Jairu. Ura man leader iid nii uum kreda Judeu nii sidadi kidura. Arfiil ura fei Jesus, ura laa diku nii Jesus ni ahe, </span></span><span class="verse v23" data-usfm="MRK.5.23"><span class="label">23</span><span class="content">oid tuuk tulun, dega, &#8220;Am-Nai! Favoor iid. Tulun au laed! Au ana hina moras tuu, fedeis naha maet. Iit Tuu maa tuul lima la ura, la ura leob kode siil, i leob mori.&#8221;</span></span></div><div class="p"><span class="verse v23" data-usfm="MRK.5.23"><span class="content">  </span></span><span class="verse v24" data-usfm="MRK.5.24"><span class="label">24</span><span class="content">Entaun Jesus toom Jairu la ura ni uum.</span></span></div><div class="p"><span class="verse v24" data-usfm="MRK.5.24"><span class="content">Mahee arfiil room lolai laa, nei artuub rini toom Jesus raat seen-loor.</span></span></div><div class="p"><span class="verse v24" data-usfm="MRK.5.24"><span class="content">  </span></span><span class="verse v25" data-usfm="MRK.5.25"><span class="label">25</span><span class="content">Nii artuub seirgaa, nei hiin iid ni hulai maa ba para fes toon saguul-resi-ruu ni lala. </span></span><span class="verse v26" data-usfm="MRK.5.26"><span class="label">26</span><span class="content">Ura asei ni osa nor naam haigaa raat meit oid seul doutor room. Mahee ba nei artuub iid leob fun ura kode. I ura ni moras too keer-amenta la mes-mesa. </span></span><span class="verse v27 v28 v29" data-usfm="MRK.5.27+MRK.5.28+MRK.5.29"><span class="label">27-29</span><span class="content">Hiin too fliik naam rini soub enlaa Jesus. Des manura fee ura seen-loor nor roo rini seirgaa oid laa fedeis Jesus ni hoho. Ura anoin manuri, &#8220;Sala ne au een kois lea Jesus ni hena, au kode soub!&#8221; </span></span></div><div class="p"><span class="verse v27 v28 v29" data-usfm="MRK.5.27+MRK.5.28+MRK.5.29"><span class="content">Arfiil ura een Jesus ni hena, hleeh maa, ura ni lara kiid maa bael too para enene. I ura meit senti kode soub.</span></span></div><div class="p"><span class="verse v27 v28 v29" data-usfm="MRK.5.27+MRK.5.28+MRK.5.29"><span class="content">  </span></span><span class="verse v30" data-usfm="MRK.5.30"><span class="label">30</span><span class="content">Natoon nii oras idura, Jesus meit senti forsa kiid sai ois Ura ni lala. I Ura tagael la hoho, oid fei artuub haigaa. Ura tuuk, &#8220;Seen fee een Au hena too?&#8221;</span></span></div><div class="p"><span class="verse v30" data-usfm="MRK.5.30"><span class="content">  </span></span><span class="verse v31" data-usfm="MRK.5.31"><span class="label">31</span><span class="content">Jesus ni eskolanti room ataan dega, &#8220;Nai, Iit Tuu rasik fee fei lea la! Iit nii uri rini tustus raat seen-loor! Mambae fee Iit Tuu tuuk siil, &#8216;Seen fee een Au hena too?&#8217;&#8202;&#8221;</span></span></div><div class="p"><span class="verse v31" data-usfm="MRK.5.31"><span class="content">  </span></span><span class="verse v32" data-usfm="MRK.5.32"><span class="label">32</span><span class="content">Mahee Jesus fei la ma, oid nae taad seen fee nafai een Ura ni hena too. </span></span><span class="verse v33" data-usfm="MRK.5.33"><span class="label">33</span><span class="content">Deslaa hiin ura taad sabiid fee ura hinaa asour, arfiil ura fliik Jesus tuuk manura, hiin too matau tustus. I ura laa diku nii Jesus ni ahe, oid nee sai dega, &#8220;Am-Nai! Au fee nafai een Iit Tuu ni hena.&#8221;</span></span></div><div class="p"><span class="verse v33" data-usfm="MRK.5.33"><span class="content">  </span></span><span class="verse v34" data-usfm="MRK.5.34"><span class="label">34</span><span class="content">Jesus ataan la ura dega, &#8220;Noi, deslaa iit fiar tustus ma Au, des idura fee iit kode soub. Agora, iit leob suil nor neo tama deslaa iit ba terus soub.&#8221;</span></span></div><div class="p"><span class="verse v34" data-usfm="MRK.5.34"><span class="content">  </span></span><span class="verse v35" data-usfm="MRK.5.35"><span class="label">35</span><span class="content">Jesus hii kase bael manura, artuub iid maa ois Jairu ni uma, oid nee taad dega, &#8220;Iit ana hina maet telo soub. Balikan fun kole des Mestri, keer kode balikan laa uum soub.&#8221;</span></span></div><div class="p"><span class="verse v35" data-usfm="MRK.5.35"><span class="content">  </span></span><span class="verse v36" data-usfm="MRK.5.36"><span class="label">36</span><span class="content">Mahee Jesus ba tanaar la roo too ni kase, i Ura dega la Jairu, &#8220;Balikan neo muit! Fiar lea la Nai Maromak.&#8221; </span></span><span class="verse v37" data-usfm="MRK.5.37"><span class="label">37</span><span class="content">Entaun Jesus fois bael ni eskolanti seir selu. Ura oid lea fee Pedro, Tiago nor ni kau Jo&#227;o, i room fee laa futu nor Jairo.</span></span></div><div class="p"><span class="verse v37" data-usfm="MRK.5.37"><span class="content">  </span></span><span class="verse v38" data-usfm="MRK.5.38"><span class="label">38</span><span class="content">Arfiil Jesus room raat nii Jairu ni uma, room fei artuub rini kakahe laa-maa, lelir nor sero kirai. </span></span><span class="verse v39" data-usfm="MRK.5.39"><span class="label">39</span><span class="content">Jesus tafae faklau la uum lala, oid tuuk la room, dega, &#8220;Des sabiid fee iim kakahe laa-maa i sero kirai manuri? Aan uri ba maet iid. Ura boe lea.&#8221;</span></span></div><div class="p"><span class="verse v39" data-usfm="MRK.5.39"><span class="content">  </span></span><span class="verse v40" data-usfm="MRK.5.40"><span class="label">40</span><span class="content">Room fliik Jesus kase manura, room haigaa gliin nor goza siil Ura.</span></span></div><div class="p"><span class="verse v40" data-usfm="MRK.5.40"><span class="content">Toom maa, Jesus ruu room haigaa sai meit. Ura haah lea fee aan too ni ina-ama nor ni eskolanti ubu teul, oid tafae la aan too ni hati. </span></span><span class="verse v41" data-usfm="MRK.5.41"><span class="label">41</span><span class="content">I Jesus fael aan too ni lima, oid kase nor room tero Aram, dega, </span><span class="it"><span class="content">&#8220;Talita kum!&#8221;</span></span><span class="content"> (Idura dega fun, &#8220;Noi, blee laab!&#8221;) </span></span></div><div class="p"><span class="verse v41" data-usfm="MRK.5.41"><span class="content">  </span></span><span class="verse v42 v43" data-usfm="MRK.5.42+MRK.5.43"><span class="label">42-43</span><span class="content">Hleeh maa, aan hina too blee i lolai enene. Toom maa Jesus ruu room, dega, &#8220;Nee namaa soub la aan too!&#8221; Aan hina too ni tona saguul-resi-ruu.</span></span></div><div class="p"><span class="verse v42 v43" data-usfm="MRK.5.42+MRK.5.43"><span class="content">Artuub bae fee fei naam idura, room hailagaa hleeh i kauk ulu. Mahee Jesus baud makaas room, dega, &#8220;Iim ba leob tafaar sai la sen-seen, dega, Au fee fun mori siil ankate too!&#8221;</span></span></div>
      </div>
   </div>
</div>

Faklau telo, Jesus nor Ni eskolanti room raat nii taes seri Galileia, nii hati kiid gala Gerasa.
Nii hati kidura, nei maen iid espiritu klao tafae nii hua-lala, raat ura lea. Ura hela nii rate lala. Leolbaan-hoda ura lolai duu-sae rae lau nor kirai bak-bako. I ura tuut ni eta lolo nor haut raat huga telo meit. Maen idura forti tus. Ba nei artuub iid leob eis ura. Fedu roo eis bak-bako ura ni lima-oe nor korenti, ura tai togout meit korenti seirgaa. Ura forti didi, ba nei artuub iid leob asour ura.
Arfiil Jesus room duu ois bero, maen bae fee espiritu klao tafae ni hua-lala too eot Jesus ois roo. I ura sai enene ois rate lala, flaer la diku nii Jesus ni ahe. Jesus fei maen too ni ahe, Ura meit kase, dega, “Espiritu klao! O sai ois maen iduri!”
Toom maa maen too kirai, oid dega, “O naha fun sabiid ma au?! Au taad O uri, fee Jesus, Nai Maromak iid bae fee nei forsa tuu ni Ana. Au tuuk la O, favoor iid, O ba leob fun terus au.”
I Jesus tuuk la ura, “O gala saba?”
Ura ataan, “Au gala Lejiaun, deslaa aem espiritu rini tustus, man tropas room nii batailaun iid.”
I espiritu klao room uza maen too oid tuuk bak-bako la Jesus ba leob toeh room sai ois rae kidura.
Fedeis hati kidura, nei artuub seir bali bael haeh rihun ruu, bae fee siuk bael rae, nii rae lau lolo. Toom maa, espiritu klao room tuuk la Jesus, “Ruu aem la tafae nii haeh serlagaa.”
Fliik manura, Jesus meit sium. I espiritu klao seirgaa sai ois maen too la tafae siil nii haeh seirgaa. Haeh rihun ruu too, flaer saruntu-loor duu ois rae lau lolo mou meit la eer lala, i room haigaa eer naal raat maet meit.
Fei manura, artuub bae fee bali bael haeh too, room flaer oid laa tafaar sai la roo nii aldeia meit nii hati kidura. Raat roo rini sai la fei sabiid fee tadu. Arfiil room laa asour Jesus, room fei maen bae fee espiritu klao tafae too medei bael. Ura ni anoin kode siil, nor huut siil hena soub. Fei manura room hailagaa matau la Jesus. I room bae fee fei nor mata rasik tuir la roo seir hinaa maa nii hati kidura enlaa maen bae fee espiritu klao tafae too kode telo soub nor haeh seir bae fee mou la eer naal raat maet meit. Toom maa, roo nii aldeia kidura maa tuuk la Jesus fun ura sai ois room hati.
Arfiil Jesus naha sae siil la bero lala, maen bae fee espiritu klao hinaa sai too, maa tuuk la Jesus, dega, “Au akar toom Iit tuu”.
Mahee Jesus ba ataan. Ura dega, “Kode faklau o suil laa nee sai la o familia tema, naam sab-saab fee Nai Maromak fun soub la o. I tafaar meit dega, Nai Maromak atuud Ni hua-lala kode la o.”
Manura, maen too suil siil, i lolai leom-leom laa rae iid, gala ‘Dekapolis’ (rae idura nei sidadi saguul). Ura toom naam bae fee Jesus fun soub la ura. Artuub meit fliik naam bae fee ura tuir too, room kauk ulu, dega, “Doloo didi!”


Toom maa, Jesus room sae bero oid laa siil nii taes seri. Arfiil room duu ois bero, roo rini tustus maa duuk Ura. Nii hati kidura, nei artuub iid gala Jairu. Ura man leader iid nii uum kreda Judeu nii sidadi kidura. Arfiil ura fei Jesus, ura laa diku nii Jesus ni ahe, oid tuuk tulun, dega, “Am-Nai! Favoor iid. Tulun au laed! Au ana hina moras tuu, fedeis naha maet. Iit Tuu maa tuul lima la ura, la ura leob kode siil, i leob mori.”
Entaun Jesus toom Jairu la ura ni uum.
Mahee arfiil room lolai laa, nei artuub rini toom Jesus raat seen-loor.
Nii artuub seirgaa, nei hiin iid ni hulai maa ba para fes toon saguul-resi-ruu ni lala. Ura asei ni osa nor naam haigaa raat meit oid seul doutor room. Mahee ba nei artuub iid leob fun ura kode. I ura ni moras too keer-amenta la mes-mesa. Hiin too fliik naam rini soub enlaa Jesus. Des manura fee ura seen-loor nor roo rini seirgaa oid laa fedeis Jesus ni hoho. Ura anoin manuri, “Sala ne au een kois lea Jesus ni hena, au kode soub!”
Arfiil ura een Jesus ni hena, hleeh maa, ura ni lara kiid maa bael too para enene. I ura meit senti kode soub.
Natoon nii oras idura, Jesus meit senti forsa kiid sai ois Ura ni lala. I Ura tagael la hoho, oid fei artuub haigaa. Ura tuuk, “Seen fee een Au hena too?”
Jesus ni eskolanti room ataan dega, “Nai, Iit Tuu rasik fee fei lea la! Iit nii uri rini tustus raat seen-loor! Mambae fee Iit Tuu tuuk siil, ‘Seen fee een Au hena too?’ ”
Mahee Jesus fei la ma, oid nae taad seen fee nafai een Ura ni hena too. Deslaa hiin ura taad sabiid fee ura hinaa asour, arfiil ura fliik Jesus tuuk manura, hiin too matau tustus. I ura laa diku nii Jesus ni ahe, oid nee sai dega, “Am-Nai! Au fee nafai een Iit Tuu ni hena.”
Jesus ataan la ura dega, “Noi, deslaa iit fiar tustus ma Au, des idura fee iit kode soub. Agora, iit leob suil nor neo tama deslaa iit ba terus soub.”
Jesus hii kase bael manura, artuub iid maa ois Jairu ni uma, oid nee taad dega, “Iit ana hina maet telo soub. Balikan fun kole des Mestri, keer kode balikan laa uum soub.”
Mahee Jesus ba tanaar la roo too ni kase, i Ura dega la Jairu, “Balikan neo muit! Fiar lea la Nai Maromak.” Entaun Jesus fois bael ni eskolanti seir selu. Ura oid lea fee Pedro, Tiago nor ni kau João, i room fee laa futu nor Jairo.
Arfiil Jesus room raat nii Jairu ni uma, room fei artuub rini kakahe laa-maa, lelir nor sero kirai. Jesus tafae faklau la uum lala, oid tuuk la room, dega, “Des sabiid fee iim kakahe laa-maa i sero kirai manuri? Aan uri ba maet iid. Ura boe lea.”
Room fliik Jesus kase manura, room haigaa gliin nor goza siil Ura.
Toom maa, Jesus ruu room haigaa sai meit. Ura haah lea fee aan too ni ina-ama nor ni eskolanti ubu teul, oid tafae la aan too ni hati. I Jesus fael aan too ni lima, oid kase nor room tero Aram, dega, “Talita kum!” (Idura dega fun, “Noi, blee laab!”)
Hleeh maa, aan hina too blee i lolai enene. Toom maa Jesus ruu room, dega, “Nee namaa soub la aan too!” Aan hina too ni tona saguul-resi-ruu.
Artuub bae fee fei naam idura, room hailagaa hleeh i kauk ulu. Mahee Jesus baud makaas room, dega, “Iim ba leob tafaar sai la sen-seen, dega, Au fee fun mori siil ankate too!”

Слушайте Marcos 5