If you have would like a copy of this version please contact info@davarpartners.org

Moore Old Testament

<div class="version vid3058 iso6393mos" data-vid="3058" data-iso6393="mos">
 <div class="book bkGEN">
 <div class="chapter ch15" data-usfm="GEN.15">
 <div class="label">15</div><div class="s">W&#7869;nnaam maana kaool ne a Abram</div><div class="p"> 1B&#245;n-k&#227;ens&#227; loogr zug&#7869;, S&#7869;n-Ka-Saab goma ne a Abram v&#7869;negr p&#651;g&#7869; n yeele: &#171;Abram, da zoe rabeem ye! Mam meng n yaa fo g&#227;ongo, la fo keoor na n y&#617;&#617; k&#227;seng w&#651;sgo.&#187; 2La a Abram leokame: &#171;Mam Zu-soab a S&#7869;n-Ka-Saabo, y&#227;mb na n k&#245;o maam b&#245;e? Mam na n loogame n ka paam biig ye. La ned ning s&#7869;n na n y&#245;d n soog-a mam zak&#227;, yaa Damaas rao a Eliyez&#603;&#603;r s&#7869;n yaa mam t&#651;mt&#651;md&#227;.&#187; 3A Abram leb n yeelame: &#171;Y&#227;mb ka k&#245; maam biig ye, r&#7869; k&#617;tame t&#617; mam zak&#7869; rak&#245;or n na n y&#245;d n soog mam paoong&#227;.&#187; 4La S&#7869;n-Ka-Saab goma ne y&#7869;nda n yeele: &#171;Ka y&#7869;nda n na n soog fo zak&#227; ye. Na n y&#617;&#617; fo meng&#227; s&#7869;n na n dog biig ning&#227; n na n soog fo zak&#227;.&#187; 5#Rom 4.18, Ebr 11.12S&#7869;n-Ka-Saab peega a Abram n yi y&#617;ng n yeel-a yaa: &#171;Ade, ges sa-g&#227;ong&#227;, la f s&#245;d &#227;ds&#227; n ges fo t&#245;e n b&#227;nga b s&#245;ore.&#187; La b paasame n yeele: &#171;Fo yagens&#227; s&#245;or na n y&#617; a woto.&#187; 6#Rom 4.3, Gal 3.6, Zak 2.23La a Abram t&#7869;e S&#7869;n-Ka-Saabo, woto k&#617;tame t&#617; S&#7869;n-Ka-Saab geelg a t&#7869;eb&#227; wa t&#617;rlem.</div><div class="p"> 7B&#227;mb leb n yeela a Abram yaa: &#171;Mam yaa S&#7869;n-Ka-Saabo, maam n yiis foom &#434;&#651;r t&#7869;ng&#227; s&#7869;n be Kalde r&#227;mb&#227; soolm&#7869; w&#227;, n wa k&#245; foom t&#7869;n-k&#227;ng&#227; t&#617; f sooge.&#187; 8A Abram leokame: &#171;Zu-soab a S&#7869;n-Ka-Saabo, b&#245;e n wilgd t&#617; mam na n sooga t&#7869;ng&#227;?&#187; 9B&#227;mb yeela y&#7869;nda yaa: &#171;Y&#245;k nag-sadg s&#7869;n tar y&#651;&#651;m a t&#227;abo, la f bao b&#651;-y&#227;ang s&#7869;n tar y&#651;&#651;m a t&#227;abo, ne pe-raoog s&#7869;n tar y&#651;&#651;m a t&#227;abo, la f bao walle, ne man-wan-bila n wa k&#245; maam.&#187; 10Y&#7869;nda baoo r&#361;m-b&#227;mba f&#227;a, n pasg p&#651;&#617;-s&#651;gse, n d&#617;k bogr f&#227;a n d&#617;gl n yegl a to, la y&#7869;nda ka pas b&#245;n-y&#617;gd&#617; w&#227; ye. 11La y&#617;brend waa n na n d&#617;&#617; nemd&#227;, la a Abram dig-b lame.</div><div class="p"> 12 # 
 Zoob 4.13-14
 W&#297;ndg&#227; s&#7869;n wa n dat n k&#7869;, g&#245;e-k&#227;seng y&#245;ka a Abram, la z&#297;ig&#227; s&#7869;n lebgd lik&#227;, rabeem-k&#227;seng y&#245;ka y&#7869;nda. 13#Yik 1.1-14, T&#651;&#651;m 7.6S&#7869;n-Ka-Saab yeela a Abram yaa: &#171;B&#227;ng t&#617; fo yagens&#227; na n y&#617;&#617; s&#227;amb n z&#297;nd t&#7869;ng s&#7869;n ka b&#227;mb t&#7869;ng p&#651;ga. B&#227;mb na n lebga yembse, la b na n namsa b&#227;mb y&#651;&#651;m kobs-naase. 14#Yik 12.40-41, T&#651;&#651;m 7.7La mam na n b&#651;&#651; soolem ning s&#7869;n na n k&#7869;es-a b&#227;mb yembd&#227; b&#651;&#651;do, la fo yagens&#227; na n yii been&#7869; ne paoong w&#651;sgo. 15La s&#227; n yaa ne fo meng&#227;, fo na n saka f saam-d&#227;mb ne b&#227;ane, la f na n paama s&#361;-noog f k&#651;&#651;lem wakate, n yaool n ki t&#617; b mum-fu. 16La zamaan a naas loogr zug&#7869;, b&#227;mb na n lebg n waa z&#297;-k&#227;ng&#227;. Bala, Amoor-d&#227;mb&#227; w&#7869;ng&#227; maaneg nan ka lebg w&#651;sg n loog nug ye.&#187;</div><div class="p"> 17W&#297;ndg&#227; s&#7869;n wa n k&#7869;, z&#297;ig&#227; lebga lik bida, la z&#297;ig p&#651;g&#7869;, w&#651;ng s&#7869;n tar bug-z&#245;os ne bug-witim n p&#617;&#651;&#651;g r&#361;ms nins a Abram s&#7869;n dag n pas n d&#651;&#651;g&#227; s&#651;ka. 18#T&#651;&#651;m 7.5Badaare, S&#7869;n-Ka-Saab maana kaool ne a Abram n yeele: &#171;Mam k&#245;ta fo yagens&#227; t&#7869;n-k&#227;ng&#227; t&#617; b sooge. Yaa s&#7869;n s&#617;ng ne Ez&#617;pt k&#651;&#617;lg&#227;, n tall n t&#617; t&#227;ag Efrat k&#651;&#617;l-k&#227;seng&#227;. 19T&#7869;n-b&#227;mb yaa K&#603;n neb&#227;, ne Keniiz neb&#227;, la Kadmon-r&#227;mb&#227;, 20ne H&#603;t-r&#227;mb&#227;, ne Fer&#603;&#603;z neb&#227;, la Refayim-d&#227;mb&#227;, 21la Amoor-d&#227;mb&#227;, ne Kana-r&#227;mb&#227;, la Girgaaz neb&#227;, la Zebuus neb&#227; t&#7869;mse.&#187;</div>
 </div>
 </div>
</div>

Moore Bible © Bible Society of Burkina Faso, 2014.

Bõn-kãensã loogr zugẽ, Sẽn-Ka-Saab goma ne a Abram vẽnegr pʋgẽ n yeele: «Abram, da zoe rabeem ye! Mam meng n yaa fo gãongo, la fo keoor na n yɩɩ kãseng wʋsgo.» La a Abram leokame: «Mam Zu-soab a Sẽn-Ka-Saabo, yãmb na n kõo maam bõe? Mam na n loogame n ka paam biig ye. La ned ning sẽn na n yõd n soog-a mam zakã, yaa Damaas rao a Eliyezɛɛr sẽn yaa mam tʋmtʋmdã.» A Abram leb n yeelame: «Yãmb ka kõ maam biig ye, rẽ kɩtame tɩ mam zakẽ rakõor n na n yõd n soog mam paoongã.» La Sẽn-Ka-Saab goma ne yẽnda n yeele: «Ka yẽnda n na n soog fo zakã ye. Na n yɩɩ fo mengã sẽn na n dog biig ningã n na n soog fo zakã.» Sẽn-Ka-Saab peega a Abram n yi yɩng n yeel-a yaa: «Ade, ges sa-gãongã, la f sõd ãdsã n ges fo tõe n bãnga b sõore.» La b paasame n yeele: «Fo yagensã sõor na n yɩ a woto.» La a Abram tẽe Sẽn-Ka-Saabo, woto kɩtame tɩ Sẽn-Ka-Saab geelg a tẽebã wa tɩrlem.
Bãmb leb n yeela a Abram yaa: «Mam yaa Sẽn-Ka-Saabo, maam n yiis foom Ʋʋr tẽngã sẽn be Kalde rãmbã soolmẽ wã, n wa kõ foom tẽn-kãngã tɩ f sooge.» A Abram leokame: «Zu-soab a Sẽn-Ka-Saabo, bõe n wilgd tɩ mam na n sooga tẽngã?» Bãmb yeela yẽnda yaa: «Yõk nag-sadg sẽn tar yʋʋm a tãabo, la f bao bʋ-yãang sẽn tar yʋʋm a tãabo, ne pe-raoog sẽn tar yʋʋm a tãabo, la f bao walle, ne man-wan-bila n wa kõ maam.» Yẽnda baoo rũm-bãmba fãa, n pasg pʋɩ-sʋgse, n dɩk bogr fãa n dɩgl n yegl a to, la yẽnda ka pas bõn-yɩgdɩ wã ye. La yɩbrend waa n na n dɩɩ nemdã, la a Abram dig-b lame.
Wĩndgã sẽn wa n dat n kẽ, gõe-kãseng yõka a Abram, la zĩigã sẽn lebgd likã, rabeem-kãseng yõka yẽnda. Sẽn-Ka-Saab yeela a Abram yaa: «Bãng tɩ fo yagensã na n yɩɩ sãamb n zĩnd tẽng sẽn ka bãmb tẽng pʋga. Bãmb na n lebga yembse, la b na n namsa bãmb yʋʋm kobs-naase. La mam na n bʋʋ soolem ning sẽn na n kẽes-a bãmb yembdã bʋʋdo, la fo yagensã na n yii beenẽ ne paoong wʋsgo. La sã n yaa ne fo mengã, fo na n saka f saam-dãmb ne bãane, la f na n paama sũ-noog f kʋʋlem wakate, n yaool n ki tɩ b mum-fu. La zamaan a naas loogr zugẽ, bãmb na n lebg n waa zĩ-kãngã. Bala, Amoor-dãmbã wẽngã maaneg nan ka lebg wʋsg n loog nug ye.»
Wĩndgã sẽn wa n kẽ, zĩigã lebga lik bida, la zĩig pʋgẽ, wʋng sẽn tar bug-zõos ne bug-witim n pɩʋʋg rũms nins a Abram sẽn dag n pas n dʋʋgã sʋka. Badaare, Sẽn-Ka-Saab maana kaool ne a Abram n yeele: «Mam kõta fo yagensã tẽn-kãngã tɩ b sooge. Yaa sẽn sɩng ne Ezɩpt kʋɩlgã, n tall n tɩ tãag Efrat kʋɩl-kãsengã. Tẽn-bãmb yaa Kɛn nebã, ne Keniiz nebã, la Kadmon-rãmbã, ne Hɛt-rãmbã, ne Ferɛɛz nebã, la Refayim-dãmbã, la Amoor-dãmbã, ne Kana-rãmbã, la Girgaaz nebã, la Zebuus nebã tẽmse.»

Слушайте Sɩngre 15