Achi de Cubulco - 1992 Edition (NT) Non-Drama

Achi de Cubulco - 1992 Edition (NT)

Achi'

<div class="version vid3 iso6393acr" data-vid="3" data-iso6393="acr">
 <div class="book bkMAT">
 <div class="chapter ch6" data-usfm="MAT.6">
 <div class="label">6</div><div class="s">I tak i &#700;utz qui &#700;ano, mi &#700;ano xa sic&#700;bal que i winak</div><div class="p"> 1We &#700;o tak i &#700;utz qui &#700;ano, cojbal-re u &#700;ij i Dios, mi &#700;an ile chiquiwach i winak we xa quiwaj quix quilo. We queje qui &#700;an ile, n-ta qui ch&#700;ac na &#700;uri ru&#700; i Ta chicaj.</div><div class="p"> 2Rumal-i, are que i to i niba&#700;ib, ali&#700;al chi &#700;ana, man n-sic&#700;bal ta que i winak qui &#700;ano. Xa are sic&#700;bal que i winak quiqui &#700;an jujun, chi lic je re i Dios quiwil yix, xui-ri, n-katzij taj. Queje quiqui &#700;an ique ile pa tak molbal&#700;ib, xak pa tak be. Are quiqui &#700;an tak i &#700;utz, xa are cacaj ca bix ni &#700;utz chiquij. Chitape&#700;, xa are ile quiqui ch&#700;aco, chi que &#700;iltaj cumal i winak. 3Yix, are que i to i niba&#700;ib, chi &#700;ana che chi mi jun reta&#700;am wach i &#700;anom, xak mi ne iwachalal. 4Ali&#700;al chi &#700;ana; te&#700;uri i Kajaw yix chi xrilo wach xi &#700;ano ali&#700;al, cu ya ni &#700;utz piwi.</div><div class="s">I Jesus xu c&#700;utu wach u tz&#700;onoxic che i Dios caka &#700;ano</div><div class="p"> 5Yix, are qui tz&#700;onoj che i Dios, mi &#700;ano pacha quiqui &#700;an i jujun chi lic je re i Dios quiwil yix, xui-ri n-katzij taj. Ique, kus quiquilo we je tac&#700;al chiquiwach i winak are quiqui tz&#700;onoj che i Dios. Queje quiqui &#700;an ile pa tak ja re i molbal&#700;ib, xak i xol tak be, man cacaj ique que &#700;iltaj na cumal i winak. Chitape&#700;, xa are ile quiqui ch&#700;aco, chi que &#700;iltaj cumal i winak. 6Yet, are ca tz&#700;onoj che i Dios, chat oc bi pa ja y cha tz&#700;apij uchija. Te&#700;uri cha tz&#700;onoj che a Kajaw chi &#700;o chila awu&#700;, xui-ri, n-ca &#700;iltaj tu wach. Y a Kajaw chi xrilo wach xa &#700;ano atuquel, cu ya ni &#700;utz pawi.</div><div class="p"> 7Yix, are qui tz&#700;onoj che i Dios, mi bij uq&#700;uial tzij chi to&#700; tzij, n-tu chac. Queje quiqui &#700;an ique ile chi n-queta&#700;am tu wach i Dios. Quiqui bij ique chi cu ta i Dios man q&#700;ui i tzij quiqui bij che. 8Mi &#700;an yix pacha quiqui &#700;an ique; i Ta chicaj reta&#700;am wach i rajwaxic chiwe are maja qui tz&#700;onoj che. 9Rumal-i, queje iri chi tz&#700;onoj che:</div><div class="q1">Ka Kajaw chicaj, chocsax u &#700;ij a bi.</div><div class="q1"> 10Chapetsax a &#700;atbal tzij,</div><div class="q1">cha &#700;ana na waral chuwach i jyub ta&#700;aj, xak jun ru&#700; pacha i ca &#700;ani chila chicaj.</div><div class="q1"> 11Cha ya na chake wach i caka tijo, wach i rajwaxic chake.</div><div class="q1"> 12Cha cuyu ni ka mac, xak jun ru&#700; pacha ka &#700;anom yoj, chi ka cuyum ni qui mac ni&#700;pa i je macun-nak chikij.</div><div class="q1"> 13Ma ya chake coj tzak chupam i mac atzalal, xui-ri choj awesaj pu&#700;ab itzel.</div><div class="q1">Man yet &#700;o i &#700;atbal tzij pa&#700;ab; nim a cho&#700;ab, xak nim a &#700;ij a chomal.</div><div class="q1">At queje ile que&#700;e &#700;ij sak chawij. Amen.</div><div class="p"> 14(Queje ile chi tz&#700;onoj che i Dios.) Man yix, we i cuyum chic qui mac i juban chi qui &#700;anom qui mac chiwe, xak i Kajaw yix chila chicaj xak cu cuy na i mac yix. 15Xui-ri, we yix n-qui cuy ti qui mac i juban, xak ire n-cu cuy ta i mac yix.</div><div class="s">I Jesus xu c&#700;utu wach i ro&#700;taxic ka wa&#700;im caka &#700;ano</div><div class="p"> 16Yix, &#700;olic quiwo&#700;taj i wa&#700;im qui yabej-re iwib chu tz&#700;onox&#237;c che i Dios. Are qui &#700;an ile, mi &#700;an che i palaj lic ca bisonic pacha quiqui &#700;an i winak chi queb qui palaj. Queje quiqui &#700;an ique ile, man quiquil i winak chi quiqui tij uyej rumal qui tz&#700;onoxic che i Dios. Chitape&#700;, xa are ile quiqui ch&#700;aco chi que &#700;iltaj cumal i winak.</div><div class="p"> 17Xui-ri, yix, are quiwo&#700;taj i wa&#700;im chu tz&#700;onoxic che i Dios, chi ch&#700;aja i palaj, chi xiya i wi, 18man n-quiquil ti winak wach quix tijin chu &#700;anic chuwach i Dios. I Kajaw chi n-ca&#700;iltaj tu wach, ire crilo wach quix tijin chu &#700;anic; cu ya na &#700;uri i &#700;utz piwi.</div><div class="s">Chaka tzucuj ka beyomal chila chicaj</div><div class="p"> 19Mi rayij i beyomal waral chuwach i jyub ta&#700;aj, man xa ca poc&#700;aric, ca pusiric, xak caquel&#700;aj ili&#700;omab chiwe. 20Are i chi &#700;ana, chi molo u chi&#700; i beyomal chila chicaj, man i chila, n-ca poc&#700;ar taj, xak n-ca pusir taj, xak n-que oc ti ili&#700;om ru&#700; quiqui maj chiwe. 21Chi c&#700;olo i beyomal chila chicaj, man pa i c&#700;olom wi i beyomal, chila &#700;uri &#700;o wi u cubibal i c&#700;ux.</div><div class="p"> 22(Chi ta u be i tzij-i:) Rumal i ba&#700;wach, coc i sak che i ch&#700;acul. We &#700;utz i ba&#700;wach, &#700;o &#700;uri i ch&#700;acul pa sak. 23Xui-ri, we ix potz&#700;, &#700;o &#700;uri i ch&#700;acul pa ekum. We qui bij yix chi &#700;o i sak pi c&#700;ux, xui-ri, we i sak chi &#700;o pi c&#700;ux xa &#700;ekum, lic &#700;ek &#700;uri i &#700;ekumal-le.</div><div class="s">N-qui rik ti Dios we xa are qui tzucuj re u wach i jyub ta&#700;aj</div><div class="p"> 24Mi jun ca tiqui che, we je &#700;o queb u patron ca chacun cu&#700;. Que&#700;elok xa jun c&#700;ax cu na&#700;o, y jun tzel crilo. Xa jun, &#700;utz u &#700;anic u chac co&#700;on che; y che i jun, n-kas ta co&#700;on cas che. N-quix tiqui ta che, we qui ya iwib chu &#700;onquil u chac i Dios, xak qui ya iwib chu molic i mer.</div><div class="p"> 25Rumal-i, mix c&#700;achir che i c&#700;aslemal, wach i qui tijo, wach i qui tu&#700;u; xak mix c&#700;achir che i &#700;u&#700;, wach i qui cojo, ch&#700;ukbal re iwij. I c&#700;aslemal, &#191;xataba xui i wa cajwax che? Xak i ch&#700;acul, &#191;xataba xui i &#700;u&#700; cajwax che? N-xui taj. 26Chi ch&#700;obo &#700;ut wach quiqui &#700;an i tz&#700;iquin chi que bin pa tew. Ique, n-ti quiqui tico, xak n-ti quiqui molo, xak n-ti quiqui c&#700;ol pu c&#700;olbal-re. Tupu n-quiqui &#700;an taj, i Kajaw yix chi &#700;o chicaj que u tzuku. Y yix lic nim ni i &#700;ij chiquiwach ique. 27We to&#700; qui c&#700;achirsaj iwib, n-ta cu chacuj. Mi jun chiwe ca tiqui chu nimarsaxic u najtil rij, tupu lic ca c&#700;achir che.</div><div class="p"> 28&#191;Wuchac quix c&#700;achir chu tzucuxic i &#700;u&#700;? Chi ch&#700;obo &#700;ut wach quiqui &#700;an i cotz&#700;ij pa tak &#700;es. Ique n-que c&#700;achir ta chu ch&#700;aquic qui &#700;u&#700;, xak mi ne u yijbaxic. 29Tupu n-quiqui &#700;an taj, lic chom qui &#700;u&#700;. Quin bij chiwe, chom ni qui &#700;u&#700; ique chuwach i u &#700;u&#700; i nim laj &#700;atol tzij mam Salomon ujer chi lic beyom. 30Queje co&#700;on i Dios ile che i cotz&#700;ij pa tak &#700;es, chi xa queb oxib &#700;ij &#700;olic: wo&#700;or c&#700;aslic, y chwek c&#700;atnak chic pa &#700;a&#700;. We ire cu ya i chom laj u &#700;u&#700; i ral cu cotz&#700;ij-le, &#191;xataba n-cu ya ta &#700;uri iwe yix? Cu ya&#700;o pues. &#161;Yix c&#700;o i rajwaxic che u cubibal i c&#700;ux che i Dios! 31We queje co&#700;on i Dios ile, mix c&#700;achir &#700;uri; mi bij &#700;ut, &#8220;&#191;Wach tak caka tijo? o &#191;wach tak caka tu&#700;u? o &#191;wach tak u cojic ka &#700;u&#700;?&#8221; 32Ni&#700;pa tak ile, are i quiqui tzucuj i to&#700; winak. P&#233;ro yix, &#700;o jun i Kajaw chicaj lic reta&#700;am wach i rajwaxic chiwe. 33Rumal-i, chi ya iwib che i &#700;utz laj &#700;atbal tzij re i Dios; chi ya iwib chu &#700;onquil wach craj ire; te&#700;uri ire cu ya na chiwe wach tak i rajwaxic chiwe. 34Mix c&#700;achir tan rumal wach i qui rik na chwek. Katzij, chwek mok &#700;o ni pen caka riko, xui-ri, mix c&#700;achir tan chu ch&#700;obic wo&#700;or; xui chi ch&#700;obo i re wo&#700;or.</div>
 </div>
 </div>
</div>

We ʼo tak i ʼutz qui ʼano, cojbal-re u ʼij i Dios, mi ʼan ile chiquiwach i winak we xa quiwaj quix quilo. We queje qui ʼan ile, n-ta qui chʼac na ʼuri ruʼ i Ta chicaj.
Rumal-i, are que i to i nibaʼib, aliʼal chi ʼana, man n-sicʼbal ta que i winak qui ʼano. Xa are sicʼbal que i winak quiqui ʼan jujun, chi lic je re i Dios quiwil yix, xui-ri, n-katzij taj. Queje quiqui ʼan ique ile pa tak molbalʼib, xak pa tak be. Are quiqui ʼan tak i ʼutz, xa are cacaj ca bix ni ʼutz chiquij. Chitapeʼ, xa are ile quiqui chʼaco, chi que ʼiltaj cumal i winak. Yix, are que i to i nibaʼib, chi ʼana che chi mi jun retaʼam wach i ʼanom, xak mi ne iwachalal. Aliʼal chi ʼana; teʼuri i Kajaw yix chi xrilo wach xi ʼano aliʼal, cu ya ni ʼutz piwi.

Yix, are qui tzʼonoj che i Dios, mi ʼano pacha quiqui ʼan i jujun chi lic je re i Dios quiwil yix, xui-ri n-katzij taj. Ique, kus quiquilo we je tacʼal chiquiwach i winak are quiqui tzʼonoj che i Dios. Queje quiqui ʼan ile pa tak ja re i molbalʼib, xak i xol tak be, man cacaj ique que ʼiltaj na cumal i winak. Chitapeʼ, xa are ile quiqui chʼaco, chi que ʼiltaj cumal i winak. Yet, are ca tzʼonoj che i Dios, chat oc bi pa ja y cha tzʼapij uchija. Teʼuri cha tzʼonoj che a Kajaw chi ʼo chila awuʼ, xui-ri, n-ca ʼiltaj tu wach. Y a Kajaw chi xrilo wach xa ʼano atuquel, cu ya ni ʼutz pawi.
Yix, are qui tzʼonoj che i Dios, mi bij uqʼuial tzij chi toʼ tzij, n-tu chac. Queje quiqui ʼan ique ile chi n-quetaʼam tu wach i Dios. Quiqui bij ique chi cu ta i Dios man qʼui i tzij quiqui bij che. Mi ʼan yix pacha quiqui ʼan ique; i Ta chicaj retaʼam wach i rajwaxic chiwe are maja qui tzʼonoj che. Rumal-i, queje iri chi tzʼonoj che:
Ka Kajaw chicaj, chocsax u ʼij a bi.
Chapetsax a ʼatbal tzij,
cha ʼana na waral chuwach i jyub taʼaj, xak jun ruʼ pacha i ca ʼani chila chicaj.
Cha ya na chake wach i caka tijo, wach i rajwaxic chake.
Cha cuyu ni ka mac, xak jun ruʼ pacha ka ʼanom yoj, chi ka cuyum ni qui mac niʼpa i je macun-nak chikij.
Ma ya chake coj tzak chupam i mac atzalal, xui-ri choj awesaj puʼab itzel.
Man yet ʼo i ʼatbal tzij paʼab; nim a choʼab, xak nim a ʼij a chomal.
At queje ile queʼe ʼij sak chawij. Amen.
(Queje ile chi tzʼonoj che i Dios.) Man yix, we i cuyum chic qui mac i juban chi qui ʼanom qui mac chiwe, xak i Kajaw yix chila chicaj xak cu cuy na i mac yix. Xui-ri, we yix n-qui cuy ti qui mac i juban, xak ire n-cu cuy ta i mac yix.

Yix, ʼolic quiwoʼtaj i waʼim qui yabej-re iwib chu tzʼonoxíc che i Dios. Are qui ʼan ile, mi ʼan che i palaj lic ca bisonic pacha quiqui ʼan i winak chi queb qui palaj. Queje quiqui ʼan ique ile, man quiquil i winak chi quiqui tij uyej rumal qui tzʼonoxic che i Dios. Chitapeʼ, xa are ile quiqui chʼaco chi que ʼiltaj cumal i winak.
Xui-ri, yix, are quiwoʼtaj i waʼim chu tzʼonoxic che i Dios, chi chʼaja i palaj, chi xiya i wi, man n-quiquil ti winak wach quix tijin chu ʼanic chuwach i Dios. I Kajaw chi n-caʼiltaj tu wach, ire crilo wach quix tijin chu ʼanic; cu ya na ʼuri i ʼutz piwi.

Mi rayij i beyomal waral chuwach i jyub taʼaj, man xa ca pocʼaric, ca pusiric, xak caquelʼaj iliʼomab chiwe. Are i chi ʼana, chi molo u chiʼ i beyomal chila chicaj, man i chila, n-ca pocʼar taj, xak n-ca pusir taj, xak n-que oc ti iliʼom ruʼ quiqui maj chiwe. Chi cʼolo i beyomal chila chicaj, man pa i cʼolom wi i beyomal, chila ʼuri ʼo wi u cubibal i cʼux.
(Chi ta u be i tzij-i:) Rumal i baʼwach, coc i sak che i chʼacul. We ʼutz i baʼwach, ʼo ʼuri i chʼacul pa sak. Xui-ri, we ix potzʼ, ʼo ʼuri i chʼacul pa ekum. We qui bij yix chi ʼo i sak pi cʼux, xui-ri, we i sak chi ʼo pi cʼux xa ʼekum, lic ʼek ʼuri i ʼekumal-le.

Mi jun ca tiqui che, we je ʼo queb u patron ca chacun cuʼ. Queʼelok xa jun cʼax cu naʼo, y jun tzel crilo. Xa jun, ʼutz u ʼanic u chac coʼon che; y che i jun, n-kas ta coʼon cas che. N-quix tiqui ta che, we qui ya iwib chu ʼonquil u chac i Dios, xak qui ya iwib chu molic i mer.
Rumal-i, mix cʼachir che i cʼaslemal, wach i qui tijo, wach i qui tuʼu; xak mix cʼachir che i ʼuʼ, wach i qui cojo, chʼukbal re iwij. I cʼaslemal, ¿xataba xui i wa cajwax che? Xak i chʼacul, ¿xataba xui i ʼuʼ cajwax che? N-xui taj. Chi chʼobo ʼut wach quiqui ʼan i tzʼiquin chi que bin pa tew. Ique, n-ti quiqui tico, xak n-ti quiqui molo, xak n-ti quiqui cʼol pu cʼolbal-re. Tupu n-quiqui ʼan taj, i Kajaw yix chi ʼo chicaj que u tzuku. Y yix lic nim ni i ʼij chiquiwach ique. We toʼ qui cʼachirsaj iwib, n-ta cu chacuj. Mi jun chiwe ca tiqui chu nimarsaxic u najtil rij, tupu lic ca cʼachir che.
¿Wuchac quix cʼachir chu tzucuxic i ʼuʼ? Chi chʼobo ʼut wach quiqui ʼan i cotzʼij pa tak ʼes. Ique n-que cʼachir ta chu chʼaquic qui ʼuʼ, xak mi ne u yijbaxic. Tupu n-quiqui ʼan taj, lic chom qui ʼuʼ. Quin bij chiwe, chom ni qui ʼuʼ ique chuwach i u ʼuʼ i nim laj ʼatol tzij mam Salomon ujer chi lic beyom. Queje coʼon i Dios ile che i cotzʼij pa tak ʼes, chi xa queb oxib ʼij ʼolic: woʼor cʼaslic, y chwek cʼatnak chic pa ʼaʼ. We ire cu ya i chom laj u ʼuʼ i ral cu cotzʼij-le, ¿xataba n-cu ya ta ʼuri iwe yix? Cu yaʼo pues. ¡Yix cʼo i rajwaxic che u cubibal i cʼux che i Dios! We queje coʼon i Dios ile, mix cʼachir ʼuri; mi bij ʼut, “¿Wach tak caka tijo? o ¿wach tak caka tuʼu? o ¿wach tak u cojic ka ʼuʼ?” Niʼpa tak ile, are i quiqui tzucuj i toʼ winak. Péro yix, ʼo jun i Kajaw chicaj lic retaʼam wach i rajwaxic chiwe. Rumal-i, chi ya iwib che i ʼutz laj ʼatbal tzij re i Dios; chi ya iwib chu ʼonquil wach craj ire; teʼuri ire cu ya na chiwe wach tak i rajwaxic chiwe. Mix cʼachir tan rumal wach i qui rik na chwek. Katzij, chwek mok ʼo ni pen caka riko, xui-ri, mix cʼachir tan chu chʼobic woʼor; xui chi chʼobo i re woʼor.

Слушайте Mateo 6