If you have would like a copy of this version please contact info@davarpartners.org

The Kimeru Old Testament

<div class="version vid2929 iso6393mer" data-vid="2929" data-iso6393="mer">
 <div class="book bkGEN">
 <div class="chapter ch17" data-usfm="GEN.17">
 <div class="label">17</div><div class="s">R&#251;taano r&#251;r&#238; rwano rwa k&#238;r&#238;kan&#238;ro</div><div class="p"> 1R&#238;r&#238;a Abramu aakiny&#238;rie &#251;k&#251;r&#251; bwa m&#238;aka m&#238;rongo kenda na kenda, MWATHANI n&#238; aamuum&#238;r&#238;&#238;re aramw&#238;ra at&#238;r&#238;, &#8220;Ni n&#238; ni M&#251;rungu Mweneinya. T&#251;&#251;raga &#251;k&#238;thithagia wendi bwaakwa na &#251;karage &#251;r&#238; &#251;mwag&#238;ru. 2Naani ngeeka k&#238;r&#238;kan&#238;ro g&#238;aakwa naagwe, na nthegeyie nchiarwa ciaaku mono.&#8221; 3R&#238;u Abramu areenam&#238;&#238;ria mwanka nth&#238;. M&#251;rungu aramw&#238;ra, 4&#8220;At&#238;r&#238;, ngw&#238;ka k&#238;r&#238;kan&#238;ro naagwe. Gwe &#251;kaa &#238;the wa m&#238;gongo &#238;miing&#238;. 5#Aro 4.17 Naagwe &#251;t&#238;tua gw&#238;tagwa Abramu ka&#238;r&#238;. Kuuma nand&#238; &#251;geetagwa Abrahamu, n&#238;kw&#238;th&#238;rwa n&#238; nkweethetie &#238;the wa m&#238;gongo &#238;miing&#238;. 6Naani ngat&#251;ma &#251;g&#238;e na nchiarwa inyiing&#238; na nt&#251;me m&#238;gongo &#238;miing&#238; yume k&#238;r&#238; gwe, na anene bakaumania naagwe. 7#Luk 1.55 Nkaarikithia k&#238;r&#238;kan&#238;ro g&#238;aakwa naagwe na nk&#238;rikithie na nchiarwa ciaaku nthuk&#238;&#238;ne ciaao cionthe, k&#238;ee k&#238;r&#238;kan&#238;ro g&#238;a kenya na kenya. Nkaa M&#251;rungu waaku na wa nchiarwa ciaaku. 8#Maj 7.5 Ngakwaa nth&#238;g&#251;r&#251; ya Kanaani yonthe, &#238;r&#238;a &#251;tw&#238;re &#251;r&#238; m&#251;geni, yee yaaku na mpe nchiarwa ciaaku yo &#238;r&#238; kiigai g&#238;a kenya na kenya, naani nkaa M&#251;rungu waao.&#8221;</div><div class="p"> 9Ning&#238; M&#251;rungu areera Abrahamu at&#238;r&#238;, &#8220;Gwe na nchiarwa ciaaku b&#251;gaat&#251;&#251;ra bw&#238;k&#238;te k&#238;r&#238;kan&#238;ro g&#238;aakwa nthuk&#238;&#238;ne cionthe. 10#Maj 7.8; Aro 4.11 G&#238;k&#238; n&#238;k&#238;o k&#238;r&#238;kan&#238;ro g&#238;aakwa k&#238;r&#238;a &#251;geeka gat&#238;gat&#238; gaakwa naagwe na nchiarwa ciaaku: at&#238; aana beenu ba t&#251;&#238;j&#238; bonthe bataanagwe. 11B&#251;r&#238;tua g&#251;taanagwa, naru r&#251;taano r&#251;u r&#251;kaa rwano rwa k&#238;r&#238;kan&#238;ro g&#238;aakwa naabu&#238;. 12O ka&#238;j&#238; no mwanka gataanagwe gaakinyia ntuk&#251; inyaanya kuuma gaaciarwa. Thithagieni &#251;u nthuk&#238;&#238;ne cieenu cionthe. Kinya nkombo ir&#238;a iciar&#238;ri m&#251;ci&#238; jwaaku, kana ir&#238;a &#238;g&#251;ri na mbeecha kuuma k&#238;r&#238; munt&#251; &#251;t&#238; wa r&#251;r&#238;&#238;jo rwaaku, 13no mwanka itaanagwe kinya ci&#235;eth&#238;rwa ir&#238; cia g&#251;ciar&#238;rwa m&#251;ci&#238; jwaaku kana cia k&#251;g&#251;ra na mbeecha. Tont&#251; b&#251;&#251;, rwano r&#251;u r&#251;gaakaraga m&#238;&#238;r&#238;&#238;ne yeenu r&#251;r&#238; rwa kwonanagia at&#238; k&#238;r&#238;kan&#238;ro g&#238;aakwa naabu&#238; n&#238; g&#238;a kenya na kenya. 14O ntom&#251;r&#251;me wonthe &#251;r&#238;a &#251;t&#238;taani, no mwanka eengwe atige g&#251;t&#251;&#251;ra amwe na ant&#251; baao n&#238;&#251;nt&#251; at&#238;&#238;k&#238;te k&#238;r&#238;kan&#238;ro g&#238;aakwa.&#8221;</div><div class="p"> 15Ning&#238; M&#251;rungu n&#238; eer&#238;re Abrahamu at&#238;r&#238;, &#8220;Mwek&#251;r&#251; waaku Sarai, &#251;t&#238;coka k&#251;mw&#238;taga Sarai ka&#238;r&#238;. Kuuma nand&#238; ri&#238;twa r&#238;aawe n&#238; Sara. 16Nkaam&#251;tharima na ngakwaa ka&#238;j&#238; kuumania nawe. Nkaam&#251;tharima aee ng'ina wa m&#238;gongo, nabo anene ba m&#238;gongo bakaumania nawe.&#8221; 17R&#238;u Abrahamu areenam&#238;&#238;ria mwanka nth&#238; ak&#238;thekaga, ag&#238;ci&#251;ragia na nkoro at&#238;r&#238;, &#8220;M&#251;k&#251;r&#251; wa m&#238;aka &#238;gana r&#238;, oomba k&#251;g&#238;a na kaana? A-Sara we r&#238;, ntindiri ya m&#238;aka m&#238;rongo kenda, kwomb&#238;ka &#238;kag&#238;a na mwana?&#8221; 18Abrahamu areera M&#251;rungu at&#238;r&#238;, &#8220;It&#251; &#238;t&#238;k&#238;&#238;ria Ishimaeli aee m&#251;r&#238;a&#251;kua waakwa!&#8221; 19&#206;nd&#238; M&#251;rungu aramw&#238;ra at&#238;r&#238;, &#8220;G&#251;t&#238; nkaanja, mwek&#251;r&#251; waaku Sara agaaciara ka&#238;j&#238;, naagwe &#251;gaageeta Isaaka. Naani nkaarikithia k&#238;r&#238;kan&#238;ro g&#238;aakwa nawe k&#238;ee k&#238;r&#238;kan&#238;ro g&#238;a nchiarwa ciaawe kenya na kenya. 20Ning&#238; mant&#251;&#251;ne jegi&#238; Ishimaeli, nd&#238;kwigua &#251;r&#238;a wauga. Nkaam&#251;tharima, aciarane na athegee mono. Akaa &#238;the wa anene &#238;k&#251;mi na ba&#238;r&#238;, na nkaamwethia m&#251;gongo j&#251;m&#251;nene. 21&#206;nd&#238; &#251;r&#238;a nkaarikithia k&#238;r&#238;kan&#238;ro g&#238;aakwa nawe n&#238; Isaaka, &#251;r&#238;a Sara agaaciara mwaka j&#251;u j&#251;ng&#238; &#238;giita o ta r&#238;r&#238;.&#8221; 22M&#251;rungu ar&#238;&#238;kia kwaria na Abrahamu araci&#238;t&#238;ra.</div><div class="p"> 23Ntuk&#251; o &#238;&#238;u, Abrahamu araj&#251;kia mwana waawe Ishimaeli na ar&#251;me bonthe bar&#238;a baar&#238; nkombo ir&#238;a ciaaciar&#238;r&#238;&#238;twe m&#251;ci&#238; jwaawe na ir&#238;a aag&#251;r&#238;te na mbeecha ciaawe. Arabataana bonthe o ta &#251;r&#238;a M&#251;rungu aamw&#238;r&#238;te. 24Abrahamu aar&#238; na &#251;k&#251;r&#251; bwa m&#238;aka m&#238;rongo kenda na kenda r&#238;r&#238;a aataan&#238;rwe. 25M&#251;taana waawe Ishimaeli aataan&#238;rwe ar&#238; na &#251;k&#251;r&#251; bwa m&#238;aka &#238;k&#251;mi na &#238;that&#251;. 26Abrahamu na m&#251;taana waawe Ishimaeli baataan&#238;rwe ntuk&#251; &#238;mwe. 27Ant&#251;ar&#251;me bonthe bar&#238;a baar&#238; nkombo ir&#238;a ciaaciar&#238;r&#238;&#238;twe m&#251;ci&#238; jwaawe na ir&#238;a aag&#251;r&#238;te na mbeecha kuuma k&#238;r&#238; ant&#251; ba m&#238;gongo &#238;ng&#238; baataanan&#238;&#238;rue nawe.</div><div class="s">MWATHANI k&#251;rikithia w&#238;rane bwaawe at&#238; Abrahamu akaag&#238;a na ka&#238;j&#238;</div>
 </div>
 </div>
</div>

KIMERU BIBLE WITH DC  ©Bible Society of Kenya, 2009, 218

Rîrîa Abramu aakinyîrie ûkûrû bwa mîaka mîrongo kenda na kenda, MWATHANI nî aamuumîrîîre aramwîra atîrî, “Ni nî ni Mûrungu Mweneinya. Tûûraga ûkîthithagia wendi bwaakwa na ûkarage ûrî ûmwagîru. Naani ngeeka kîrîkanîro gîaakwa naagwe, na nthegeyie nchiarwa ciaaku mono.” Rîu Abramu areenamîîria mwanka nthî. Mûrungu aramwîra, “Atîrî, ngwîka kîrîkanîro naagwe. Gwe ûkaa îthe wa mîgongo îmiingî. Naagwe ûtîtua gwîtagwa Abramu kaîrî. Kuuma nandî ûgeetagwa Abrahamu, nîkwîthîrwa nî nkweethetie îthe wa mîgongo îmiingî. Naani ngatûma ûgîe na nchiarwa inyiingî na ntûme mîgongo îmiingî yume kîrî gwe, na anene bakaumania naagwe. Nkaarikithia kîrîkanîro gîaakwa naagwe na nkîrikithie na nchiarwa ciaaku nthukîîne ciaao cionthe, kîee kîrîkanîro gîa kenya na kenya. Nkaa Mûrungu waaku na wa nchiarwa ciaaku. Ngakwaa nthîgûrû ya Kanaani yonthe, îrîa ûtwîre ûrî mûgeni, yee yaaku na mpe nchiarwa ciaaku yo îrî kiigai gîa kenya na kenya, naani nkaa Mûrungu waao.”
Ningî Mûrungu areera Abrahamu atîrî, “Gwe na nchiarwa ciaaku bûgaatûûra bwîkîte kîrîkanîro gîaakwa nthukîîne cionthe. Gîkî nîkîo kîrîkanîro gîaakwa kîrîa ûgeeka gatîgatî gaakwa naagwe na nchiarwa ciaaku: atî aana beenu ba tûîjî bonthe bataanagwe. Bûrîtua gûtaanagwa, naru rûtaano rûu rûkaa rwano rwa kîrîkanîro gîaakwa naabuî. O kaîjî no mwanka gataanagwe gaakinyia ntukû inyaanya kuuma gaaciarwa. Thithagieni ûu nthukîîne cieenu cionthe. Kinya nkombo irîa iciarîri mûciî jwaaku, kana irîa îgûri na mbeecha kuuma kîrî muntû ûtî wa rûrîîjo rwaaku, no mwanka itaanagwe kinya ciëethîrwa irî cia gûciarîrwa mûciî jwaaku kana cia kûgûra na mbeecha. Tontû bûû, rwano rûu rûgaakaraga mîîrîîne yeenu rûrî rwa kwonanagia atî kîrîkanîro gîaakwa naabuî nî gîa kenya na kenya. O ntomûrûme wonthe ûrîa ûtîtaani, no mwanka eengwe atige gûtûûra amwe na antû baao nîûntû atîîkîte kîrîkanîro gîaakwa.”
Ningî Mûrungu nî eerîre Abrahamu atîrî, “Mwekûrû waaku Sarai, ûtîcoka kûmwîtaga Sarai kaîrî. Kuuma nandî riîtwa rîaawe nî Sara. Nkaamûtharima na ngakwaa kaîjî kuumania nawe. Nkaamûtharima aee ng'ina wa mîgongo, nabo anene ba mîgongo bakaumania nawe.” Rîu Abrahamu areenamîîria mwanka nthî akîthekaga, agîciûragia na nkoro atîrî, “Mûkûrû wa mîaka îgana rî, oomba kûgîa na kaana? A-Sara we rî, ntindiri ya mîaka mîrongo kenda, kwombîka îkagîa na mwana?” Abrahamu areera Mûrungu atîrî, “Itû îtîkîîria Ishimaeli aee mûrîaûkua waakwa!” Îndî Mûrungu aramwîra atîrî, “Gûtî nkaanja, mwekûrû waaku Sara agaaciara kaîjî, naagwe ûgaageeta Isaaka. Naani nkaarikithia kîrîkanîro gîaakwa nawe kîee kîrîkanîro gîa nchiarwa ciaawe kenya na kenya. Ningî mantûûne jegiî Ishimaeli, ndîkwigua ûrîa wauga. Nkaamûtharima, aciarane na athegee mono. Akaa îthe wa anene îkûmi na baîrî, na nkaamwethia mûgongo jûmûnene. Îndî ûrîa nkaarikithia kîrîkanîro gîaakwa nawe nî Isaaka, ûrîa Sara agaaciara mwaka jûu jûngî îgiita o ta rîrî.” Mûrungu arîîkia kwaria na Abrahamu araciîtîra.
Ntukû o îîu, Abrahamu arajûkia mwana waawe Ishimaeli na arûme bonthe barîa baarî nkombo irîa ciaaciarîrîîtwe mûciî jwaawe na irîa aagûrîte na mbeecha ciaawe. Arabataana bonthe o ta ûrîa Mûrungu aamwîrîte. Abrahamu aarî na ûkûrû bwa mîaka mîrongo kenda na kenda rîrîa aataanîrwe. Mûtaana waawe Ishimaeli aataanîrwe arî na ûkûrû bwa mîaka îkûmi na îthatû. Abrahamu na mûtaana waawe Ishimaeli baataanîrwe ntukû îmwe. Antûarûme bonthe barîa baarî nkombo irîa ciaaciarîrîîtwe mûciî jwaawe na irîa aagûrîte na mbeecha kuuma kîrî antû ba mîgongo îngî baataananîîrue nawe.

Слушайте Kîam 17