Malay, Papuan

<div class="version vid2690 iso6393pmy" data-vid="2690" data-iso6393="pmy">
 <div class="book bkGEN">
 <div class="chapter ch4" data-usfm="GEN.4">
 <div class="label">4</div><div class="s">Kain deng Habel</div><div class="sr"> 4:1-16</div><div class="p"> 1Adam deng de pu istri Hawa tidur sama-sama, trus Hawa hamil. Hawa de lahir anak laki-laki satu. Trus de bilang begini, &#8220;TUHAN su tolong sa sampe sa bisa dapat anak laki-laki satu.&#8221; Itu yang, de kas nama anak itu Kain.#4:1 Kain &#8210; Nama ini pu arti &#699;dapat.&#700; 2Habis itu, Hawa de lahir anak laki-laki satu lagi, Kain pu ade. De kas nama anak itu Habel. Dong dua su besar trus Habel de pu kerja tu jaga liat kambing domba, baru Kain de pu kerja tu bikin kebun.</div><div class="p"> 3Satu kali begini, Kain de bawa de pu hasil kebun sbagian untuk jadi de pu persembahan ke TUHAN. 4Habel juga, de potong kambing domba pu anana pertama brapa, baru ambil dong pu bagian lemak-lemak yang paling bagus ni untuk jadi de pu persembahan ke TUHAN. TUHAN snang trima Habel deng de pu persembahan. 5Tapi TUHAN tra trima Kain deng de pu persembahan. Jadi, Kain de su tabakar emosi. De su bikin muka tra baik suda.</div><div class="p"> 6Trus, TUHAN bilang ke Kain,</div><div class="pi2">&#8220;Knapa ko bikin muka tra baik begitu? Knapa ko emosi skali? 7Kalo ko bikin yang baik, ko pasti senyum. Tapi kalo ko bikin yang tra baik, dosa de ada tunggu ko. De siap mo srang trus tarik ko supaya masuk dalam de pu kuasa. Tapi ko harus kuat lawan de supaya ko yang pegang kuasa.&#8221;</div><div class="p"> 8Skarang begini, Kain de pigi bilang ke de pu ade Habel, &#8220;We... mari tong dua pigi kluar.&#8221; Pas dong dua di daera sepi tempat rumput saja, kaget begini Kain de srang de pu ade trus bunu de mati.#Matius 23:35; Lukas 11:51; 1 Yohanes 3:12 </div><div class="p"> 9Trus TUHAN tanya Kain, &#8220;Kain, ko pu ade Habel ada dimana?&#8221;</div><div class="p">Kain de jawab, &#8220;Tratau. Memang sa ini de pu penjaga ka?&#8221;</div><div class="p"> 10TUHAN bicara lagi,</div><div class="pi2">&#8220;Knapa ko bikin begitu? Ko pu ade pu dara ada triak dari tana, de minta Sa untuk balas ke orang yang su bunu dia. 11Tana ini yang su buka de pu mulut, su tada ko pu ade pu dara dari ko pu tangan. Jadi mulai dari skarang ko dapat kutuk tra bole tinggal di tana ini lagi. 12Trus kalo ko coba tanam apa saja, tana trakan kas kluar hasil. Nanti ko trakan tinggal di satu tempat, ko jadi orang yang tratau mo kemana di bumi ini.&#8221;</div><div class="p"> 13Trus Kain jawab ke TUHAN,</div><div class="pi2">&#8220;Adu TUHAN, hukuman itu brat skali ka, sa tra bisa. 14TUHAN su usir sa dari tana ini trus sa juga harus jau dari TUHAN. Su begitu, sa juga trakan tinggal di satu tempat baru tratau mo kemana di bumi ini. Kalo ada yang ketemu sa, nanti de pasti bunu saya.&#8221;</div><div class="p"> 15Tapi TUHAN jawab de begini, &#8220;Trakan. Kalo ada yang bunu ko, de nanti dapa balas sampe tuju kali lipat.&#8221; Habis itu, TUHAN kasi tanda di Kain dia, supaya sapa saja yang ketemu de, trakan bunu dia. 16Jadi suda, Kain de pigi jau dari TUHAN trus de hidup di tana Nod.#4:16 Nod &#8210; Nama ini pu arti &#699;jalan yang tratau mo kemana.&#700; Tana itu ada di bagian timur taman Eden.</div><div class="s">Kain pu anana cucu</div><div class="sr"> 4:17-24</div><div class="p"> 17Skarang begini, Kain de tidur deng de pu istri. De pu istri hamil trus lahir anak laki-laki satu. Anak itu pu nama Henok. Trus Kain de bangun kota satu baru kas nama kota itu deng de pu anak pu nama. 18Henok juga pu anak yang de nama Irad. Irad juga pu anak yang nama Mehuyael. Mehuyael juga pu anak yang nama Metusael. Metusael juga pu anak yang nama Lamek.</div><div class="p"> 19Lamek de pu istri ada dua. Yang satu de pu nama Adah, trus yang satu lagi de pu nama Zila. 20De pu istri Adah ni lahir anak yang nama Yabal. Yabal ni orang pertama yang kerja jaga-jaga binatang piara deng tinggal dalam tenda. 21Yabal pu ade nama Yubal. Yubal ini orang pertama yang main alat musik kecapi deng suling. 22Lamek pu istri Zila juga lahir anak yang nama Tubal-Kain. Tubal-Kain ni yang jadi tukang tembaga deng besi. Tubal-Kain de ada ade prempuan yang nama Naama.</div><div class="p"> 23Satu kali begini, Lamek de bicara deng de pu istri dua ni begini,</div><div class="q1">&#8220;Adah deng Zila, kam dengar yang sa mo bilang ini,</div><div class="q2">kam dua pasang tlinga baik-baik!</div><div class="q1">Ada anak muda satu de mo kas luka saya,</div><div class="q2">anak kecil baru, de mo kas lecet saya,</div><div class="q2">sa su bunu dia.</div><div class="q1"> 24Kalo untuk Kain, orang yang su bunu de nanti dapa balas tuju kali lipat,</div><div class="q2">brarti untuk Lamek, 77 kali lipat.&#8221;</div><div class="s">Set lahir</div><div class="sr"> 4:25-26</div><div class="p"> 25Adam deng de pu istri Hawa dong tidur sama-sama lagi, trus de pu istri hamil baru lahir anak laki-laki satu. Hawa bilang begini, &#8220;Allah su kasi anak laki-laki satu lagi ke sa, untuk ganti Habel yang Kain su bunu.&#8221; Dari situ yang Hawa kas nama anak itu Set.#4:25 Set &#8210; Nama ini pu arti &#699;su kasi.&#700; 26Set juga pu anak, yang de kas nama Enos. Di Enos pu jaman baru orang-orang dong mulai semba TUHAN.#4:26 TUHAN &#8210; Ada yang bilang kalo ini de pu maksud dong mulai semba Allah pake De pu nama, Yahweh. Di terjemahan ini tong pake &#699;TUHAN&#700; untuk Yahweh.</div>
 </div>
 </div>
</div>

Adam deng de pu istri Hawa tidur sama-sama, trus Hawa hamil. Hawa de lahir anak laki-laki satu. Trus de bilang begini, “TUHAN su tolong sa sampe sa bisa dapat anak laki-laki satu.” Itu yang, de kas nama anak itu Kain. Habis itu, Hawa de lahir anak laki-laki satu lagi, Kain pu ade. De kas nama anak itu Habel. Dong dua su besar trus Habel de pu kerja tu jaga liat kambing domba, baru Kain de pu kerja tu bikin kebun.
Satu kali begini, Kain de bawa de pu hasil kebun sbagian untuk jadi de pu persembahan ke TUHAN. Habel juga, de potong kambing domba pu anana pertama brapa, baru ambil dong pu bagian lemak-lemak yang paling bagus ni untuk jadi de pu persembahan ke TUHAN. TUHAN snang trima Habel deng de pu persembahan. Tapi TUHAN tra trima Kain deng de pu persembahan. Jadi, Kain de su tabakar emosi. De su bikin muka tra baik suda.
Trus, TUHAN bilang ke Kain,
“Knapa ko bikin muka tra baik begitu? Knapa ko emosi skali? Kalo ko bikin yang baik, ko pasti senyum. Tapi kalo ko bikin yang tra baik, dosa de ada tunggu ko. De siap mo srang trus tarik ko supaya masuk dalam de pu kuasa. Tapi ko harus kuat lawan de supaya ko yang pegang kuasa.”
Skarang begini, Kain de pigi bilang ke de pu ade Habel, “We... mari tong dua pigi kluar.” Pas dong dua di daera sepi tempat rumput saja, kaget begini Kain de srang de pu ade trus bunu de mati.
Trus TUHAN tanya Kain, “Kain, ko pu ade Habel ada dimana?”
Kain de jawab, “Tratau. Memang sa ini de pu penjaga ka?”
TUHAN bicara lagi,
“Knapa ko bikin begitu? Ko pu ade pu dara ada triak dari tana, de minta Sa untuk balas ke orang yang su bunu dia. Tana ini yang su buka de pu mulut, su tada ko pu ade pu dara dari ko pu tangan. Jadi mulai dari skarang ko dapat kutuk tra bole tinggal di tana ini lagi. Trus kalo ko coba tanam apa saja, tana trakan kas kluar hasil. Nanti ko trakan tinggal di satu tempat, ko jadi orang yang tratau mo kemana di bumi ini.”
Trus Kain jawab ke TUHAN,
“Adu TUHAN, hukuman itu brat skali ka, sa tra bisa. TUHAN su usir sa dari tana ini trus sa juga harus jau dari TUHAN. Su begitu, sa juga trakan tinggal di satu tempat baru tratau mo kemana di bumi ini. Kalo ada yang ketemu sa, nanti de pasti bunu saya.”
Tapi TUHAN jawab de begini, “Trakan. Kalo ada yang bunu ko, de nanti dapa balas sampe tuju kali lipat.” Habis itu, TUHAN kasi tanda di Kain dia, supaya sapa saja yang ketemu de, trakan bunu dia. Jadi suda, Kain de pigi jau dari TUHAN trus de hidup di tana Nod. Tana itu ada di bagian timur taman Eden.


Skarang begini, Kain de tidur deng de pu istri. De pu istri hamil trus lahir anak laki-laki satu. Anak itu pu nama Henok. Trus Kain de bangun kota satu baru kas nama kota itu deng de pu anak pu nama. Henok juga pu anak yang de nama Irad. Irad juga pu anak yang nama Mehuyael. Mehuyael juga pu anak yang nama Metusael. Metusael juga pu anak yang nama Lamek.
Lamek de pu istri ada dua. Yang satu de pu nama Adah, trus yang satu lagi de pu nama Zila. De pu istri Adah ni lahir anak yang nama Yabal. Yabal ni orang pertama yang kerja jaga-jaga binatang piara deng tinggal dalam tenda. Yabal pu ade nama Yubal. Yubal ini orang pertama yang main alat musik kecapi deng suling. Lamek pu istri Zila juga lahir anak yang nama Tubal-Kain. Tubal-Kain ni yang jadi tukang tembaga deng besi. Tubal-Kain de ada ade prempuan yang nama Naama.
Satu kali begini, Lamek de bicara deng de pu istri dua ni begini,
“Adah deng Zila, kam dengar yang sa mo bilang ini,
kam dua pasang tlinga baik-baik!
Ada anak muda satu de mo kas luka saya,
anak kecil baru, de mo kas lecet saya,
sa su bunu dia.
Kalo untuk Kain, orang yang su bunu de nanti dapa balas tuju kali lipat,
brarti untuk Lamek, 77 kali lipat.”


Adam deng de pu istri Hawa dong tidur sama-sama lagi, trus de pu istri hamil baru lahir anak laki-laki satu. Hawa bilang begini, “Allah su kasi anak laki-laki satu lagi ke sa, untuk ganti Habel yang Kain su bunu.” Dari situ yang Hawa kas nama anak itu Set. Set juga pu anak, yang de kas nama Enos. Di Enos pu jaman baru orang-orang dong mulai semba TUHAN.

Слушайте Kejadian 4