maintained by the British and Foreign Bible Society

Iei-su ngúong răn ba làeo dù uèn, dsi zên băi săng bŏ, tu dĭ dı̍ mă dà̱ng.
Iei-su uăe ba̱̍k suăn sa̍o di nào.
Dù uèn bí̱p ndăng shĭ li fù, i̍n uĕi kuèh mbĕn shĭ kùeh sa̍o dı̍.
Dù uèn gie̱̍t dsŏ̤ shĭ li fù, ı̍n uĕi sa̍o dı̍ lâi ndai dsúai dsŏ̤.
Dù uèn uò we̍n shĭ li fù, ı̍n uĕi sa̍o di̍ lâi ndai bò̤ng nám.
Dù uèn ngáe kó rĕ ndĭ, lûm ye̍k lûm râu iàng ndiăo, shĭ li fù, i̍n uĕi sa̍o di̍ lâi ndai yı̍m.
Dù uèn ràk dâ shĭ li fù, ı̍n uĕi sa̍o dı̍ lâi ndai ràk dâ.
Dù uèn dsò̤ sâeo shĭ li fù, ı̍n uĕi sa̍o dı̍ lâi răn Sâng-dî.
Dù uèn gĭ̱n sa̍o ndák dung hó shĭ li fù, ı̍n uĕi sa̍o dı̍ lâi dàe kó lèk Sâng-dî.
Dù uèn uĕi kó ndĭ dò̤k za̍i shĭ li fù, ı̍n uĕi̍ kùeh mbĕn shĭ kùeh sa̍o di̍.
Nò dù uèn uĕi kên ngen ku̍ víeh ka̍i su̍, za̍i ka̍i su̍, dsi̍n dsá kâng su̍ da̍ng iàng mì ndĭ, Ka̍i su̍ li fù liao.
Nên ka̍i a̱̍ng rĭu wŭng kuo̍ng, in uĕi̍ ka̍i su̍ dso̍ săng mbĕn lâi ndai sáng ndu̍m, bu ro ko̍an dso̍ koa̍n su̍, iei shĭ iàng ni dò̤k dù uèn za̍i.
Ka̍i su̍ shĭ kŭ săng bò̤ng, kŭ nò dók liao uêi dâu, ku̍ yu̍ dái nda̍ng? shĭ mì dsu̍ng iûng, mì mié̱n vì̱t dso̍ báe rúok dò̤k dù uèn ndia̍k liao.
Ka̍i su̍ shĭ dûong săng bò̤ng, ndăn dsŭ yu̍ dso̍ săng bŏ shĭ mì ndai dsăm ko̤.
Dù uèn dăm dĕng mì laéo dso̍ dî dau, láeo dso̍ săng dsà̱ng dĕng, dsi ruóng dù uèn ndăeo rà̱n.
Duông ka̍i su̍ mâe iàng ni ruóng dso̍ ko̍an dù uèn, zâeo dù uèn, nguóng răn rĕ ndĭ ka̍i su̍, dsîu yŏ dàe Bó ka̍i su̍ dso̍ săng mbĕn.
Niâo dsĭm ku̍ mă shĭ lâi váe lì fà rò̤ng mâ̱n da̍o bu ro ko̍an, ku̍ mì shĭ mă váe, shĭ aŏ bàn dsài liao.
Ku̍ lăng ka̍i su̍ nào dsi̍ng, dà̱ng mbĕn nám mì li liao, lì fà dsák ndĭao mát ndĭao du̍ng mì ndai váe, liao sia̍o lâi bàn dsài liao.
Dù uèn nò văn náng kâe míng ni diào ndiăo na̍e, iei iàng dı̍ suăn dù uèn, váng dı̍ dso̍ kuèh mbĕn so̱̍n na̍e bu dé, dù uèn dàeo kâe míng suăn kâe míng, váng dı̍ dso̍ kuèh mbĕn so̤̍n ndu̍m.
Ku̍ lăng su̍ nào, rĕ ndĭ ka̍i su̍ nò dák mì ku̍a rĕ ndĭ bu kó sĕ rò̤ng bu Fa-li-sai, súng mì ndai dsít băi kuèh mbĕn.
Kái su̍ ndai nyĭ li zâo mbăi bu raú koán nào, niâng kâ̱ dù uèn, váng laèo kâ̱ dù uèn lâi za̍m dı̍ sû shin.
Ku̍ da̍u lăng ka̍i su̍ nào, dù uèn mì kên mì ngen lăng nuong dung gĭ, iei lâi za̍m dı̍ sû shin, váng laèo viéh nuong shĭ bu wa, lâi dò̤k dsa lau zàm, váng laèo nào lèk nuòng ni, laŭ lâi dà̱ng ndăeo vì dî yù.
Kái su̍ nò ı̍n lèk mâ̱n dsó săng tan, gı̍ ndai mèng dèh sŭei nuong,
Dsîu dô lèk mâ̱n dso̍ do̍ nâ tan, rò̤ng nuong kâng ndĭ dso̍ ko̍an, ku̍a lăng mă ı̍n lèk mâ̱n mèng.
Li dù uèn lâi ka̍u mèng, suŏng uèn su̍ dái dso̍ săng kă̱ răn, zăn náe rò̤ng dı̍ hò ndĭ, gíp ndai suo̍ng mèng dà̱ng kuŏ̤n, kuŏ̤n gîu zâeo bu dsâe ăo mèng sû dso̍ ndăeo làu.
Ku̍ lăng mèng nào dsi̍ng, và̱n ndĭao lì ndĭao dái ví béng liao, mèng mı̍ ndai mă ruók.
Ka̍i su̍ ndai nyĭ li za̍o mbăi bu ráu koa̍n nào, niâng dung lé.
Ku̍ da̍u lăng ka̍i su̍ nào, dù uèn nguo̍ng răn dsa iá re̍n dsŏ̤ lé dı̍, váng dı̍ ndăeo dsŏ̤ lé dı̍ băi liao.
Dă̱ kùa mèng zâeo mèng vă̱n rĕ, dsi mbét mă rúok vì̱t dô, nen dsá dók liao dsúong ndĭao, gíp ndai liao ndăng vì̱t dso̍ dî yù.
Vèng kùa mèng zâeo mèng vă̱n rĕ, dsi ram mă lâ vì̱t dô, nen dsá dók liao za vèng ndiăo, gíp ndai liao ndăng băi dà̱ng ndăeo dî yù.
Li za̍o nào, dù uèn dô iá mâe aŏ sĕ dô zâeo dı̍.
Ku̍ dâu lăng ka̍i su̍ nào, dù uèn dô iá, mì shĭ uĕi ìn iu, dsîu shĭ zâeo dí và̱n dung lé, váng làeo dsu iá dò̤k dô iei shĭ vă̱n dung lé.
Ka̍i su̍ ndai nyĭ za̍o mbăi̍ bu ráu koa̍n nào, mèng dăn, niâng ka bî̱n, duĕi Sû dăn, dsi mâe dàeo.
Ku̍ da̍u lăng ka̍i su̍ nào, súng niâng dăn, niâng vi mbĕn dăn, uĕi ndăn mbĕn shĭ lia̍ng ráng Sâng-dî.
Niâng vi nám dăn uĕi dî nám shĭ dĭn da̍ng Sâng-dî, iei niâng vi Iei-lu-sa-len dăn, wĕi Iei-lu-sa-len shĭ dsŭ gĭm uùng ndu̍m.
Niâng vi mào kâu mèng dăn, uĕi sân bĕn kâu ndĭao mèng mì ndai bı̱̍n uan bı̱̍n zău.
Ka̍i su̍ nào za̍o, shĭ, dsîu nào shĭ, mì shĭ, dsîu nào mì shĭ, nò dáe lăe kâng dsîu shĭ sung ka̍i ya̍k wo̍k mă.
Ka̍i su̍ ndai nyĭ li za̍o nào, dsúong dă béng dsúong dă̱, dsa vàn béng àsa vàn.
Ku̍ da̍u lăng ka̍i su̍ nào, niâng lăng ka̍i ya̍k kó kâu duái, dù uèn dua̍i bung nâ báe kùa, mèng bung nâ báe suei iei dsı̱̍n da̍u mă dô dı̍ du̍ai.
Li dù uèn lâi ka̍u mèng dsĭm lâi duàt bú dsá ı̍ mèng, rò̤ng bú ràe iei dô dı̍ ăo băi.
Li dù uèn kám mèng băi lí răn ndiăo, mèng rò̤ng dı̍ băi suŏng lí.
Li bu chiu mèng dsi zâeo dı̍, li bu rò̤ng mèng yĭm, mèng nîang dsâ̱ng ya̍k.
Ka̍i su̍ ndai nyĭ li za̍o nào, mèng mâe ngáe sáu dù mèng, zĕn kâu kàu mèng.
Ku̍ da̍u lăng ka̍i su̍ nào, kâu kàu ka̍i su̍ mâe ngáe dı̍, bu záp suĕi ka̍i su̍ uĕi sa̍o dı̍ chiu fù, bu zĕn ka̍i su̍ mâe dò̤ sa̍o dı̍ ndĭ, bu viéh ka̍i su̍, zàm za̍i ka̍i su̍, mâe uĕi sa̍o dı̍ dáo kâu.
Iàng ni kʼó ı̍ ko lèk Bó mèng dso̍ săng mbĕn, ı̍n uĕi Bó mbĕn zâeo da̍ng uàn dsâu dù uèn ndĭ, iei dsău dù uèn ya̍k, dâo uĕn zâeo bu só, iei zâeo bu mì só.
Kái sû ká̱k ngáe bu ngáe su̍, hai li sáng iàng mà? bu mì só hai mì shĭ kó iàng ni ní?
Ka̍i su̍ ká̱k lăng bi nuong za̍o rò̤ng, dák dù uèn ko i̍àng mà ndĭ? bu báe ndák hai mì shĭ iàng ni kó?
Wĕi̍ mà ka̍i su̍ mâe lâi liao dsài, lûm Bó ka̍i su̍ dso̍ săng mbĕn liao dsài iàng ndiăo.

Слушайте MA-TAI 5