Chindau: Bhaibheri Rakachena muChindau Bible

Bhaibheri Rakachena muChindau

<div class="version vid1694 iso6393ndc" data-vid="1694" data-iso6393="ndc">
 <div class="book bkMAT">
 <div class="chapter ch8" data-usfm="MAT.8">
 <div class="label">8</div><div class="s">Jesu Unomhodyosa Munhu waiya neMapere</div><div class="r">(Mk. 1:40-45; Ruka 5:12-16)</div><div class="p"> 1Naapo Jesu adzaka kubva pamutunhu, mbungano huru yakamuteera. 2Penya munhu waiya nemapere wakauya kwaari, akamugwadamira echiti, &#8220;Mambo, dai wechida ungandimhodyosa.&#8221; 3Naye wakatambanudza nyara yake, akamugwama akati, &#8220;Ndinoda, chimhodyoka.&#8221; Paripo mapere ake akamhodyoswa. 4NaJesu wakati kwaari, &#8220;Ngwara kuti usazoronzera munhu; asi enda, udzipangidzire kumupristi, nokupa chipo icho chaakaronza Mosi kuti chiite chapupu kwavari.&#8221;</div><div class="s">Jesu Unoponesa Muranda weNduna yeZana</div><div class="r">(Ruka 7:1-10)</div><div class="p"> 5Naapo apotera muKhapernaume, kwakauya kwaari nduna yezana yechimukumbira, 6yechiti, &#8220;Mambo, muranda wangu wakaata mumhatso echirwara ngokuoma muiri, echirwadziwa kakurutu.&#8221; 7Wakati kweiri, &#8220;Inini ndinozouya, ndimuponese.&#8221; 8Asi nduna yezana yakapingura, ikati, &#8220;Haiwa, Mambo, hazvisisiri kuti iwewe upotere pashi pedenga rangu, asi ronza ngeizwi rega nomuranda wangu unozoponeswa. 9Ngokuti ininiwo ndiri munhu unotongwa, ndine majoni ari pashi pangu; neni ndinoti kuneuyu, &#8216;Enda,&#8217; naye unoenda; nokuneumweni, &#8216;Uya,&#8217; naye unouya; nokumuranda wangu, &#8216;Ita ichi,&#8217; naye unochiita.&#8221;</div><div class="p"> 10Naapo Jesu azwa ichi, wakashama, akati kwavari vaimuteera, &#8220;Ngegwinyiso andizi kumboona kutenda kukurutu kwakadai, haiwa kunyazwi kuvaIsuraeri. 11Neni ndinoti kwomuri kuti vazhinji vanozouya kubva kumabvazuva nokumabirirazuva, vanozogara pashi padhiri naAbrahama naIsaka naJakobe muumambo hwomudenga. 12Asi vana voumambo vanozokandirwa muchidima chiri kubanze; kunozoiteyo kuboorera nokukwetsana kwemazino.&#8221; 13NaJesu wakati kunduna yezana, &#8220;Enda, ngakuitwe kwouri kudai ngokutenda kwako.&#8221; Nomuranda wakaponeswa ngeiro awa.</div><div class="s">Jesu Unoponesa Ambuya vaPetro neVanhu Vazhinji</div><div class="r">(Mk. 1:29-34; Ruka 4:38-41)</div><div class="p"> 14Naapo Jesu apotera mumhatso yaPetro, wakaona vambuya vake vakaata vechirwara ngomutsarara. 15Naye wakabata nyara yake, nomutsarara wakavasiya; navo vakamiruka, vakamushandira.</div><div class="p"> 16Kwaita madeekoni, vakaunza kwaari vazhinji vaiya nemadhimoni, naye wakaabudisa akaadzinga ngeizwi rake, wakaponesa veshe vairwara, 17kuti kuzadzisike ukwo kwakaereketwa ndiIsaya muprofeti echiti, &#8220;Iye emene wakatora nhenda dzedu, akatwara kurwara kwedu.&#8221;</div><div class="s">Kukonza kwoKuteera Jesu</div><div class="r">(Ruka 9:57-62)</div><div class="p"> 18Zvinopano Jesu echiona mbungano huru yechimutendenedza, wakapanga kuti vaambuke ruseri. 19Kwakauya kwaari munyori, akati kwaari, &#8220;Mudzidzisi, ndinozokuteera apo pounoenda.&#8221; 20NaJesu wakati kwaari, &#8220;Hava dzine mirindi neshiri dzemudenga dzine zvisaki; asi Mukororo woMunhu aana nepokutsamira soro rake.&#8221; 21Umwe wevadzidzi wakati kwaari, &#8220;Mambo, kutanga nditendere kuti ndiende nditsire baba angu.&#8221; 22Asi Jesu wakati kwaari, &#8220;Nditeere, urekere vakafa kuti vatsire vakafa vavo.&#8221;</div><div class="s">Jesu Unonyaradza Dutu</div><div class="r">(Mk. 4:35-41; Ruka 8:22-25)</div><div class="p"> 23Naapo apotera mungarava, vadzidzi vake vakamuteera. 24Penya, kwakabuda mubvumo mukurutu muruandhle, ngokudaro ngarava yakadumaidzwa ngemafungo; asi iye waiya akaata. 25Vakauya kwaari, vakamumusa vechiti, &#8220;Mambo, tiponese; tofa.&#8221;</div><div class="p"> 26Naye wakati kwavari, &#8220;Munombotya ngenyi, imwimwi munokutenda kudoodoko?&#8221; Naapo wakamiruka, akakaraidza mubvumo noruandhle; kwakaapo kuterama kukurutu. 27Nevanhu vakashama vechiti, &#8220;Uyu munhu uri wakaitawani, kuti mubvumo noruandhle zvinomupurutana?&#8221;</div><div class="s">Jesu Unoponesa Vanhu Vairi vaiya neMadhimoni muGadhara</div><div class="r">(Mk. 5:1-20; Ruka 8:26-39)</div><div class="p"> 28Naapo aguma ruseri munyika yavaGadhareni, kwakashongana naye vanhu vairi vaiya nemadhimoni vechibva mumaiba, vane ushungu hunotyisa, ngokudaro kwaiya kusina nomunhu waichahamba ngeiyo njira. 29Ringirai, vakadaidzira vakati, &#8220;Tinenyi newe, iwewe Mukororo waMwari? Wauya panapa kutishwinyisa usati waguma mukuwo here?&#8221; 30Zvino kwaiyapo danga renguruve zhinji dzechifura kanharauko kubva kwaari. 31Nemadhimoni akamukumbira akati, &#8220;Kudai wechitibudisa, titumei tipotere mudanga renguruve.&#8221; 32Naye wakati kwaari, &#8220;Endai.&#8221; Nawo abuda, akapotera munguruve. Penya, danga reshe rakadzaka ngepamakaha muruandhle, rakafa mumvura. 33Avo vaiusha vakatiza, vakaenda mudhorobha, vakaronza zveshe izvo zvaiya zvaitwa kuneavo vaiya nemadhimoni. 34Penya, vedhorobha reshe vakabuda kooshongana naJesu. Kwakati vechimuona, vakamunyengerera kuti abve mumigano yavo. </div>
 </div>
 </div>
</div>

Naapo Jesu adzaka kubva pamutunhu, mbungano huru yakamuteera. Penya munhu waiya nemapere wakauya kwaari, akamugwadamira echiti, “Mambo, dai wechida ungandimhodyosa.” Naye wakatambanudza nyara yake, akamugwama akati, “Ndinoda, chimhodyoka.” Paripo mapere ake akamhodyoswa. NaJesu wakati kwaari, “Ngwara kuti usazoronzera munhu; asi enda, udzipangidzire kumupristi, nokupa chipo icho chaakaronza Mosi kuti chiite chapupu kwavari.”


Naapo apotera muKhapernaume, kwakauya kwaari nduna yezana yechimukumbira, yechiti, “Mambo, muranda wangu wakaata mumhatso echirwara ngokuoma muiri, echirwadziwa kakurutu.” Wakati kweiri, “Inini ndinozouya, ndimuponese.” Asi nduna yezana yakapingura, ikati, “Haiwa, Mambo, hazvisisiri kuti iwewe upotere pashi pedenga rangu, asi ronza ngeizwi rega nomuranda wangu unozoponeswa. Ngokuti ininiwo ndiri munhu unotongwa, ndine majoni ari pashi pangu; neni ndinoti kuneuyu, ‘Enda,’ naye unoenda; nokuneumweni, ‘Uya,’ naye unouya; nokumuranda wangu, ‘Ita ichi,’ naye unochiita.”
Naapo Jesu azwa ichi, wakashama, akati kwavari vaimuteera, “Ngegwinyiso andizi kumboona kutenda kukurutu kwakadai, haiwa kunyazwi kuvaIsuraeri. Neni ndinoti kwomuri kuti vazhinji vanozouya kubva kumabvazuva nokumabirirazuva, vanozogara pashi padhiri naAbrahama naIsaka naJakobe muumambo hwomudenga. Asi vana voumambo vanozokandirwa muchidima chiri kubanze; kunozoiteyo kuboorera nokukwetsana kwemazino.” NaJesu wakati kunduna yezana, “Enda, ngakuitwe kwouri kudai ngokutenda kwako.” Nomuranda wakaponeswa ngeiro awa.


Naapo Jesu apotera mumhatso yaPetro, wakaona vambuya vake vakaata vechirwara ngomutsarara. Naye wakabata nyara yake, nomutsarara wakavasiya; navo vakamiruka, vakamushandira.
Kwaita madeekoni, vakaunza kwaari vazhinji vaiya nemadhimoni, naye wakaabudisa akaadzinga ngeizwi rake, wakaponesa veshe vairwara, kuti kuzadzisike ukwo kwakaereketwa ndiIsaya muprofeti echiti, “Iye emene wakatora nhenda dzedu, akatwara kurwara kwedu.”


Zvinopano Jesu echiona mbungano huru yechimutendenedza, wakapanga kuti vaambuke ruseri. Kwakauya kwaari munyori, akati kwaari, “Mudzidzisi, ndinozokuteera apo pounoenda.” NaJesu wakati kwaari, “Hava dzine mirindi neshiri dzemudenga dzine zvisaki; asi Mukororo woMunhu aana nepokutsamira soro rake.” Umwe wevadzidzi wakati kwaari, “Mambo, kutanga nditendere kuti ndiende nditsire baba angu.” Asi Jesu wakati kwaari, “Nditeere, urekere vakafa kuti vatsire vakafa vavo.”


Naapo apotera mungarava, vadzidzi vake vakamuteera. Penya, kwakabuda mubvumo mukurutu muruandhle, ngokudaro ngarava yakadumaidzwa ngemafungo; asi iye waiya akaata. Vakauya kwaari, vakamumusa vechiti, “Mambo, tiponese; tofa.”
Naye wakati kwavari, “Munombotya ngenyi, imwimwi munokutenda kudoodoko?” Naapo wakamiruka, akakaraidza mubvumo noruandhle; kwakaapo kuterama kukurutu. Nevanhu vakashama vechiti, “Uyu munhu uri wakaitawani, kuti mubvumo noruandhle zvinomupurutana?”


Naapo aguma ruseri munyika yavaGadhareni, kwakashongana naye vanhu vairi vaiya nemadhimoni vechibva mumaiba, vane ushungu hunotyisa, ngokudaro kwaiya kusina nomunhu waichahamba ngeiyo njira. Ringirai, vakadaidzira vakati, “Tinenyi newe, iwewe Mukororo waMwari? Wauya panapa kutishwinyisa usati waguma mukuwo here?” Zvino kwaiyapo danga renguruve zhinji dzechifura kanharauko kubva kwaari. Nemadhimoni akamukumbira akati, “Kudai wechitibudisa, titumei tipotere mudanga renguruve.” Naye wakati kwaari, “Endai.” Nawo abuda, akapotera munguruve. Penya, danga reshe rakadzaka ngepamakaha muruandhle, rakafa mumvura. Avo vaiusha vakatiza, vakaenda mudhorobha, vakaronza zveshe izvo zvaiya zvaitwa kuneavo vaiya nemadhimoni. Penya, vedhorobha reshe vakabuda kooshongana naJesu. Kwakati vechimuona, vakamunyengerera kuti abve mumigano yavo.

Слушайте Mat. 8