<div class="version vid1388 iso6393yka" data-vid="1388" data-iso6393="yka">
 <div class="book bkGEN">
 <div class="chapter ch43" data-usfm="GEN.43">
 <div class="label">43</div><div class="s">Balik me&#42892; pungtina&#42892;i Yusupin hap Misir mo&#42892;o Binyamin</div><div class="p"> 1Saguwa&#42892; sigpit me&#42892; a&#42892;a si lahat Kana&#42892;anin sabab unusin. 2Pag ubus ne we&#42892; disi Yakub kinakan bino&#42892;o amban Misirin, pa&#42892;in si Yakub si me&#42892; anaknen, &#8220;P&#299; ne ka&#42892;am p&#299; balik mellihan kite bi kapamangan bisan ku&#42892;ahat.&#8221; 3Saguwa&#42892; pa&#42892;in si Yahud, &#8220;Bakas nessa&#42892; a&#42892;a miya&#42892;an, pa&#42892;inne, &#8216;Bang ga&#42892;i nuhut ka&#42892;am salibin ga&#42892;i ka&#42892;am makajari paharap si aku.&#8217; 4Na, bang da&#42892;aknu nuhut sali kamihin, p&#299; kami balik mellihan kite bi kapamangan. 5Saguwa&#42892; bang ga&#42892;i da&#42892;aknu nuhut Binyamin ga&#42892;i kami p&#299; balik pegge&#42892; pa&#42892;in a&#42892;a miya&#42892;an we&#42892; asal ga&#42892;i ko&#42892; kami kajari paharap si iye bang ga&#42892;i nuhut sali kamihin.&#8221;</div><div class="p"> 6Pa&#42892;in si Yakub, &#8220;We&#42892;ey s&#257; iyan hinangbi si akuhin? We&#42892;ey pe ka&#42892;am magaka we&#42892; niya&#42892; pungtina&#42892;ibi seddili?&#8221; 7Nambung siye, pa&#42892;inde, &#8220;Pegge&#42892; magtilew-tilew isab a&#42892;a miya&#42892;an sabab kite bi duk sabab me&#42892; usbaten bi. Pa&#42892;inne, &#8216;Ellum pe samabin? Niya&#42892; pe ke pungtina&#42892;ibi seddili?&#8217; Ubus nambung hadja kami. Ga&#42892; kata&#42892;uhan kami we&#42892; da&#42892;akne bino&#42892;o p&#299; sali kamihin.&#8221;</div><div class="p"> 8Manjari pa&#42892;in si Yahud pu si Yakub, &#8220;Da&#42892;akun ne nuhut aku Binyamin duk kami tap&#299; duk kite bi ga&#42892;i matey we&#42892; kewugtu&#42892;, k&#275;mon kite bi sampay ka&#42892;u duk me&#42892; anak kamihin. 9Nanggup ku we&#42892; asal t&#363;rananku du iye balik pitu. Aku du mangipat iyehin. Bang ga&#42892;i iye t&#363;rananku balik pitu si ka&#42892;u mole&#42892; si aku susunin tiggelanku ellum. 10Bang si&#42892; kami ga&#42892; lahan-lahannu, bisan si&#42892; kami miya&#42892;an minduwe magbalik-balik p&#299; melli kinakan.&#8221;</div><div class="p"> 11Manjari pa&#42892;in samaden si siye, &#8220;Na, bang ga&#42892; niya&#42892; dapatte bi, iye inin hinangun bi. Mo&#42892;o ka&#42892;am me&#42892; bayu&#42892;-bayu&#42892;an mah&#257;pin amban lahatte bi inin pangurung a&#42892;a miya&#42892;an. Bo&#42892;ohanun bi iye bohe&#42892; buwani duk me&#42892; bayu&#42892;-bayu&#42892;an getta&#42892; kayu bengngi duk bigi buwa&#42892; kayu h&#257;p kinakan kuwe&#42892; bigi pistasiyo, duk bigi almon. 12Dublihanun bi s&#299;n bino&#42892;obin duk t&#363;rananun bi bakas dem karutbin, pegge&#42892; hatu siye sala&#42892;. Ubus sinduwehin pamellihun bi ne kinakan balik. 13Bo&#42892;ohun bi isab salibin duk p&#299; ka&#42892;am balik si a&#42892;ahin. 14Karayaw urungan Tuhan Mabalakatanin pikilan h&#257;p a&#42892;a miya&#42892;an supaya ma&#42892;ase&#42892; iye duk papole&#42892;ne Simeon duk Binyamin. Saguwa&#42892; bang iye kahandak Tuhanin we&#42892; matey anakkun, na, magsabal ku hadja.&#8221;</div><div class="p"> 15Manjari bino&#42892;o we&#42892; de me&#42892; pangurungden duk dubli s&#299;nden duk Binyamin isab. P&#299; ne siye tudju Misir. Pag la&#42892;i ne siye, p&#299; siye paharap pu si Yusup. 16Pag kite si Yusup we&#42892; nuhut Binyamin pa&#42892;inne si dara&#42892;akannen, &#8220;Bo&#42892;ohun siye p&#299; si luma&#42892; bu padiyalemun siye bu sumbali&#42892;anun kami kambing duk magmemes ka&#42892;am pegge&#42892; mangan kami duk me&#42892; a&#42892;a iyan lettu miya&#42892;an.&#8221; 17Iye ne miya&#42892;an hininang we&#42892; dara&#42892;akannen duk bo&#42892;one siye p&#299; si luma&#42892; si Yusup.</div><div class="p"> 18Tinalew me&#42892; pungtina&#42892;i Yusupin pegge&#42892; bino&#42892;o siye p&#299; si luma&#42892; si Yusup. Kannalde kaw siye tuntutanne sabab s&#299;n bakas umisi dem karutden tagna&#42892; pap&#299;den hangkan siye bino&#42892;o si luma&#42892;ne. Magbiss&#257;-biss&#257; siye pa&#42892;inde, &#8220;Kaw kite bi siniggew we&#42892; ne duk me&#42892; hayepten bi duk hininang banyaga&#42892;ne.&#8221; 19Hangkan p&#299; ne siye si dara&#42892;akan pangandelan Yusupin duk magbiss&#257; siye la&#42892;i tapit si gawang luma&#42892;in 20pa&#42892;inde, &#8220;O, Tuwan, bang makajari niya&#42892; biss&#257; kami si ka&#42892;u. Bakas kami pitu metu&#42892;uhin melli kinakan. 21Pag tahala&#42892; ne kami bu tekka si padeheng-dehenganley sangem, iluka we&#42892; kami karut kamihin. Na, &#299;&#42892; la&#42892;i s&#299;n bakas pamelli kamihin dem karut kami dangan-dangan. Hangkan tiya&#42892; ne t&#363;ranan kami balik. 22Duk mo&#42892;o pe kami s&#299;n pamelli kami kinakan balik. Ga&#42892;i kata&#42892;uhan kami bang sine mamap&#299; s&#299;n dem karut kamihin.&#8221; 23Nambung iye, pa&#42892;inne, &#8220;Da&#42892;a ka&#42892;am suse. Da&#42892;a ka&#42892;am tinalew. Tuhan pagtuhananbin duk pagtuhanan samabin iye hatu mamap&#299; s&#299;n dem karutbin. Tasangkaku hep bayedbin.&#8221; Ubus pinaluwas we&#42892; ne Simeon p&#299; si siye.</div><div class="p"> 24Manjari pinadiyalem siye we&#42892; dara&#42892;akan pangandelan Yusupin, inurungan siye we&#42892; ne bohe&#42892; pangoso&#42892;de bettisde duk pinakan we&#42892; ne hayepden. 25Pag inakahan siye we&#42892; mangan siye la&#42892;i duk si Yusup lettu ellew, binettad we&#42892; de pinah&#257;p-h&#257;p me&#42892; pangurungden.</div><div class="p"> 26Pag tekka si Yusup si luma&#42892; bo&#42892;ode pangurungden padiyalem p&#299; si iye, duk pasujud siye si iye. 27Ubus tilewne siye pa&#42892;inne, &#8220;Sa&#42892;ingge ne ka&#42892;am? Sa&#42892;ingge ne samabin, a&#42892;a bahi&#42892; bakas inakahanbi akuhin? Ellum pe iye?&#8221; 28Pa&#42892;inde, &#8220;Awe&#42892;, ellum pe sama kamihin duk biskey pe.&#8221; Ubus miya&#42892;an pasujud siye si iye balik.</div><div class="p"> 29Pag takite si Yusup saline langgungin Binyamin tilewne siye, &#8220;Inin ke salibi bakas inakabi si akuhin?&#8221; Ubus pa&#42892;inne pu si Binyamin, &#8220;Karayaw inurungan kah&#257;pan kew we&#42892; Tuhanin, Toto&#42892;.&#8221; 30Ubus miya&#42892;an pegge&#42892; takalessane we&#42892; s&#333;ng nangis iye hawal lasane si salinen, magdayi&#42892;-dayi&#42892; si Yusup tahala&#42892; p&#299; si bilikne ubus bu nangis iye la&#42892;i.</div><div class="p"> 31Manjari ngula&#42892;up dahu&#42892; si Yusup ubus bu balik iye p&#299; si siye. Sandalanne pagtangisnen duk pa&#42892;inne si me&#42892; dara&#42892;akannen, &#8220;Magt&#257;gad ne ka&#42892;am.&#8221; 32Binettad we&#42892; de tellu tumpuk pagkakanan, dembuwa&#42892;in pu si Yusup dendangan, dembuwa&#42892;in para si me&#42892; pungtina&#42892;inen duk dembuwa&#42892;in isab para si me&#42892; a&#42892;a Misir sawe&#42892;nen. Lemmi&#42892; me&#42892; a&#42892;a Misirin bang siye mangan magtampu duk me&#42892; a&#42892;a Hibrani. Ga&#42892;i kuhi si siye. 33Pinatingkolo&#42892; we&#42892; si Yusup me&#42892; pungtina&#42892;inen pinagsunu&#42892;-sunu&#42892; dehellu sakahin ubus tamanan dambuli salihin. Hangkan hep ulali&#42892; manamal me&#42892; pungtina&#42892;inen. 34Niya&#42892; me&#42892; la&#42892;uk amban pamanganan si Yusup bino&#42892;o p&#299; si siye, saguwa&#42892; pangurung Binyaminin minlime ekkahannen amban me&#42892; pungtina&#42892;ine sinduwehin. Ubus mangan siye duk nginum duk maglami-lami siye k&#275;mon.</div>
 </div>
 </div>
</div>

Saguwaꞌ sigpit meꞌ aꞌa si lahat Kanaꞌanin sabab unusin. Pag ubus ne weꞌ disi Yakub kinakan binoꞌo amban Misirin, paꞌin si Yakub si meꞌ anaknen, “Pī ne kaꞌam pī balik mellihan kite bi kapamangan bisan kuꞌahat.” Saguwaꞌ paꞌin si Yahud, “Bakas nessaꞌ aꞌa miyaꞌan, paꞌinne, ‘Bang gaꞌi nuhut kaꞌam salibin gaꞌi kaꞌam makajari paharap si aku.’ Na, bang daꞌaknu nuhut sali kamihin, pī kami balik mellihan kite bi kapamangan. Saguwaꞌ bang gaꞌi daꞌaknu nuhut Binyamin gaꞌi kami pī balik peggeꞌ paꞌin aꞌa miyaꞌan weꞌ asal gaꞌi koꞌ kami kajari paharap si iye bang gaꞌi nuhut sali kamihin.”
Paꞌin si Yakub, “Weꞌey sā iyan hinangbi si akuhin? Weꞌey pe kaꞌam magaka weꞌ niyaꞌ pungtinaꞌibi seddili?” Nambung siye, paꞌinde, “Peggeꞌ magtilew-tilew isab aꞌa miyaꞌan sabab kite bi duk sabab meꞌ usbaten bi. Paꞌinne, ‘Ellum pe samabin? Niyaꞌ pe ke pungtinaꞌibi seddili?’ Ubus nambung hadja kami. Gaꞌ kataꞌuhan kami weꞌ daꞌakne binoꞌo pī sali kamihin.”
Manjari paꞌin si Yahud pu si Yakub, “Daꞌakun ne nuhut aku Binyamin duk kami tapī duk kite bi gaꞌi matey weꞌ kewugtuꞌ, kēmon kite bi sampay kaꞌu duk meꞌ anak kamihin. Nanggup ku weꞌ asal tūrananku du iye balik pitu. Aku du mangipat iyehin. Bang gaꞌi iye tūrananku balik pitu si kaꞌu moleꞌ si aku susunin tiggelanku ellum. Bang siꞌ kami gaꞌ lahan-lahannu, bisan siꞌ kami miyaꞌan minduwe magbalik-balik pī melli kinakan.”
Manjari paꞌin samaden si siye, “Na, bang gaꞌ niyaꞌ dapatte bi, iye inin hinangun bi. Moꞌo kaꞌam meꞌ bayuꞌ-bayuꞌan mahāpin amban lahatte bi inin pangurung aꞌa miyaꞌan. Boꞌohanun bi iye boheꞌ buwani duk meꞌ bayuꞌ-bayuꞌan gettaꞌ kayu bengngi duk bigi buwaꞌ kayu hāp kinakan kuweꞌ bigi pistasiyo, duk bigi almon. Dublihanun bi sīn binoꞌobin duk tūrananun bi bakas dem karutbin, peggeꞌ hatu siye salaꞌ. Ubus sinduwehin pamellihun bi ne kinakan balik. Boꞌohun bi isab salibin duk pī kaꞌam balik si aꞌahin. Karayaw urungan Tuhan Mabalakatanin pikilan hāp aꞌa miyaꞌan supaya maꞌaseꞌ iye duk papoleꞌne Simeon duk Binyamin. Saguwaꞌ bang iye kahandak Tuhanin weꞌ matey anakkun, na, magsabal ku hadja.”
Manjari binoꞌo weꞌ de meꞌ pangurungden duk dubli sīnden duk Binyamin isab. Pī ne siye tudju Misir. Pag laꞌi ne siye, pī siye paharap pu si Yusup. Pag kite si Yusup weꞌ nuhut Binyamin paꞌinne si daraꞌakannen, “Boꞌohun siye pī si lumaꞌ bu padiyalemun siye bu sumbaliꞌanun kami kambing duk magmemes kaꞌam peggeꞌ mangan kami duk meꞌ aꞌa iyan lettu miyaꞌan.” Iye ne miyaꞌan hininang weꞌ daraꞌakannen duk boꞌone siye pī si lumaꞌ si Yusup.
Tinalew meꞌ pungtinaꞌi Yusupin peggeꞌ binoꞌo siye pī si lumaꞌ si Yusup. Kannalde kaw siye tuntutanne sabab sīn bakas umisi dem karutden tagnaꞌ papīden hangkan siye binoꞌo si lumaꞌne. Magbissā-bissā siye paꞌinde, “Kaw kite bi siniggew weꞌ ne duk meꞌ hayepten bi duk hininang banyagaꞌne.” Hangkan pī ne siye si daraꞌakan pangandelan Yusupin duk magbissā siye laꞌi tapit si gawang lumaꞌin paꞌinde, “O, Tuwan, bang makajari niyaꞌ bissā kami si kaꞌu. Bakas kami pitu metuꞌuhin melli kinakan. Pag tahalaꞌ ne kami bu tekka si padeheng-dehenganley sangem, iluka weꞌ kami karut kamihin. Na, īꞌ laꞌi sīn bakas pamelli kamihin dem karut kami dangan-dangan. Hangkan tiyaꞌ ne tūranan kami balik. Duk moꞌo pe kami sīn pamelli kami kinakan balik. Gaꞌi kataꞌuhan kami bang sine mamapī sīn dem karut kamihin.” Nambung iye, paꞌinne, “Daꞌa kaꞌam suse. Daꞌa kaꞌam tinalew. Tuhan pagtuhananbin duk pagtuhanan samabin iye hatu mamapī sīn dem karutbin. Tasangkaku hep bayedbin.” Ubus pinaluwas weꞌ ne Simeon pī si siye.
Manjari pinadiyalem siye weꞌ daraꞌakan pangandelan Yusupin, inurungan siye weꞌ ne boheꞌ pangosoꞌde bettisde duk pinakan weꞌ ne hayepden. Pag inakahan siye weꞌ mangan siye laꞌi duk si Yusup lettu ellew, binettad weꞌ de pinahāp-hāp meꞌ pangurungden.
Pag tekka si Yusup si lumaꞌ boꞌode pangurungden padiyalem pī si iye, duk pasujud siye si iye. Ubus tilewne siye paꞌinne, “Saꞌingge ne kaꞌam? Saꞌingge ne samabin, aꞌa bahiꞌ bakas inakahanbi akuhin? Ellum pe iye?” Paꞌinde, “Aweꞌ, ellum pe sama kamihin duk biskey pe.” Ubus miyaꞌan pasujud siye si iye balik.
Pag takite si Yusup saline langgungin Binyamin tilewne siye, “Inin ke salibi bakas inakabi si akuhin?” Ubus paꞌinne pu si Binyamin, “Karayaw inurungan kahāpan kew weꞌ Tuhanin, Totoꞌ.” Ubus miyaꞌan peggeꞌ takalessane weꞌ sōng nangis iye hawal lasane si salinen, magdayiꞌ-dayiꞌ si Yusup tahalaꞌ pī si bilikne ubus bu nangis iye laꞌi.
Manjari ngulaꞌup dahuꞌ si Yusup ubus bu balik iye pī si siye. Sandalanne pagtangisnen duk paꞌinne si meꞌ daraꞌakannen, “Magtāgad ne kaꞌam.” Binettad weꞌ de tellu tumpuk pagkakanan, dembuwaꞌin pu si Yusup dendangan, dembuwaꞌin para si meꞌ pungtinaꞌinen duk dembuwaꞌin isab para si meꞌ aꞌa Misir saweꞌnen. Lemmiꞌ meꞌ aꞌa Misirin bang siye mangan magtampu duk meꞌ aꞌa Hibrani. Gaꞌi kuhi si siye. Pinatingkoloꞌ weꞌ si Yusup meꞌ pungtinaꞌinen pinagsunuꞌ-sunuꞌ dehellu sakahin ubus tamanan dambuli salihin. Hangkan hep ulaliꞌ manamal meꞌ pungtinaꞌinen. Niyaꞌ meꞌ laꞌuk amban pamanganan si Yusup binoꞌo pī si siye, saguwaꞌ pangurung Binyaminin minlime ekkahannen amban meꞌ pungtinaꞌine sinduwehin. Ubus mangan siye duk nginum duk maglami-lami siye kēmon.

Слушайте Panagnaꞌan 43