<div class="version vid1157 iso6393lbk" data-vid="1157" data-iso6393="lbk">
   <div class="book bkJHN">
      <div class="chapter chINTRO1" data-usfm="JHN.INTRO1">
         <div class="imt"><span class="content">Nan Makwani Maipoon isnan Ebanghelyo ay Insolat San Juan</span></div><div class="ip"><span class="content">Nan nangisolat isnan Ebanghelyo ay nay et si Apostol Juan ay anak cha Zebedeo ken Salome ay iGalilea. Nan pangkhepna ay nangisolat et wad-ay isnan 20:31: &#8220;naisolat chana ta wad-ay menpatiyanyo ay si Jesus, et siya nan Cristo ay Anak Apo Dios, ya tatno isnan mamatiyanyo at mawad-ay nan fiyagyo ay maid pengpengna isnan maiyornosanyo ken siya.&#8221; Isonga ad-acha nan mafasa isna maipoon isnan kinadchios Jesus ay Anak Apo Dios, nan ison nan pammati ya nan fiyag ay maid pengpengna.</span></div><div class="ip"><span class="content">Isnan milapowan nan liblo, infakhan Juan ay si Jesus nan makwani en Kali ay nenfalin si takho tatno maila ya maammowan nan katakhotakho nan kinadchios ya nemnem Dios Ama.</span></div><div class="ip"><span class="content">Isnan toloy nan liblo inokhodna nan pito ay katataa ay sinyal ay inangnen Jesus ay mangipaila ay tet-ewa nan kinadchiosna: nan nangipafalinana isnan chanom is fayas (2:1-11); nan nangakhasana isnan anak nan esa'y ap-apo (4:46-54); nan nangakhasana isnan lalaki ay nasakit id Betsata (5:1-18); nan namakkanana isnan katakhotakho (6:5-13); nan nannalanana is kaoson nan chanom (6:16-21); nan nangakhasana isnan ad-i makaila (9:1-7) ya nan kasina nentakhowan ken Lazaro (11:1-45). Isnan naycha'y pito ay sinyal, kecheng na ay liblo is kawad nan lima.</span></div><div class="ip"><span class="content">Inokhodna akhes nan infakhan Jesus maipoon isnan kinadchiosna ya chonona, kag isnan nangiyalikhan Jesus isnan awakna ay makan (6:35), silaw (9:5), segpan (10:7), chalan (14:6) ya poon si ofas (15:1).</span></div><div class="ip"><span class="content">Ad-acha akhes nan masolo isna maipoon isnan kinadchios Dios Ama ya Dios Ispirito Santo. Kaspangalikhan, nan kinaAman Dios Ama et nasolok ay naminkhasot nan naifag-ana. Wad-ay akhes nan masolo maipoon isnan nanakhowana isnan natey (5:21), nan takho ay makitetey-ana (14:23), nan kinasantona (17:11) ya nan kinalentegna (17:25). Nan Ispirito Santo akhes et angsan nan naisolat isnan kapitolo 14-16 maipoon isnan laychena ay angnen isnan am-in ay takho, ya nan entetey-ana, mamadfachangana ya men-isos-olowana isnan mamati ken Cristo.</span></div><div class="ip"><span class="content">Angsan nan infagfakhan Jesus ay naisolat isnan nay ay liblo yangkhay, kag isnan nakisochokana ken Nicodemo maipoon isnan kasin maiyanakan nan takho (3:1-21), nan nakitot-oyyana isnan fafai ay iSamaria maipoon isnan chanom ay mangigwa isnan fiyag (4:1-26), nan nen-isolowana isnan Piyastan si Ab-afong (7:14-39), nan aligna maipoon isnan khawis ay manoktokkhong isnan karnilo (kapitolo 10), ya nan inlowalona ken Amana (kapitolo 17).</span></div><div class="iot"><span class="content">Nan Linaona</span></div><div class="io1"><span class="content">Nan Kali ay nenfalin si takho 1:1-18</span></div><div class="io1"><span class="content">Si Juan Bautista ya nan inmona ay disipolos Jesus 1:19-51</span></div><div class="io1"><span class="content">Nan nen-isos-olowan Jesus isnan katakhotakho 2:1 - 12:50</span></div><div class="io1"><span class="content">Nan nen-isos-olowan Jesus isnan disipolosna isnan cha omochi ay akhewna 13:1 - 17:26</span></div><div class="io1"><span class="content">Nan nateyan Jesus 18:1 - 19:42</span></div><div class="io1"><span class="content">Nan kasin natakhowan ya nenpail-an Jesus 20:1 - 21:25</span></div><div class="ie"></div>
      </div>
   </div>
</div>

Nan Makwani Maipoon isnan Ebanghelyo ay Insolat San Juan
Nan nangisolat isnan Ebanghelyo ay nay et si Apostol Juan ay anak cha Zebedeo ken Salome ay iGalilea. Nan pangkhepna ay nangisolat et wad-ay isnan 20:31: “naisolat chana ta wad-ay menpatiyanyo ay si Jesus, et siya nan Cristo ay Anak Apo Dios, ya tatno isnan mamatiyanyo at mawad-ay nan fiyagyo ay maid pengpengna isnan maiyornosanyo ken siya.” Isonga ad-acha nan mafasa isna maipoon isnan kinadchios Jesus ay Anak Apo Dios, nan ison nan pammati ya nan fiyag ay maid pengpengna.
Isnan milapowan nan liblo, infakhan Juan ay si Jesus nan makwani en Kali ay nenfalin si takho tatno maila ya maammowan nan katakhotakho nan kinadchios ya nemnem Dios Ama.
Isnan toloy nan liblo inokhodna nan pito ay katataa ay sinyal ay inangnen Jesus ay mangipaila ay tet-ewa nan kinadchiosna: nan nangipafalinana isnan chanom is fayas (2:1-11); nan nangakhasana isnan anak nan esa'y ap-apo (4:46-54); nan nangakhasana isnan lalaki ay nasakit id Betsata (5:1-18); nan namakkanana isnan katakhotakho (6:5-13); nan nannalanana is kaoson nan chanom (6:16-21); nan nangakhasana isnan ad-i makaila (9:1-7) ya nan kasina nentakhowan ken Lazaro (11:1-45). Isnan naycha'y pito ay sinyal, kecheng na ay liblo is kawad nan lima.
Inokhodna akhes nan infakhan Jesus maipoon isnan kinadchiosna ya chonona, kag isnan nangiyalikhan Jesus isnan awakna ay makan (6:35), silaw (9:5), segpan (10:7), chalan (14:6) ya poon si ofas (15:1).
Ad-acha akhes nan masolo isna maipoon isnan kinadchios Dios Ama ya Dios Ispirito Santo. Kaspangalikhan, nan kinaAman Dios Ama et nasolok ay naminkhasot nan naifag-ana. Wad-ay akhes nan masolo maipoon isnan nanakhowana isnan natey (5:21), nan takho ay makitetey-ana (14:23), nan kinasantona (17:11) ya nan kinalentegna (17:25). Nan Ispirito Santo akhes et angsan nan naisolat isnan kapitolo 14-16 maipoon isnan laychena ay angnen isnan am-in ay takho, ya nan entetey-ana, mamadfachangana ya men-isos-olowana isnan mamati ken Cristo.
Angsan nan infagfakhan Jesus ay naisolat isnan nay ay liblo yangkhay, kag isnan nakisochokana ken Nicodemo maipoon isnan kasin maiyanakan nan takho (3:1-21), nan nakitot-oyyana isnan fafai ay iSamaria maipoon isnan chanom ay mangigwa isnan fiyag (4:1-26), nan nen-isolowana isnan Piyastan si Ab-afong (7:14-39), nan aligna maipoon isnan khawis ay manoktokkhong isnan karnilo (kapitolo 10), ya nan inlowalona ken Amana (kapitolo 17).
Nan Linaona
Nan Kali ay nenfalin si takho 1:1-18
Si Juan Bautista ya nan inmona ay disipolos Jesus 1:19-51
Nan nen-isos-olowan Jesus isnan katakhotakho 2:1 - 12:50
Nan nen-isos-olowan Jesus isnan disipolosna isnan cha omochi ay akhewna 13:1 - 17:26
Nan nateyan Jesus 18:1 - 19:42
Nan kasin natakhowan ya nenpail-an Jesus 20:1 - 21:25

Слушайте Juan Nan Makwani Maipoon isnan Ebanghelyo ay Insolat San Juan