Zona 4
4
Kokora ta Zona, pa Vinar'sevi ta Zihova
1Ba dana qetu Zona beti vatigir' hola nona. 2Vavara lago aia pan Zihova, <<Kei Zihova, dana hoa nabeni rai, gogoton' pa sau rai? Igua qi podeke vivitingi rai gumi huku laqu Tasisi. Gigile rai goi, Bangara ngongo beti varsevim goi; hitite hola goi gumi kokora, ba tatago hola goi pa mu vinarsevi. Bangara ia vagodoron totoso gumi dana huhuara. 3Kopirina, Kei Zihova, teku gu tinoa, na leanhola bimate rai, holani koni toa rai.>>
4Ba olang mule Zihova aia, <<Osua, pada gumi kokora goi?>>
5Qi kaka pahu Zona beti la totu aia pa kalin' ie kilu sage mai sope pa sau ia. Ie taveti aia keka apkale, beti totu pa kaur' ibibu, vera aia saga kate gavoro pa Ninive. 6Qi, vatoe Zihova Bangara keka gae ibibu ululu holani Zona, gumi paeri batun pa sope, gumi hitite gore no kokora, qetu holani Zona gae ia. 7Mumurongan' hikara rane vuge, vanamani Bangara dole hite, gumi ngau vamate gae ia. 8Gogoton' sage sope, oli Bangara keka ivoro navoko pa kali sage sope. Gona gore sope pa batun' aia, tata mat' kopoto Zona. Qi hiva mate aia, qi nabe har'gu aia. <<Leleanhola gumi mate rai, na holanit koni toa rai,>> gu aia.
9Ba nabe Bangara Zona, <<osua pada beti garo gumi kokorani goi gae ibibu sana?>> <<Eio,>> Qu aia, <<rai kokora vahola, beti hiva mate.>>
10Ba, nabe Zihova, <<Tatavet' viviting ororu ta goi pa gae ibibu hoa, ba dako kopuni goi bet' dako rive goi. Gae ibibu hoa toa hola bongi bet' kat' mate hola bongi. 11Tinon pa Ninive holani kek' gogoto rabet' tina tinoni bet' ropet' madenenedi ia suvere bobongi. Sea hola koni da sevi rai sau lavat' Ninive?>>Gu aia bet' beto.
Selectat acum:
Zona 4: NKE
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
© 2024, Islands Bible Ministries. All rights reserved.