Zona 3
3
Lago Zona pa Ninive
1Ninabe ta Zihova mai pan Zona vinakori gogotona. 2<<Lago pa sau lavatana pa Ninive, beti pito vabakalani linemono ia te atu rai pam goi.>>
3Vatabe Zona ninabe ta Zihova. Qi lago aia pa Ninive; Ninive keka sau porlaen hola, kuhe rane ho ke boka suver' goi ie bet' pahu. 4Lago pa vinhokoton rane keka, podal luge Zona pa sau ia. Beti Podal tarae hargua aia, <<Madengvulu rane mule, Ninive ke huara!>> 5Vasosoto ria tinon pa Ninive Bangara. Qi vabakali ria, ia dakate ngangau ria, ba vavara ho kate taveti ria, podala padi tinoni lavata beti gore padi ria hitele. Kate sage poko sasaudi.
6Gogoton kamo linemon bangara ta Ninive, turu kaka aia pa no tototuna, rupahi aia poko ta bangara, beti tesage aia poko sasauna, beti la totu gore aia pa melaka. 7Qi, vapodaki bangara linemono pa Ninive:
Nabe, <<pa binarbaroso ta kingi beti no nabulu: Dana elu kake tinoni, babi ropete ia gaveredi, akadi babi made nenedi gumi ngangau beti bei.
8Ba elu tinoni beti ropete, gumi tesage poko luluradi. Elu dogurudi gumi tetepa lago pa Bangara, gumi pahu pani ria di hahanan' hikeredi na di vinarpera. 9Sega gilea? Pu igua beti behi Bangara no ororu beti ke sevi aia gita, gumi dana mate gita.>>
10Gogoton ome Bangara saga taveti ria, bet' osgua keker' ria pa di hahanan hikeredi, kole no vinarsevi aia igua qi dana vakilasi aia ria, gu ia pitoni aia, ia ke taveti aia.
Selectat acum:
Zona 3: NKE
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
© 2024, Islands Bible Ministries. All rights reserved.