ÂTHAONA 36
36
Esaw pathlazy
1Hezy he Esaw pathlazy ama châ. Esaw cha Edômâ a châ. 2#Âtn 26.34Esaw cha Kâna zuahzy lapinô ta hnei ta, chazy cha Hiti chyhsa Elôni sawchanô Aidâ, Hivi chyhsa Zibeô sawchanô Ânah sawchanô Ôhôlibâmâ nata 3#Âtn 28.9Nebaiô sietanô Ismela sawchanô Bâsemâ zy ama châ. 4Aidâ ta Esaw châta Eliphâ sapa ta, Bâsemâ ta Rue sa ta, 5Ôhôlibâmâ ta Zusa, Zalâ nata Kôrâ zy a sa. Chazy cha Esaw ta Kâna râh liata a sapa a sawchapawzy ama châ.
6Esaw cha a lapinôzy, a sawchapawzy, a sawchanôzy, a o liata a ypa chyhsa zydua nata a sahrohzy, osa zydua nata Kâna râh liata a hneipa zydua puakheipa ta, a unawhpa Zakaw tawhta râh hro lâ sie ta. 7Ama hmo hneipazy hluh ngaita ta, pahrâna râh ta ama pano sahrohzy tlaih nawpa ta â daih leipa vâta, hmaohkha ta a y khoh thei awpa châ khao leipa ei ta. 8Chavâta Esaw cha Seirâ tlâh râh liata a pahrâ haw. Esaw cha Edômâ a châ.
9Hezy he Seirâ tlâh râh liata Edômâ mo pathlatuhpa Esaw pathlazy cha ama châ. 10Esaw ta a lapinô Aidâ liata sawchapaw Eliphâ nata a lapinô Bâsemâ liata sawchapaw Rue zy sa ta. 11Eliphâ sawchapawzy cha, Temâ, Ômâ, Zephô, Kâtâ nata Kenâza zy ama châ. 12Timnâ cha Esaw sawchapawpa Eliphâ nôtho châ ta, ano ta Eliphâ châta Amale sapa ta. Chazy cha Esaw lapinô Aidâ pathlazy ama châ. 13Rue sawchapawzy cha, Nâhâ, Zerâ, Sâmâh nata Miza zy ama châ. Chazy cha Esaw lapinô Bâsemâ pathlazy ama châ. 14Hezy he Zibeô sawchanô Ânah sawchanô Ôhôlibâmâ sawchapawzy ama châ. Esaw châta Zusi, Zalâ nata Kôrâ zy a sapa.
15Hezy he Esaw pathla tawhta beizy ama châ: Esaw sawchapaw uhtheipa Eliphâ pathla tawhta Bei Temâ, Bei Ômâ, Bei Zephô, Bei Kenâza, 16Bei Kôrâ, Bei Kâtâ nata Bei Amale zy vaw pua ei ta, chazy cha Edômâ râh liata Eliphâ pathla tawhta a puapa beizy ama châ. Âmo cha Aidâ pathlazy ama châ. 17Hezy he Esaw sawchapawpa Rue pathla tawhta beizy ama châ: Bei Nâhâ, Bei Zerâ, Bei Sâmâh nata Bei Miza zy châ ei ta, chazy cha Edômâ râh liata Rue tawhta a puapa beizy ama châ. Âmo cha Esaw lapinô Bâsemâ pathlazy ama châ. 18Hezy he Esaw lapinô Ôhôlibâmâ pathla tawhta beizy ama châ: Bei Zeu, Bei Zalâ nata Bei Kôrâ zy châ ei ta, âmo cha Ânah sawchanô, Esaw lapinô Ôhôlibâmâ tawhta a puapa beizy ama châ. 19Chazy cha Esaw pathlazy châ ei ta, a pathlazy tawhta bei a vaw puapazy ama châ. Esaw cha Edômâ a châ.
Seirâ pathlazy
(1 Ttr 1.38-42)
20Hezy he Hôri chyhsa Seirâ pathla, cha râh liata a pahrâpa chyhsazy ama châ: Chazy cha Lôtâ, Sôbâ, Zibeô, Ânah, 21Disaw, Eza nata Disâ zy ama châ. Âmo cha Edômâ râh liata Seirâ pathlazy tawhta a puapa Hôri beizy ama châ. 22Lôtâ sawchapawzy cha Hôri nata Hômâ châ ei ta, Lôtâ sietanô cha Timnâ a châ. 23Sôbâ sawchapawzy cha, Alvâ, Mânahâ, Ebâ, Sephô nata Ônami zy ama châ. 24Zibeô sawchapawzy cha Aihza nata Ânah châ ei ta, Ânah cha a paw Zibeô alâzy lao a pabâsa nota râhchawhpa liata ti lalôhpa khaohzy a hmôtuhpa kha a châ. 25Ânah sawchapawpa cha Disaw châ ta, a sawchanô cha Ôhôlibâmâ a châ. 26Disaw sawchapawzy cha Hedâ, Esbâ, Itharâ nata Kherâ zy ama châ. 27Eze sawchapawzy cha, Bilhâ, Zavâ nata Akanâ zy ama châ. 28Disâ sawchapawzy cha Uzi nata Aranâ ama châ. 29Hezy he Hôri beizy ama châ: Bei Lôtâ, Bei Sôbâ, Bei Zibeô, Bei Anah, 30Bei Disaw, Bei Eze nata Bei Disâ zy châ ei ta, âmo cha Seirâ râh bia nanopazy liata Hôri beizy ama châ.
Edômâ beizy
(1 Ttr 1.43-54)
31Hezy he, Izarei râh liata ryureituhpa bei ama y hlâta, Edômâ râh liata ryureituhpa beizy ama châ. 32Beô sawchapawpa Belâ cha Edômâ râh liata a bei ta, a khihpi moh cha Dinhabâ a châ. 33Belâ a thi tawhta, Bôzrâ khihpa Zerâ sawchapawpa Zôbabi ta ano su liata a bei ta. 34Zôbabi a thi tawhta, Temâni râh chyhsa Husâ ta ano su liata â bei. 35Husâ a thi tawhta, Môabâ râh liata Midia mo a pahnietuhpa Bedâ sawchapawpa Hâdâ ta ano su liata a bei ta, a khihpi moh cha Avi a châ. 36Hâdâ a thi tawhta, Mâsrekâ chyhsa Samlâ ta ano su liata â bei. 37Samlâ a thi tawhta, Ufrâti chavah kiah liata Rehôbô khihpa Sawla ta ano su liata â bei. 38Sawla a thi tawhta, Akabaw sawchapawpa Bâlâhanâ ta ano su liata â bei. 39Akabaw sawchapawpa Bâlâhanâ a thi tawhta, Hâdâ ta ano su liata a bei ta, a khihpi moh cha Pâu a châ. A lapinô moh cha Mehetabe châ ta, ano cha Mâteri sawchanô châ ta, Mâteri cha Mezahâ sawchanô a châ.
40Hezy he ama chhôhkha, ama pahrâna su nata ama mohzy zipa ta Esaw pathla beizy moh a châ: Bei Timnâ, Bei Alvâ, Bei Zethe, 41Bei Ôhôlibâmâ, Bei Elâ, Bei Pinaw, 42Bei Kenâza, Bei Temâ, Bei Miza, 43Bei Mâdie nata Bei Irâmâ zy châ ei ta, âmo cha ama ryuto râh liata ama pahrâna lymâ hawhta Edômâ beizy ama châ. Edômâ paw cha Esaw châ ta, Esaw cha Edômâ mozy pathlatuhpa a châ.
Selectat acum:
ÂTHAONA 36: MARVBSI
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
The Bible Society of India
© 2023, Used by permission. All rights reserved.