Kufuma 36
36
1Niho wakahira Bezaleel na Aholiab, na wose wenye ngoro ya kucha, hawo Mzuri egera kucha na ng’eno kutisiwa kuhira ndima ja mbare jose hena kutumika kwa heshenete, hena vyose Mzuri eaghanyie. 2Musa akawaitanga Bezaleel na Aholiab, na mundu ose mwenye ngoro ya kucha, ngoroni hakwe Mzuri egera kucha, ose ngoro yakwe yambusha kuza hena ndima kuihira. 3Wakauhia ha Musa king’olwa chose, wekietie waana @wa Israeli hena ndima ya kutumika kwa heshenete, kuiareha. Wakamwetiewa king’olwa misi yose heyawo. 4Na wose wechee, wehira ndima yose ya heshenete, wakaza mundu ose kufuma na ndima yakwe weiareha; 5Wakateta na Musa, wekighamba, Wandu waete viingi vya kukela kufika hena kutumika kwa ndima, Mzuri eaghanyie iarehike. 6Musa akaaghanya, wakaitoranya kiengoni, wekiteta, Nete wa kiume nete wa kiche asiarehe ndima ingiwa hena king’olwa cha heshenete. Huwo wandu wakaswijwa wasiete. 7Amu vindu wevihete vifikie hena ndima yose kuiareha, vikakela. 8Mundu ose mwenye ngoro ya kucha ghati yawo wenye ndima ya hema akaareha pazia ikumi ya nguo ya kitani kiiwitwe, na ngoningoni, na ngundu, na irotome: na makerubi, ndima ya mwaria, wakamaareha. 9Wueza wa pazia mwe mikono makumeri na minane, na kuarama kwa pazia mwe mikono minne; mapazia mose wa mng’ana mwe. 10Akamalunganya mapazia masano hamwe; na mapazia mengi masano akamalunganya hamwe. 11Akaareha vifundura vya ngoningoni hena lutiriwo lwa pazia mwe ghati ya kuidiwika kwa kulungania: huwo akaareha hena lutiriwo lwa some lwa pazia lingi, hena kulungania kwa keri. 12Akaareha vifundura makumi masano hena pazia mwe, akaareha vifundura makumi masano hena lutiriwo lwa pazia ghati ya kulungania kwa keri: vifundura vikaguranya mapazia. 13Akaareha vichunga makumi masano vya thahabu, akamalunganya mapazia hamwe na vichunga: huwo ikaoka hema mwe.
14Akaareha mapazia ma nyui ja mbuji hena hema wanga ya hema: mapazia ikumi na mwe emaareha. 15Wueza wa pazia mwe mikono makumi matatu, na kuarama kwakwe pazia mwe mikono minne: mapazia ikumi na mwe wa mng’ana mwe. 16Akamalunganya mapazia masano hamwe, na mapazia matandatu hamwe. 17Akaareha vifundura makumi masano wanga ya lutiriwo lwa some lwa pazia hena kulungania, na vifundura makumi masano akaareha hena lutiriwo lwa pazia lagurana na la keri. 18Akaareha vichunga makumi masano ma usango vya kulunganya hema, nesa lioke mwe. 19Akaareha funikiro la hema la mikota ya ndorome igeriwe ngundu, na funikiro la mikota ya tahashi wanga yakwe.
20Akaareha maboho hena hema ma mti wa mshitta, ma kuimuka. 21Wueza wa iboho mikono ikumi, na kuarama kwa iboho mkono na ihindi. 22Iboho imwe likaoka na vichaa viri, vya kuringanana: huwo akaareha hena maboho mose ma hema. 23Akaareha maboho hena hema, maboho makumeri hena mbai ya kusini, kusini. 24Na mawiko makumanne ma fetha akaareha si ya maboho makumeri; mawiko meri si ya iboho imwe hena vichaa vyakwe viri, na mawiko meri si ya iboho lingi, hena vichaa vyakwe viri. 25Na hena mbai ya keri ya hema, ioho hena nganda ya kaskazini, akaareha maboho makumeri. 26Na mawiko mawo makumanne ma fetha; mawiko meri si ya iboho imwe, na mawiko meri si ya iboho lingi. 27Na hena mbai ja hema hena kigwa‐izuwa akaareha maboho matandatu. 28Na maboho meri akaareha hena nganda mbiri ja hema mbai ii na ila. 29Makalunganyika si makalunganyika wanga, ghati ya pete mwe; huwo akamaarehia mose meri ghati ya nganda jose mbiri. 30Makaoka maboho manane, na mawiko mawo ikumi na matandatu ma fetha, si ya iboho lose mawiko meri.
31Akaareha miti ya mti wa mshitta; misano hena maboho ma mbai mwe ya hema. 32Na miti, misano hena maboho ma mbai ya keri ya hema, na miti misano hena maboho ma hema ma mbai ja kigwa‐izuwa. 33Akaareha mti wa ghati kuvetia na maboho kufuma la kuwoka mtano la kuidiwika. 34Akamafinikira maboho na thahabu, akajiareha pete jawo ja thahabu kuoka handu ha miti, akaifinikira miti na thahabu.
35Akaareha pazia, ngoningoni, na ngundu, na irotome, na nguo ya kitani kiiwitwe: akamaareha makerubi ma ndima ya mwaria. 36Akamaarehia ngujo ’nne ja mti wa mshitta, akamafinikira na thahabu: vichunga vyawo vya thahabu, akajiarehia mawiko manne ma fetha ichangaruke.
37Akaareha waniko la mbenge ya hema la ngoningoni, na ngundu, na irotome, na nguo ya kitani kiiwitwe, ndima ya sindano; 38Najo ngujo jakwe sano na vichunga vyawo: akaifinikira mito yakwe na tepe jakwe na thahabu: kake mawiko mawo masano ma usango.
Selectat acum:
Kufuma 36: TAVETA
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.