Yohana 2
2
OBUSWEZI BWA KANA YA GALILAYA. — ABATUNZI NIBERUKIBWA MW’EKLEZIA.
1Olunaku lwa kasatu nihabayo obuswezi Kana ya Galilaya, na nina Yezu wena yaliga aliho. 2Na Yezu wena nalalikwa ha buswezi n’abahemba be. 3Nawe evini ka yahwereho, nina Yezu namugambira ati: Tibali na vini. 4Yezu namugambira ati: Mukazi, ndi na ki n’ewe? buhicha yange tekahikire. 5Nina nagambira abahereza ati: Echo alabagambira chona, mukikorega. 6Nawe haliga haliho ensuha mukaga z’amabale zo kunabiramo Abayahudi, buli nsuha nezibwamo michuro ibili hamo isatu. 7Yezu nabagambira ati: Mwizuze ensuha amenzi. Nibazizuza koto. 8Aho Yezu nabagambira ati: Hati nimutahemo, musagalire omukuru w’emeza. Nibamusagalira. 9Omukuru w’emeza ka yarolize amenzi gahindukire vini, kai yaliga atakumanya aho yarugire, nawe abahereza abatahire amenzi baliga nibamanya, nayeta omuswezi, 10namugambira ati: Buli muntu akutandika kuleta evini nzima; abantu ka bakuba begusire, niho yaleta evini mbi; nawe iwe wabika evini nzima kuhika hati. 11Ihano elyo nilyo Yezu yatandikire kukola Kana ya Galilaya; nayoleka ikuzo lye, abahemba be nibamwikiriza. 12Kumara ebyo nagenda Kafarnahumi, wenene na nina n’abatabani babo n’abahemba be#2, 12 Lora Matayo 12, 50.; okwo tibamazireyo naku ningi.
13Paska y’Abayahudi#2, 13 Lora Matayo 26, 2. yaliga eli hehi, kai Yezu nanegera Yeruzalemu. 14Nasanga mw’eklezia abatundaga ente n’enabalega n’ameba, n’abahingyaga empilya, bekere#2, 14 Lora Matayo 21, 13.. 15Ka yagizire kuti nsanzu z’enkoba, nairucha bona mw’eklezia, n’enabalega n’ente; nasesa n’empilya z’abahingya, nazumika amero. 16Abatundaga ameba nabagambira ati: Musagare ebyo okwo, muleke kugir’enzu ya Tata enzu yo kutundiramo. 17Abahemba be nibezuka okwo byandikirwe biti: Amani g’enzu yawe gandya. 18Mbe Abayahudi nibasubamo nibamugambira bati: Okutwoleka lunyamo ki lwo kukola ebyo? 19Yezu nasubamo nabagambira ati: Nimukambure eklezia enu, kai mu naku isatu ninsuba kugyemereza. 20Mbe Abayahudi nibagira bati: Eklezia enu ekayombekwa myaka makumi ana na mukaga, kai iwe ogyemereze mu naku isatu? 21Nawe wenene yagambaga eklezia y’engingo ze. 22Mbe ka yazokire mu bafu, niho abahemba be nibezuka okwo niby’ebyo yagambaga, nibekiriza Enandiko n’ekigambo echo Yezu yatengire.
23Aho yaliga ali Yeruzalemu mu Paska, ha lunaku lukuru, bengi bakekiriza mw’izina lye, ka babwene amahano ge ago yakozire. 24Nawe Yezu wenene tiyabesigiraga, obwo wenene yabamanyaga bona, 25kai yaliga atali no kugambirwa, amanye buli muntu, kuba wenene yamanyaga ebili mu muntu.
Selectat acum:
Yohana 2: KED1946
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
First published in 1946 by the White Fathers. Published online with the permission of the White Fathers.
