Yohana 1
1
EKIGAMBO CHA MUNGU NICHEGIR’OMUNTU.
1Mbere na mbere Ekigambo#1, 1 “Ekigambo” niwe Mwana wa Mungu, Omupersona wa kabili wa Busatu Butakatifu. chaliga kiliho, kai Ekigambo chaliga kili muli Mungu, nawe Ekigambo chaliga kili Mungu. 2Echo chaliga kili mbere na mbere muli Mungu. 3Byona bikakorwa nacho: ebyakozirwe tihaliho kintu ekitakozirwe na chonene. 4Muli chonene nimwo obuzima bwaliga buli, kandi obuzima bwaliga buli musana gw’abantu. 5Omusana niguyaka mu mwirima, nawe omwirima nigubura kugusombokerwa. 6Akeza omuntu atumirwe Mungu, izina lye Yohana#1, 6 Niwe Yohana Batista, Omwebembezi w’Omukama wetu Yezu Kristu.. 7Ogwo akeza abe mbona, amanyisye omusana, bona bekirize kuba wenene. 8Ogwo yaliga atali musana, nawe wo kumanyisya omusana. 9Oliya yaliga ali musana koto, ogukubonesya buli muntu akwiza mu nsi munu. 10Yaliga ali mu nsi, kai ensi ekakorwa wenene, nawe ensi tiyamumanyire. 11Akez’owe, nawe abe tibamwikirize. 12Nawe bona abamwikirize, akabaha obukuru bwo kuba bana ba Mungu, abamwikiriza mw’izina lye, 13abatazerwe mu nsagama, abatazerwe mu kwenda kw’engingo, abatazerwe mu kwenda kw’omuseza, nawe abazerwe Mungu. 14Kandi Ekigambo kikegir’engingo, nikikara mul’itwe; mbe tukabona ikuzo lyacho, kuti ikuzo ly’Omwana nagumo wa Tata, kizwir’enema n’obukomereza.
YOHANA NAMANYISYA YEZU. — ABAHEMBA BO KUTANDIKA.
15Yohana naba mbona ye, nahamuka nagira ati: Onu niwe owe nagambahoga nti: Niwe alindug’enuma, akunkira, kuba yaliga anibemberere muno. 16Ha buhango bwe niho twena twatungirwe n’enema n’enema. 17Kuba si ebilagiro tukabihabwa Musa, kai enema n’ebikomereze bikagirwa Yezu Kristu. 18Mungu tihaliho ayamubwene n’akati; Omwana nagumo, ali mu kifuba ch’Ese, niwe yamumanyisize. 19Kunu nikwo kumanyisya kwa Yohana, olw’Abayahudi ba Yeruzalemu batumire abaserdoti n’abalevita#1, 19 “Abalevita” nibo abantu abaherezaga abasaserdoti mw’eklezia ya Yeruzalemu mu milimo zabo mitakatifu. hali wenene kumubuza bati: N’iwe ga? 20Akekiriza, tiyayangire, akekiriza ati: Kuba ine tindi Kristu. 21Nibamubuza bati: Kai n’iwe ga? Si n’iwe Eliya? Nagira ati: Tindi Eliya. Bati: Oli mulagi: Ati: Pai. 22Aho nibamugambira bati: Iwe si, n’iwe ga? tutengere abatutumire; okweyeta ota? 23Nagira ati: Ine ndi ilaka ly’akuhamuka mu mbuga ati: Mugorore omuhanda gw’Omukama, nka nikwo omulagi Izaiya yagambire. 24Nawe abatumirwe baliga bali Bafarizayo. 25Nibamubuza bati: Mbe kai okubatiriza ki#1, 25 Lora Matayo 3, 6 na 3, 11., raba otali Kristu, Eliya wena pai, omulagi wena pai? 26Yohana nabasubiramo ati: Ine nkubatiza mu menzi; nawe hagati yanu haliho ondi owe mutakumanya. 27Niwe ogwo alindug’enuma, nawe yaliga aliho, ine ntakabereho; ogwo ine timpikire kusurumula olukoba lw’enketo ze. 28Ebyo bikagwa Betaniya, ha ngego ya Yordani, niyo Yohana yaliga nabatiriza.
29Lunaku lundi Yohana nabona Yezu namwizaho, nagira ati: Ngugwo omutambwa wa Mungu, niwe akwihaho ebiheno by’abantu#1, 29 Yezu bakumweta “Omutambwa wa Mungu”, obwo yezire mu nsi kwetambira Ise amuchuleze, nk’okwo kara Abanaisraeli batambaga akanabalega, bahiche kuchuleza ebiniga bya Mungu.. 30Ogwo niwe nagambahoga nti: Omuntu akundug’enuma, ayantandikire, kuba anebemberere hara. 31Ine naliga ntamumanyaga, nawe ahiche kumanywa mul’Israeli, nicho nezire nimbatiriza mu menzi. 32Yohana akamanyisya nagira ati: Nkabona Omwoyo niguhanantuka kuruga mw’igulu, kuti eliba, nigwikalira ha luguru lwe#1, 32 Lora Matayo 3, 16 na Marko 1, 10 na Luka 3, 22.. 33Ine tinamumanyaga, nawe ayantumire kubatiriza mu menzi, niwe yangambire ati: Owe olabona Omwoyo niguhanantukiraho, nigwikalira ha luguru lwe, ogwo niwe akubatiriza mu Mwoyo Mutakatifu. 34Ine nkabona, nimmanyisya okw’onu ali Mwana wa Mungu koto.
35Lunaku lundi Yohana yaliga aliho na babili bo mu bahemba be. 36Nalorera Yezu nalibata, nagira ati: Ngugwo Omutambwa wa Mungu. 37Abahemba babili nibamuhulira nafumora, nibaruba Yezu. 38Yezu, ka yekebukire akabona nibamuruba, nagira ati: Mukuhiga ki? Bonene nibagira bati: Rabbi, (nikwo kugira bati: Mwolekerezi), otwire hai? 39Nabagambira ati: Nimwize mulore. Nibeza nibalora aho yaliga atwire, olunaku olwo nibasiba nage, zaliga zili kuti saha ikumi. 40Omo wa babili abahulire Yohana yaliga ali Andrea, mutabani wabo Simoni Petro, nibamuruba. 41Ogwo natandika kubona mutabani wabo, Simoni, namugambira ati: Tubwene Masiha (owe bakweta bati: Kristu)#1, 41 “Masiha” niwe Omulagwa owe Mungu yaliga alagire ha buhangi bw’ensi, aize kuchungula abantu; Yezu Kristu niwe Masiha.. 42Namusagara hali Yezu. Mbe Yezu, ka yamwetegereze, nagira ati: Oli Simoni, mwende Yona; olyetwa Kefa (nikwo kugira oti: Petro)#1, 42 Lora Matayo 16, 18.. 43Obwire kucha yayendaga kuza Galilaya, nasanga Filipo. Yezu namugambira ati: Nondube. 44Filipo yaliga ali wa Betsaida, mu charo cha Andrea na Petro.
45Filipo ka yabwene Natanaeli, namugambira ati: Owe Musa yayandikire mu Kilagiro n’Abalagi, tumubwene: niwe Yezu, mwende Yozefu, wa Nazareti#1, 45 Filipo akuchwa ati: Yezu ni mwende Yozefu, obwo yamuleraga.. 46Natanaeli namugambira ati: Nazareti hakuhicha kurugayo ekintu kizima? Filipo namugambira ati: Noize, olore. 47Yezu ka yabwene Natanaeli namwizaho, namugambira ati: Ngugwo Omunaisraeli wa kimo, atalimo buzigi. 48Natanaeli namugambira ati: Okammanyira hai? Yezu nasubamo namugira ati: Filipo sanga atakakwesire, aho sanga oli ifwo y’omutini, ine nakubwene. 49Natanaeli namusubiramo nagira ati: Rabbi, n’iwe Mwana wa Mungu, n’iwe mukama wa Israeli. 50Yezu nasubamo nagira ati: Wekiriza, obwo nakugambira nti: Nakubona ifwo y’omutini; okwiza kubona ebikukira ebyo. 51Namugambira ati: Koto koto nkubagambira nti: Mulibona igulu nilikinguka, n’abamalaika ba Mungu nibahanama nibahanantuka ha Mwana w’omuntu#1, 51 Lora Matayo 8, 20..
Selectat acum:
Yohana 1: KED1946
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
First published in 1946 by the White Fathers. Published online with the permission of the White Fathers.
