Mateu 1
1
Isus at ngay Mangaguyang
Lk 3:23-38
1Katatuy Isus tam Fun at ngay mangaguyang nu gdaddagan. Kanya Dabid ay Abrayam at kasugfunanan.
2Abrayam at baguama, Isak, ay at fufu, Akub, ay at fufu tud, Uda fag duksayan.
3Uda at ngay baguama siginans Tamar, Peres ay Sera. Peres at baguama, Esrum, ay at fufu, Aram.
4Aram at baguama, Aminadab, ay at fufu, Naksun, ay at fufu tud, Salmun.
5Salmun at baguama siginans Rakab, Buas, ay Buas at baguama siginans Rut, Ubed, ay at fufu, Ese.
6Ese at baguama, fun Dabid, ay fun Dabid at baguama, Sulumun, siginan Uryas at fagbubayun.
7Sulumun at baguama, Reubuam, ay at fufu, Abyas, ay at fufu tud, Asa.
8Asa at baguama, Eusafat, ay at fufu, Uram, ay at fufu tud, Usya.
9Usya at baguama, Utam, ay at fufu, Akas, ay at fufu tud, Esekyas.
10Esekyas at baguama, Manase, ay at fufu, Amus, ay at fufu tud, Usyas.
11Usyas at ngay baguama, Ekunya fag duksayan. Ginanya, ngay taw Udyu natabanan sas talun Babilunya.
12Ay nu natabanan wan, katatuy at ngay kasugfunanan: Ekunya at baguama, Sealtiel, ay at fufu, Serubabel.
13Serubabel at baguama, Abyud, ay at fufu, Elyakim, ay at fufu tud, Asur.
14Asur at baguama, Saduk, ay at fufu, Akim, ay at fufu tud, Elyud.
15Elyud at baguama, Eleasar, ay at fufu, Matan, ay at fufu tud, Akub.
16Akub at baguama, Use, ay Use, Maria at indugan. Maria, Isus at mina. Isus at ngayan tiba te, Dius at nafili fag Fun.
17Kayu nya at mangaguyang siginans Abrayam sitsigons Dabid, labi ufatk kasugfunanan. Ay siginans Dabid sitsigon ngay taw Israel nu gatabanan sas talun Babilunya, labi ufat yangayk kasugfunanan. Ay siginan nu gatabanan sas talun Babilunya sitsigon Dius at nafili fag Fun,#1:17 Dius at nafili fag Fun: sas Griegu, Kristu. labi ufat yangayk kasugfunanan.
Isus nu Kasalug
18Katatuy Isus, Dius at nafili fag Fun nu kasalug. At mina ban Maria, Use at bubay ban. Ay gina kafag dua yud an-gamut, Maria nasaful te, gfafion wan siginan at Masine fag Falad. 19Ay Use, Maria at indugan ban, kanya sik taw matuyan, ay wa kaylat gfaplan Maria, ay nu katanya at amatanganan gsuksuk nu gfasaruayan anya.
20Ay gina Use namatangan katanya, tam Fun at tagbarita at sadi ansure sa anya sit taginfan ay glong te, “Use, fun Dabid at kasugfunanan, lag kalimu nangadadwa sas Maria, am bubay ban, aroro at fagfafionun siginan at Masine fag Falad. 21Ay kanya gfasalug ban sik munama. Fangayani ban anya te, Isus, aroro kanya at namalangfe ban at ngay taw siginan at ngay asalanan.”
22Ay ansure wan katanya laman gfafasludan tam Fun at longan ebi ataw siginan at taglong at sadi te, 23“Sik baguina ban gfafion ay namasalug sik munama. Ay e gfangayan ban anya te, Emanuel.”#1:23 Isayas 7:14. (At masuad te, Dius si antam.)
24Ay Use nu nfulo wan, kanya nafaning tam Fun at tagbarita at longan, ay andadwa wan. 25Ay Use ya gfataladan Maria yakmay ansalug at fagfafionun fag munama. Ay nu nsalug wan, Use nafangayan anya te, Isus.
Selectat acum:
Mateu 1: OCCT
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
Copyright © 2021 by OMF International, Philippines
