Malika 14

1-2: Mat. 26, 1-5; Luk. 22, 1. 2.

1Neke fyasigye ifigono fivili ukufika pasa, ikyâka kya vugali uvundzila-luhâfu. Neke baho navatekedzi avavina navakagulihâte neke vasa-kudzage uvubanga vwa kumwibatila neke vamu-vŭlage.

2Neke vatigilage: tutane ukumwibata pakyâka, valatugalukila avanu vonda.

3-9: Mat. 26, 6-13; Joh. 12, 1-8.

3Neke avye agenda mu-Betanija, muńumba ja Simono umuńa-fińa-muvili, avye ali mukulya ifilyo, neke baho ahegêlelage ukwakwe umukiṅinavo jumwi, je ańamwe isupa ja mono indzila-vudzulufu, inalamu mbandu, neke ajipimulage isu-pa jakwe neke amusukulilage pamutwe.

4Neke baho avangi, avali baho, neke vadzinage neke vatigilage: itagasa dza kiki imono dzakwe?

5Ndivwene aka agulage imono idzi, apo ngali vasavile amalupija, apo ngali galutye na pamagana gadatu (300) uvolofu, apo ngali vavagavahidze avahangala. Neke baho vamukeńelage umukiṅinavo.

6Neke baho umwene Jesu atigilage: mumuleke umukiṅinavo uju, mutane ukumudasa, andimye amalimo amanofu june.

7Ndivwene avahangala avo muli navo mbêpali, ngana mutigye muvapelage ifinofu, mbêpali apo vasijagile nda. Neke unene je ndisivedza apeńo mbêpali nda.

8Aletye ṅani uju, lwe aluvwene, atalye ṅani ambakile imono idza kusilila june.

9Ndakyene unene ndikuvavula nditigila: monda mu-ńi, mwe liladalikwa ilyevangeli, na ju mukiṅinavo uju amalimo gakwe, ge alimile, galalongwa, galavedza ga kumukumbuka nave.

10-11: Mat. 20, 14-16; Luk. 22, 3-6.

10Neke baho Juda u-Isikalyoto, je ali va vańikyumi navavili, neke je ahelelage kuvatekêdzi avavina neke akalongage navo ulwa kuvasutulila u-Jesu.

11Neke avene, vavye vapulike ulu, neke baho vakelage mbandu neke vatigilage: tukukuhomba amalupija, neke baho umwene asakulage pavwimilo apakumusutulila.

12-16: Mat. 26, 17-19; Luk. 22, 7-13.

12Neke pakigono ikilongodzi ikya vugali uvundzila-luhâfu, pe va vikomela nakakolo ka pasa, neke baho vamuvudzage avańigendwa vakwe neke vatigilage: uveve utigye tukahelelage kwi mukuvujapa (akakolo ka) pasa?

13Neke baho umwene avatumage avańigendwa vakwe vavili neke atigilage: muhelelage pakâja jila, kwe mudzitaṅanika numunu, itwikile indzilo ja lulenga, je mukamuninile jujo.

14Mukingilage najuńe, mwe ikwingila umwene neke mwe mukalongane numwene-ńumba mukatigilage: umwiganidzi atigye: jilikwi ińumba, kwe vwitigila ndililage pasa? 11, 3.

15Apo swe mulavona akuvalaga ińumba ija kukyâńa inofu, kwe vavikile nifitêngo, kwe mukavujape ifilyo ifya kulya unefwe.

16Neke baho avańigendwa vakwe vahumage neke vahelelage mukâja jijo neke vakavonage lugendye mwe lwe alongile ju mwene. Neke baho yavujapage ifilyo fya pasa.

17Neke lino, vuvye vuhwe pakya mihe, neke lino ingilage mumo navańigendwa vakwe vańikyumi navavili.

17-25: Mat. 20, 20-29; Luk. 22, 14-23; Joh. 13, 21-26.

18Neke vavye vakoṅomye pakulya, neke baho Jesu avalongelage avańi-gendwa vakwe atigilage: ndakyene ndikuvavula unene nditigila: uńeńe, je twihanga pamwinga pakuly’ańe, pwali jumwinga umuńa-kusutula unene.

19Neke baho vahugu-valage neke vamuvudzage jumwijumwi vatigilage: vona je nene?

20Neke umwene avalongelage atigilage: jumwinga uva vańikyumi navavili, je twikwigeleṅasa amavoko ikitonga kimwinga.

21Neke umwene umwâna va munu ujo ihelela, ndevye jikumutambula ihâte. Iga juve, ve munu, je ukumusutula umwâna va munu. Umunu jujo ali atane nukuvonekei’ivala.

22Neke lino vavye vagenda pakulya, neke Jesu inulage uvugali neke ahongedzage neke ameguliṅasage neke avapelage vavo neke atigilage: kote, uvwene uvu gwe muvili gwangu. 1. Kol. 11, 23-25.

23Neke inulage nikińwelo neke ahongedzage neke avapelage vonda neke vańwelage kikyo.

24Neke avalongelage atigilage: je danda jangu ija lufingo, je ndivitye avolofu.

25Ndakyene unene ndikuvavula nditigila: ukuhuma ku neṅuli sindilavuja mbwile kangi ukuvuńwa uvwa meke dza vutoṅoni uvu ukufika kukigono, kye ndilańwela uvupya hela kuvutwa vwa Nguluvi.

26-31: Mat. 26, 30-33; Luk. 22, 31-34. 38.

26Neke baho vimbage ulwa kumulumba Nguluvi neke baho vahumilage pivala neke baho valungamilage kukidunda ikimono.

27Neke baho Jesu avalongelage atigilage: ikilo iki mwivonda mulatigila muńa-kutwambudza uju, pakuva lolilwe pahâte ulwitigila: „ndilamutova umudimi, apo swe baho iṅolo dza kipinga kyakwe dzilapalaṅana.“

28Neke pe ndidzulubwike, ndilavalongolela ukuhelela mu-Gahiaja. 16, 7.

29Neke Petele atigilage: napo ngana avangi vonda vitigila: ulavedza muńa-kutwambudza uveve, unene ulo nda.

30Neke apilusage Jesu atigilage: ndakyene uńeńe ndikukuvula nditigila: ki kilo ikya neṅuli iki, indzogolo pe jisina jivanga ulwa kavili, apo uveve ve vwikanile kadatu ukwangu ukuta sindimudzelye unene. Joh. 13, 38.

31Neke umwene adzufyage pakulonga atigilage: napo, nde Tuka luvedzage lwa kufwa, napo tuka tudzifwilanila ndesi, sindika ndikwikana ukuta sindimudzelye nda. Neke vonda navajagwe neke valongage lulo.

32-42: Mat. 26, 36-46; Luk. 22, 40-46.

32Neke baho akadzifi-kage kuluvandza, lwe vitigila Getesemane ilitavwa. Neke umwene alongage kuvańigendwa vakwe neke atigilage: mwikale bahano uńeńe, unene ńdihelela mukulapangila tândi. Joh. 18, 1.

33Neke avinulage ava-Petele na Jakovo na Johana neke avahelelage navo. Neke baho akŏle mukuhilila neke ańeṅemalage.

34Neke baho atigilage: umutima gwangu guńeṅemye kondakonda, ndili ngita ndi muńa-kufwa swe. Mwikale baha uńeńe, muvedzage mîho. Joh. 12, 27.

35Neke umwene adalusage padebe neke baho agundamage pańi neke alapangilage atigilage: isala iji ngana sijilemwa, jingadzumba apangu.

36Neke atigilage: aba, ve dâda, uveve kisikulemile kinu, ungakidzufya ikińwelo iki apangu; neke utane ukugendela, lwe ṅelye unene, ugendelage, lwe ukelye juve. 10, 38.

37Neke akapilukage neke adzage avone dzivatolile itulo. Neke baho alongage nu-Petele neke atigilage: Simono, dzikutolile itulo, jikulemile nisala jimwinga ukuva mîho uveve?

38Muvedzage mîho, mulapangilage, ukuta lutane ukuvagwila ulugemyo uńeńe. Ugwene umubepo gwidike neke ińama ja muvili ijo ngajangufu.

39Neke avwilage kangi ukuhelela mukulapangila neke akalongage amadzwi gago, ge alongile umutalo.

40Neke baho akadzage kangi neke avonage kangi dzivatolile itulo, vavwene amîho gisindzila, neke vasadzidzelaga na dze vipilusa.

41Neke baho akadzage kangi ulwa vudatu neke alongage navo atigilage: mugonage mwapule, mupolage. Swe lino isala jifikile. Lolage umwâna va munu vikŏla mukumusutulila mumavoko ga vahosi.

42Mulamuke tugendage, ali pîpi, je akŭsutulila unene.

43-54: Mat. 26, 47-58; Luk. 22, 47-55; Joh. 18, 2-18.

43Neke baho nakalingi, pe ali mukulonga amadzwi aga, neke baho vavonage huju adzile Juda u-Isikalyoto, uva pikyumi navavili, avaletile avanu ililugu, avakŏlelye nifyûfya nisondzo, avahumile na kuvatekedzi avakomi nakuvakagulihâte naku-vandzagila ikisina.

44Neke umwene umudumusi akavalongye ikimańilo ukuta: je mudzi-vwene ndikumunonela kumulomo, apo je mwene jujo, je mukamwibate, neke mumuhegage nave vunofu, atane ukukimbila.

45Neke lino, avye afikile (Juda), neke baho âńililage mumuvili gwa Jesu neke atigilage: ve mululema vangu! Neke baho amunonelage kumulomo.

46Neke baho avene neke vadamikage amavoko kwa Jesu.

47Neke baho avene, avimile baho, neke ujungi ahumyage umumage gwakwe neke amuhengage umuvanda va mutekedzi umukomi neke alidumulage ilisikidza lyakwe umwinga.

48Neke baho Jesu avahigage atigilage: pe mwadzile mukundzibata unene, muli ngita mukumwibata umukufi, mukolelye nifimage nisondzo.

49Ka ifigono fyonda, pe ndavulanidzaga mutembele, musali mundzibataga? Neke lino swe, pakuva lugendye baho, ndevye jilonga ihâte.

50Neke baho vonda vamulekage neke vakimbilage vonda.

51Neke baho pali pwali umukwamidzi, je afwete umwênda gwa kwitodza, neke vamwibate.

52Neke baho umwene avalekelage umwênda neke akimbilage kibŭna.

53Neke umwene Jesu neke vamukwegelage neke vamuhelelage nave pamutekedzi umukomi, pe valundanye navatekedzi avakomi navandzagila ikisina navakagulihâte.

54Neke umwene Petele aninilage pavutali neke akafikage navo pańumba ja mutekedzi umukomi, neke akikalanilage navivaha pakota umôto.

55-65: Mat. 28, 69-68; Luk. 22, 63-71; Joh. 18, 19-24.

55Neke avene navate-kedzi avavina na lu lulundano londa ulwa vahiga-nôngwa neke vasakulage idza kumugoma Jesu pakumuvŭlaga, neke kangi valemwage.

56Ndivwene avolofu volekaga idza vudesi kwa Jesu neke uvolesi vwanavo vutane ukutaṅana vunofu.

57Neke baho vimage avangi neke volekage idza vudesi neke vatigilage:

58unefwe tupulike, pe itigila: unene ndimamula ikyânga kya tembele iki, je vadzengile namavoko, neke kangi unene ndilakidzenga ifigono fidatu swe ikingi, ikidzila-kudzengwa namavoko. Joh. 2, 19.

59Neke na dzidzi idzi, pe vikudzilonga, neke nadzo vavonage sidzihanga vunofu nda.

60Neke baho image pagati umutekedzi umukomi neke amuvudzage atigilage: dzonda idzi, dze vakukulondza ava, uveve usipilusa kinu?

61Neke umwene idzi-kilage hela, nambi kupi-lusa kinu. Neke baho umutekedzi umukomi neke avwilage kangi ukumu-vudza neke atigilage: u-Kilisiti, umuswamuve va muńa-kulumbwa, je veve? 18, 6.

62Neke umwene Jesu atigilage: e, je nene! Neke mulamuvona umwâna va munu, pe ikalile kwivoko ilya ndyo, ilya mu-ńa-ngufu, pe ikwadzila mumafunde ga kukyâńa.

63Neke baho umutekedzi umuvina neke ademuliṅasage nisopeka dzakwe neke atigilage: tukatigye tuvasakulage avangi vakiki, avańa-koleka?

64Mupulike najuńe, pe akumuliga Nguluvi. Ndavuli uńeńe? Neke baho vonda vatigilage: je va kufwa. Joh. 19, 7.

65Neke baho avangi vakole mukumufuńila amati kumîho neke vamufunikage kumîho neke baho vamutovage nifundzi neke vatigilage: ongo lino, uvilage! Neke navivaha navo neke vamwaṅanidzage nifivâte.

66-72: Mat. 26, 69-78; Luk. 22, 66-62; Joh. 18, 17. 26-27.

66Neke umwene Petele, pe ikalile pańumba ija pasi muvudamo, neke baho umuvanda jumwi va mutekedzi umuvina, umukińinavo, adzage,

67neke pe amuvwene Petele ikota umôto, neke baho amumehage neke amutigilage: najuve uli mujagwe va Jesu, uva mu-Nasalete jula.

68Neke umwene Petele neke akanage atigilage, hamu, unene sindimudzelye, nukudzifika singudzifika, dze vwilonga. Neke ahumage kwivala neke ahelelage kuluvandza.

69Neke umwene umukiṅinavo, pe amuvwene, neke baho avwilage kangi neke avavulage, avali baho, neke atigilage; umunu uju je mujagwe va jula.

70Neke umwene Petele neke kangi akanage. Neke pe vatinidze padebe, neke āvimile baho neke valongage nu-Petele vatigilage: ndakyene najuve ve vajago vala, tuvwene uli mu-Galilaja.

71Neke baho umwene iligilidzage neke nukujiga ajigage atigilage: unene sindimudzelye ponu umunu , je mukumulonga ujo.

72Neke baho imbisi jivangage ulwa vuvili. Neke baho Petele ivukage ilidzwi, lye amulongye u-Jesu, lye atigye: pe jisina jivanga imbisi nulwa ka-vili, apo uveve ve vwikanile kadatu ukwangu, vwiva utigye sindimudzelye unene. Neke baho alu-kumbukage neke avembage nukuvemba. v. 30.

Selectat acum:

Malika 14: II

Evidențiere

Partajează

Copiază