Malika 13
13
1-37: Mat. 24; Luk. 21, 5-36.
1Neke lino, avye ihuma mutembele, neke umuńigendwa vakwe jumwinga neke atigilage: ve mwiganidzi, udzumage na ga maganga aga, udzumage nimidzengele igi.
2Neke umwene Jesu neke apilusage atigilage: ukugivona gyonda imidzengele imikomi igi? Nambi limwi iliganga lisilagelama pe liganga ilijagwe, ilindzila-kukunamulwa.
3Neke lino, pe avye akoṅomye pakidunda, pe ilolela amîho patembele, neke baho vamuvudzage ava-Petele na Jakovo na Johana na Andeleja neke vatigilage:
4ungatuvūlaga ikigono, kye dzilavonekela idzene idzi, kye kilikwi? nikimańilo kilavedza kilikwi, kye dzilelelukila dzonda idzi?
5Neke baho Jesu amulage pakulonga atigilage: mwilembage, mulolage ukuta al’atane ukuvadzanga jungi.
6Valadza avolofu, valimila mwitavwa lyangu, valatigila je nene nde Kilisiti, valavafunda avanu avolofu pitavwa lyangu.
7Neke lino nde lusiku, nga mwali mupulike nimigoha ningōlo dza magona, mwali mutane ukutinuka, dze dzińa-kutala dzivoneke tândi idzi, neke idza vwapulilo pele dzave tândi.
8Ndivwene ikipelela ikimwinga kilakigalukila ikipelela ikijagwe numutwa uva ńi jimwinga alamu-galukila umutwa umujagwe uva ńi ijingi nikilindima lcilalindima fivala-fivala, filavedza nilipunge nilitulo ińi dzonda.
9-13: Mat. 10, 17-22; Luk. 21, 12-17.
9Neke dzond’idzi lwe lwamulilo lwavuvafi. Apo uńeńe mwali mwilembage, uńeńe valavasutulila pavuhigilo vwa nôngwa dzanavo, neke muńolanilo dzanavo mulatovwa, valavalunundila na kuvakomi na kuvatwa vanavo, pakuva muli vangu. Dze dza kuvolekela avene.
10Ilyevangeli lińa-kuda-likwa tândi kuva-pivala vonda.
11Neke lino ulwene, nde vavedzage vakuvasutula, vakuvasindika kuvańa-ku-vahiga, apo mwali mutane ukwiganihidza ṅani, ukuta lino tudzilongaga kiki, hamu, mwali mudzovage, dze alavapela ju mwene pasala jijo, mwali mulongage dzidzo dzene. Ndivwene musilalongajuńe, hamu, alavalongela ju Mubepo umwîmike.
12Neke navali kyânamunu valikwegela vavo vene mukwisindika kuvuvuladzi neke udadye alamutegulila umwâna kuko ndesi neke navâna valavagalukila avavaha vanavo pakuvavŭlaga.
13Vonda avanu valavanuńa uńeńe ulwa litavwa lyangu. Neke umunu, ngana akwigugumihidza mulidzwi lyangu ukufika kuvwapulilo, ujo alanana.
14Neke mulava mwivona ikińa-lugagi ikipala-ṅasa kimile pe kisivagye pakwima (neke je akuluvona pahâte ulu, aluletelage uluhala), apo vali vakakimbililage mufidunda vonda, avagenda mu-Judaja.
15Neke je agenda piki-ńa, ali atane ukwingila muńumba jakwe mukwinula kinu.
16Neke na je alăva avukile kudâsi, ali atane ukupilukila kukâja mukwinula umwênda gwakwe.
17Iga avakiṅinavo ava mwâka gugo na vańa-vuvaha navikosa!
18Mulapangilage uńeńe, ukuta ulukimbila lwali lutane ukuvafika pakifuku.
19Ulupumuko lwa kigono kikyo lulavedza lolofu, lusilavuja luvoneke nulujagwe ukuhuma pe agavaga Nguluvi ińi ukufika kulino kuno, kangi lusilavuja luvoneke ulujagwe ulungi nambi kwe mbele.
20Neke Nguluvi aka atane ukufikefya ifigono fifyo, apo asali ipona munu. Neke lino umwene alakefyaifigono fifyo, ukuta avahăle vakwe, ve avahălile, vali vapone.
21Pafigono fifyo, ngana mwali muvone jumwi itigila: mulolage Kilisiti uju kuno nambi jula kula, apo uńeńe mwali mutane ukumufuvwa.
22Neke valavoneka [na va-Kilisiti avadesi] navavidzi avadesi, valavonesa nifilôle ifyolofu nimitu, igya kuvajadza avahagulwa vonda, nde sivilemwa.
23Lino mwilembage uńeńe, ndivalongye ṅani dzonda.
24Pe vahumile mukupumuka ulupumuko lwa figono fifyo, apo na li lidzuva lilatilivala na gu mwêdzi gulakepuka umwēsêla.
25Na dzi nondwe dzila-gwa ningufu idza kukyâńa dzilajuganika.
26Apo valamuvona umwâna va munu ukwadzila mwifunde, pe ikwadza ningufu nindolo dzakwe.
27Apo alavatuma avańa-mwandza vakwe, ve vala-valundasa avahagulwa vakwe, valahuma navo kumivelo gyonda gye gitaji, ukuhuma kulubali lwa ńi ukwapulila kulubali lwa vulanga. Mat. 13, 41.
28Mulolele pamubiki umudzombe ulwa kumańagidza; pe mwivona gutufidze, gununike nukununika utuhamba utudeke, apo mukulukagulila baho ukuta ikifuku kyadzile kili pîpi.
29Luli ndeni najune, ngana mwali mudzivone dzonda idzi, pe dzikwadza, pe mwali mulukagulilage baho ukuta ahegelye ali pamulyango.
30Ndakyene unene ndikuvavula nditigila: avanu avalino ava vasijaganika, pe vasina vadzivona dzonda idzi.
31Nija kukyâńa nija pasi ińi idzo dzilajaga, ńeke agene amadzwi gangu ago gasilajaga.
32Neke ikyene ikigono kikyo nisala jakyo, ikyo asikidzelye munu navańa-mwandza va kukyâńa vasikikagwe na ju muswamuve asikidzelye, akidzelye ju dâda mwene.
33Lino mwilembage muvedzage mîho, ndivwene musigudzelye umwâka.
34Fitegine nde munu, je ihega ilikasi, je ihuma muńumba jakwe, je ikuva-pela avavanda vakwe uvutavulilwe, uju uvwakwe na uju uvwakwe, na ju muńa-kulolela umulyango ikumulagīlidza itigila: muvedzage mîho. Mat. 25, 14; Luk. 19, 12.
35Apo muvedzage mîho, ndivwene musikumuvona imifikile umuńa-ńumba pakwadza, nde itega pamihe, nde itega pakilogati, nde itega pe jivanga imbisi, nde itega ulwa milavu. Luk. 12, 88.
36Nditigila muvedzage mîho najuńeńe, vone vuli mulavona asihāva pakwadza, alavavona mugonelye.
37Neke idzi, dze ndikuvavūla uńeńe, dze ndikuvavūla vonda nditigila: muvedzage mîho.
Selectat acum:
Malika 13: II
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
New Testament in Bena © Bible Society of Tanzania, 1958.
