Luka 19
19
1Neke ingilage mu-Jeliko neke adzumbanidzage.
2Neke lino mukâja jijo mwe ali umunu jumwi, je vatigilaga ilitavwa je Sakaja, umamavo va vaha-kipembe, umuńa-mâli indzolofu;
3neke je agulwime ukumuvona Jesu, nde alikwi, neke lino alemwage, pakuva avanu vali volofu, neke umwene ikîmo ali mufupi.
4Neke baho ańililage kuvutalo neke akinukage mumubiki umudzombe, ukuta ndimuvone, pe idzumbanidza, pakuva pali paṅasi ija kudzumbanihidza umutwa.
5Neke lino umwene Jesu, avye afikile bahe ali, neke baho alolage mukyâńa neke amuvonage neke atigilage: Sakaj’ave, vwikage kisatu, ndivwene neṅuli nigye ndikale pańumba jako.
6Neke baho umwene ikage kisatu neke akelage mbandu pakumwanukila umutwa.
7Neke lino, vavye vamuvwene, neke vaṅulage vatigilage: ikwingila mukupolela muńumba ja muhosi! 15, 2.
8Neke u-Sakaja image baho vudondya neke amulongelage umutwa atigilage: ulolage, ve mutw’ave, lino imâli jangu jonda ndigavasa pagatinagati, mbali jimwi ndipela avahangala. Na je ndamubuganidze ifyakwe, ujo ndikumuhomba fitaji pakyakwe ikimwinga, kye ndalye.
9Neke umwene Jesu alongage ulwa jujo atigilage: neṅuli uvupoki vujigwilye ińumba iji, ulwa kuva na ju munu uju nave mukina-Abalahama. 13, 16.
10Ndivwene umwâna va munu adzile mukuvasa-kula avasokye, adzile mumukuvapoka. 5, 32; 1. Tim. 1, 15.
11-27: cf. Mat. 25, 14-30.
11Neke lino vavye vali mukudzipulihidza idzi, neke baho ongeledzage pakuvalongela nikimańagi-hidzo; avwene ahegele-hidze mu-Jelusaleme, neke avene vahambulaga uvutwa vwa Nguluvi vwikola mukuvonekela baho-baho hela.
12Neke atigilage: umunu jumwi umutambule ahelelaga ku-ńi ija patali mukwanukila uvutwa vwakwe neke atigilage ndiladzipiluka kangi. Mal. 13, 34.
13Neke avakemelage avavanda vakwe vańikyumi neke avapelage ififunge fya mâli fińikyumi, fivedzage fya kukuvila kwene-mbele, pe ńelye.
14Neke lino avene avavanda aveneka vakwe vamusulile neke baho kumbele ukwakwe neke vamutumilage avańa-mapelela, avakutigila: tusikelye unefwe ukuta avedzage je mutwa visu uju. Joh. 1, 11.
15Neke lino, avye apilwike, kwe ali mukwanukila uvutwa vwakwe, neke baho umwene atigilage: muṅemelelage avavanda vangu, ve ndavapelye ififunge fya mâli jangu, ndimuvonage jumwijumwi, mwe akuvye.
16Neke baho ahegēlelage umulongodzi neke atigilage: ve mutw’ave, ikifunge kya mâli jako hiki kikuvile ififunge ifingi ifijagwe fińikyumi.
17Neke baho umwene atigilage: ena ndzavo, ve muvanda vangu, ve munofu, ndikukudzagidza uvundzagila vwa kâja dzińikyumi, pakuva vwali muńa-vufuvo na pavudebe. 16, 10.
18Neke baho ahegēlelage nuva vuvili neke atigilage: ve mutw’ave, ikifunge kya mâli jako kikuvile ififunge ifingi ifijagwe fihanu.
19Neke amulongelage atigilage: najuve ndikukudzagidza uvundzagila vwa kâja dzihanu.
20Neke na ju jungi nave ahegēlelage neke atigilage: ve mutw’ave, ikifunge kya mâli jako ndavopile mukênda aka lifŭke,
21ndivwene ndogopaga ukwako, pakuva uveve uli munu uli musîfu, vwitola hela na fye uslvikile, vwibena na mwe usami-dzile.
22Neke umwene apilusage neke atigilage: ndikukukĕlela dzi dzihumile mumulomo gwako, ve muvanda ve muhaluk’ave. Vwandzelye nukuta unene ndili munu ndili musîfu, vwandzelye nukuta nditola na fye ndisivikile nukufibena na fye ndisa-midzile?
23Apo vwali nakiki ukuvatavulila ifesa jangu avisafya niligonyo? Neke lino pe ndījadzye, apo ngali ndikwijinulilila pamwi niligonyo.
24Neke baho avalongelage avimile baho neke atigilage: mujanukage imâli jakwe mumupelage, je ali nafyo ififunge fińikyumi.
25Neke avene vatigilage: ve mutw’ave, mańi ali nafyo fińikyumi.
26Muleke ndiyalongele unene: je ali nafyo ifingi, je alongeledzwa na fi fingi pakupelwa; neke lino je asili nakyo, je alanukwa na ke ali nako. 8, 18; Mat. 13, 12.
27Neke avene avatavangwa vangu vala, avakanile ukuta nditane ukuva ndili mutwa vanavo unene, ve muvaletage kuno, muvakegetage, pe ndilola najune.
29-38: Mat. 21, 1-9; Mal. 11, 1-10; Joh. 12, 12-16.
28Neke lino avye alulongile ulu, neke agolokage hela ukuhelela ku-Jelusaleme.
29Neke lino vavye vavwene vahegelidze mu-Betefage na mu-Betanija, vavye valungamye pakidunda ikimono ilitavwa, neke baho avatumage avańigendwa vakwe vavili.
30Neke atigilage: muhelelage mukâja jila, je filoleṅine, neke pe mudzifikile, apo mudzikuji-vona indzana ja mbûnda vajavike, je asina apanda nambi munu ponu. Je mukajavule, mukandetele kuno.
31Neke ngana muvwene umunu ikuvavudza itigila: mwikwavula ja kiki, apo mukatigilage: pakuva umutwa ajigulwime.
32Neke baho, pe vihelela ve avatumile, neke vakavonage dzili ndesi, ndevye avalongye ju mwene.
33Neke lino, pe vikwavula indzana-mbûnda, neke baho avene-najo vavudzage vatigilage: mwikwavula ja kiki indzana-mbûnda ijo?
34Neke avene vatigilage: umutwa ajigulwime.
35Neke vajiletage kwa Jesu. Neke baho valage imyênda gyanavo pakyâńa pakyâna-mbûnda neke umwene Jesu neke vamwinusage.
36Neke avye ihelela, neke valage nimyênda gyanavo muṅasi.
37Neke lino avye adzi-fikile pakikililo kya kidunda ikimono, neke baho avańigendwa vakwe ililugu lyonda vakelage neke vamulumbage nilidzwi ilikomi u-Nguluvi neke vamulumbililage nimitu imińangufu gyonda, gye vagivwene,
38neke vatigilage: mupogolwa umutwa, je ikwa-dzila mwitavwa lya mutwa, kukyâńa lutengamano ṅani, malumbo ṅani na kulunepo lwa kukyâńa. 2, 14.
39Neke baho avangi ava-Fwalisaja, avali mukipuga kikyo, neke vatigilage: ve mwiganidzi, ungavakana avańigendwa vako.
40Neke apilusage umwene neke atigilage: mupulikage unene ndikuvavūla, vaka vadzikage ava, apo gaká gikōla amaganga aga.
41Neke lino avye afi-kile, pe akujivona ikâja, neke baho ajivembelage amohodzi. Joh. 11, 35.
42Neke atigilage: najuve lino uka udzikagulage ki kigono kya neṅuli iki ińakukuhulila ukutenga-mana! Neke lino dzisikilwe kumîho gako.
43Pakuva filakwadzila ifigono, fye avatavangwa vako valajava uvuhimbwa uvuńa-lilînga, uvuńa-ku-kugombelela, valakunye-nganila, valakufumbanidza kondakonda,
44valakutuńuliṅasa najuve navâna vako juve, vasilaleka iliganga pe lijagwe umwako. Pakuva ukanile ukukimańa ikigono kyako ikyakukulolela uveve. 21, 6.
45-48: Mat. 21, 12-16; Mal. 11, 15-18 (cf. Joh. 2, 13-16).
45Neke baho ingilage mutembele neke baho avadagage vonda, avagu-dzaga nifya kugula
46neke atigilage: mańi lyolilwe ilya kuta: „ińumba jangu je ńumba ja kulapangilila,“ neke lino uńeńe mujidzusidze manga ja migonadâsi.
47Neke mbêpali avada-likilaga inôngwa mumo mutembele. Neke lino avene navatekedzi avavina navakagulihâte navandzagila ikisina vatigilage tumuvŭlage.
48Neke lino luvagajilage ulwa kwimila, ndivwene vonda avanu, pe vamupulikaga, vamūmīlilaga.
Selectat acum:
Luka 19: II
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
New Testament in Bena © Bible Society of Tanzania, 1958.
