Luka 20
20
1-8: Mat. 21, 23-27; Mal. 11, 27-33.
1Neke lino baho pakigono ikingi, avye ali mukuvadalikila inôngwa avanu mutembele, pe ali mukuvadalikila ilyevangeli, neke baho vahegē-ledzage ukwakwe avatekedzi avavina navakagulihâte navandzagila ikisina
2neke valongage ukwakwe neke vatigilage: utulongelage, dze vwilima idzi, vwilimila muvutavulilwe vulikwi? Akupelye je nani uvutavulilwe uvu?
3Neke umwene apilusage neke atigilage: muleke najune ndivavudzage ilidzwi limwi, na junene mundongelage.
4Uludzabiko lwa Johana lwahumile kukyâńa, ene vuli lwahumile kuvanu?
5Neke baho avene neke vilondzage va vene neke vakatigilage: ngana twitigila, lwahumile kukyâńa, apo alatigila: apo mwali nakiki ukumufuvwa?
6Ngana twitigila, lubu-mile kuvanu hela, apo avanu vonda hela vakutu-takańula namaganga. Tuvwene avanu luvakolile ukuta Johana je muvidzi.
7Neke vakapilusage vakatigilage: nda hamu, tusiludzelye, kwe lwahumile.
8Neke baho u-Jesu atigilage: apo najune sindikuvavūla uvutavulilwe, vwe ndilimila.
9-19: Mat. 21, 33-46; Mal. 12, 1-12.
9Neke baho akôle mukuvalongela avanu ikimańagihidzo neke atigilage: umunu ogike uvutoṅoni neke avavīkage mumugunda avanu avańa-kuguli-mīlila neke ahegelage kungi ifilo ifyolofu.
10Neke pavutuṅunilo vwa vutoṅoni neke baho amutumage umuvanda vakwe kuvańa-kugulimīlila umugunda gwakwe ukuta vamupelage tumwi utupeke twa mugunda gwa vutoṅoni. Neke avene avańa-kulimīlila vamutovage, vamudagage kitamupela kinu.
11Neke baho umwene avwilage ukumutuma ujungi umuvanda. Neke na jujo nave neke avene vamutovage neke vamuha-labusage neke vamudagage hela kindzila kumupela kinu.
12Neke avwilage neke amutumage uva vudatu. Neke na jujo nave neke vamulemadzage neke baho vamudagage.
13Neke baho umuńa-mugunda gwa vutoṅoni neke atigilage: lino ndigitage ndavuli? Ndimutumage ju muswamuvangu umwênde; ene vuli valamogopa jujo.
14Neke lino avene avańa-kulimīlila uvutoṅoni, vavye vamuvwene, neke vilondzage va vene neke vatigilage: je muńi-pwela lino uju, lino tumuvulagage, livelage lipwela lyesu jufwe.
15Neke baho vamuhumyage mumugunda gwa vutoṅoni neke vakamuvu-lagilage kwivala. Neke lino umuńa-mugunda gwa vutoṅoni alagita navo ndavuli avanu evala?
16Aladza neke alavavulaga avanu vala avalimī-lila-vutoṅoni. Neke ugwene umugunda gwa vutoṅoni alatavulila avanu avangi. Neke lino vavye vadzipulike idzi, neke vatigilage: ulo nda.
17Neke umwene avalolelage neke atigilage: ino dziki idzandikwe idzitigi-la: „iliganga, ilisulilwe kuvadzenga-ńumba, lye lihambwike liganga lya pakipungu,
18neke vonda, avigwila piganga ili, vikwibadzula, neke kangi je likumugwila li lyene, ujo lilamuta-kańula.“
19Neke avene avatekedzi avakomi navakagulihâte neke vagane vamwibate isala jijo neke kangi vogopage kuvanu. Vavwene vakifikile ikihwananidzo kikyo ukuta akutuse-lengajufwe. 19, 48.
20-26: Mat. 22, 15-22; Mal. 12, 13-17.
20Neke baho vamute-gedzage neke vamutumilage avatendegedzi neke vatigilage: mwifilage uvugolofu neke mumuda-dihidzage mwe dze ilonga neke tumusutulage kuvutwa na kumavoko ga guvaneli. 11, 54.
21Neke lino vakamuvu-dzage neke vatigilage: ve mwiganidzi, tuvwene vwigolosa na pakulonga na pakuvulanidza nuvwi-mila-palukolo usili nalo, nda hamu, vwa vwivulanidza ukoluli iṅasi ja Nguluvi.
22Neke lino twitigila: unefwe kunofu ukumutovela ikodi u-Kesale, ene vuli mwîko?
23Neke lino umwene neke avakagulage uvubanga vwanavo neke atigilage:
24muńufihidzage ulupija; neke lino atigilage: ino uluhwano ulu lwa ani? Nuvwândike uvuvwa ani? Neke vatigilage: vwa Kesale.
25Neke baho umwene avalongelage atigilage: apo humbi mumupelage u-Kesale ifya pavukesale vwakwe na ju Nguluvi nave mumupelage ifya pavunguluvi vwakwe.
26Neke baho valemwage amadzwi aga kumuja-dzihidza mumulomo, pe vipulika navanu, neke baho kivedzage kidzumo, lwe apilwise umwene neke baho vadzikage.
27-40: Mat. 22, 23-33. 46; Mal. 12, 18-27. 34.
27Neke balio vahegēle-dzage ukwakwe vamwinga ava-Sadukaja, avikana ukuta ukudzulubuka sipwali j’aladzulubuka. Neke navo vamuvudzage vatigilage:
28ve mwiganidzi, u-Mose atwandikye pahâte atigye: ngana umuńa-lukolo va munu umuńa-mudala, ngana afwe kitababa umwâna, apo umwanakwavo amuhālage umudala, amubabihidzage ulûngo.
29Lino pe vali avali kyânamunu vahanu navavili, neke umamavo atolage umudala neke afwidzage kitababila mwâna.
30Neke nuva vuvili amutolage. [Neke nave afwilage ndesi mupanda hela kitababila mwâna.]
31Neke nuva vudatu ndesi. Neke lino vonda hela avahanu navavili ndesi navo neke vafwidzage kitababila mwâna.
32Kumbele kuvonda neke na ju mukiṅinavo afwidzage.
33Neke lino, valava vadzulubwike, apo lino alavedza mudala va alikwi? Tuvwene vamutolile avahanu navavili vonda.
34Neke baho umwene Jesu avalongelage atigilage: ava kwen’eńi kuno vitola, vitavuka.
35Neke lino avene, avavagidzwe ukufika ku-ńi jila nulwa kudzulukuka kwa vafwe, ve vene vasilatola nukutola vasilata-vuka nukutavuka.
36Ndivwene vilemwa nukufwa, ndivwene vali ngita vańa-mwandza, vâna va ju Nguluvi, vâna va ludzulubuko. 1. Joh. 3, 1. 2.
37Neke lino idzene idza kudzulubuka avafwe idzo adzipulise na ju Mose pamubiki gula, pe akumulonga umutwa ukuva Nguluvi va Abalahama, ukuva Nguluvi va Jisikaka, ukuva Nguluvi va Jakovo.
38Neke lino u-Nguluvi si Nguluvi va vafwe nda, hamu je Nguluvi va vûmi; ndivwene umwene vonda vasifwe, vûmi hela ndesi.
39Neke baho avakagulihâte avangi neke vamupiluhidzage neke vatigilage: ve muvulanidzi, uvujipe imilongele igi.
40Vavwene vogopaga pakumuvudza ulungi.
41-44: Mat. 22, 41-45; Mal. 12, 35-37.
41Neke baho alongage navo neke atigilage: vilonga ndavuli, lwe va vitigila: Kilisiti mwa-Davidi?
42Ndivwene ju mwene ju Davidi muhâte ja ndzimbililo itigila: „umutwa alongile kwa mutwa vangu atigye, vwikale kwivoko lyangu ilya ndyo,
43ukufika baha kigono, kye ndilavahambusa avatavangwa vako kitêngo kya ndzaho dzako.“
44Lino umwene Davidi akumutigila mutwa, apo ivedza muswamuve ndavuli?
45-47: Mat. 23, 1. 5-7. 14; Mal. 12, 38-40.
45Neke baho adzovage kuvańigendwa vakwe, pe vipulika na va vanu vonda neke atigilage:
46mwilembage kuvaka-gulihâte, avitogela imîngila imitali, avikela ukuhungilwa mumakulumbilo, na muńolanilo vikēla pafitêngo fya vutambule, na pe vikoṅomala pakulya ifilyo, napo vikela pakwikala pavuginalifu. 11, 43.
47Avilya ińumba dza vakiṅinavo avafwile neke valapangilage indzolofu idza lwivulandzo. Avo ve valalutila pakuhigwa.
Selectat acum:
Luka 20: II
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
New Testament in Bena © Bible Society of Tanzania, 1958.
