Johana 5
5
1Neke kumbele ku idzi neke kivonekage ikyâka kya va-Juda. Neke na ju Jesu nave inukilage ku-Jelusaleme.
2Neke lino kuko ku-Jelu-saleme pali pokili ikipata ikiṅolo, pe pene pe kyali ikitemela, pakukitambulila pandongele ja va-Juda ilitavwa Beteseda. Pali namabanda gahanu.
3Mwe mwene mwe vagonaga avatamwa avolofu, na vabofu na valemafu na vumiṅine umuvili, [vadzindilaga ukujuganika kwa lulenga.
4Pakuva umuńa-mwandza va Nguluvi adzaga kigono-kigono, ikilaga kukitemela neke alujudzage ululenga. Neke lino je atalile mukwingila mululenga, pe luhumile mukujuganika, apo ujo ikitamwa kyakwe ki kive-dzaga aponaga.]
5Neke lino baho pe ali umunu, je ali mutamwa imyaka makyumi gadatu na gili munana (38).
6Neke umwene Jesu, avye amuvwene, pe alambalye baho, avye apulike nulwa kuta agonile mbandu baho, neke baho atigilage: ukelye pakupona uveve?
7Neke baho umutamwa apilusage neke atigilage: ve mutw’ave, si ndi nave umujangu, umuńa-kundzu-bidza mukitemela, pe luhumile pakujuganika ululenga. Neke ngana nditigila ndingile june, apo swe ndivona italidze ujungi.
8Neke Jesu atigilage: vwimage, vwinulage nulutefu hvako, uhelelage. Mat. 9, 6.
9Neke baho umunu uju neke ananilage namulomo gula neke inulage ulutefu lwakwe neke ahelelage. Neke lino ikigono kikyo pali pe pańwabaha. 9, 14.
10Neke baho ava-Juda neke vamulongelage umunu, je apumunwike, neke vatigilage: pe pańwabaha neńuli, mwîko ukwitwika ilitefu uveve.
11Neke umwene apilusage neke atigilage: andongye ju munu, je ańōsidze jula, je mwene je atigye: vwitwike ulutefu lwako, uhelelage.
12Neke avene vamuvudzage vatigilage: je nani je akuhōsidze je atigye: vwitwikage uhelelage?
13Neke lino umunu, je āhōkile, asamudzelye, avwene umwene Jesu atyegile, pakuva pe vāli baho avanu ikipuga.
14Neke pambele pa idzi neke u-Jesu amuvonage umunu jujo mutembele neke amulongelage atigilage: lino ulolage uhôkile, neke vwigelage, utane ukuvwila pakwangula inôngwa, ulavona kikugwilye ikivîfu, ikilutye ku kya pamwandi. 8, 11.
15Neke baho umunu jula neke ahelelage mukuvalongela ava-Juda neke akatigilage: je Jesu je āńōsidze.
16Neke baho ava-Judaneke vakŏle mukumufwima u-Jesu, pakuva alulimile ulu pańwabaha. Mat. 12, 14.
17Neke Jesu avalongelage atigilage: udâda ipigimba ukufika kulino, najune ndipigimba. 9, 4.
18Lwe lwene ava-Juda neke vamongelehedzage lu lwa kuta tumuvulagage, pakuva asijidzumbile ji ńwabaha jene, hamu angwe nulwa kuta: Nguluvi je dâda musuma, neke iteganidzage nu-Nguluvi. 7, 30; 10, 33.
19Neke baho Jesu neke apilusage atigilage: ndakyene ndakyene unene ndikuvalongela nditigila: umuswamuve ilemwa ukululima ulwakwe mwene, ilima lwene lulo, lwe avwene akululima na ju dadye. Ndivwene lwe ilima jujo, apo na ju muswamuve ilima nave lulo. 3, 11. 32.
20Ndivwene udadye amwendile umuswamuve neke akumulaga na ga malimo, ge ilima ju mwene. Neke alamúlàga nagangi amalimo, ukuta kivedzage kidzumo uńeńe. 3, 35.
21Ndivwene ndevye udadye akuvadzulubusa avafwe akuvapela nuvûmi, na ju muswamuve nave ali ndesi, akuvapela uvûmi, ve akelye ukuvapela.
22Ndivwene udadye asihiga munu, nda hamu, lond’uluhigilo alutavulye kwa muswamuve, Apos. 17, 31.
23ukuta vonda vamuginyage umuswamuve, ndevye va vikumuginya udadye. Je asikumogopa umuswamuve, ujo asiku-mogopa na ju dadye, je amutumile. Fil. 2, 10. 11; 1. Joh. 2, 23.
24Ndakyene ndakyene unene ndikuvalongela nditigila: je ipulika ilidzwi lyangu unene neke amufuvwage je anumile unene, ujo ali navo uvûmi vwa mbêpali, je asilafika na paluhigilo, nda hamu, ujo alovoṅise ukuhuma muvufwe ukwingila kuvûmi. 3, 16. 18.
25Ndakyene ndakyene unene ndikuvalongela nditigila: jiladza isala, napo na lino jadzile, apo avafwe valapulika ilidzwi lya muswamuve va Nguluvi neke vonda, avalapulika, valavedza vûmi. Ef. 2, 5. 6.
26Ndivwene ndevye udadye i navo uvûmi umwakwe, na ju muswamuve amutavulye ndesi ukuvedza nuvûmi umwakwe. 1, 1-4.
27Neke na lu luhigilo nalo amutavulilye ṅani, pakuva je mwâna va munu. v. 22.
28Dze mutane ukudzu-ma idzi, pakuva jiladza isala, apo vonda, avagenda mumombwe, valapu-lika ilidzwi lyakwe,
29neke baho valahuma. Avańa-nofu valadzulubu-kila kuvûmi, avańa-vuhulo valadzulubukila mukuhigwa. 6, 40.
30Neke unene ndilemwa ukulima ulwangu ndili mwene, ndihiga, ndevye ndipulika, neke ndi-golosa ukuhiga, pakuva sindisakula, lwe ndikelye unene, hamu ndisakula, lwe akelye, je anumile unene. v. 19; 6, 38.
31Neke ndika ndijole-kage june, apo ngali uvolesi vwangu vusi vwa koluli.
32Neke pwali umwene ujungi, je akundzolekela, neke lino uvolesi, vwe akundzolekela, unene ndi-vudzelye ukuta vwa koluli. v. 36. 37.
33Uńeńe mwatumile amapelela kwa Johana neke umwene pakolela agendelage mwe mwene. 1, 19-34.
34Neke line unene mutane ukutigila: ndigendela uvolesi vwa munu, ha nda, unene lwe ndilonga ndi-longanditigila: muponage juńe.
35Jula ali luṅali ulwikwaka ulwiṅalita. Neke lino uńeńe mwakelye lu lwa kukina lwene mulumuli lwakwe.
36Neke lino unene ndili navo uvolesi, uvulutye na pa vwa Johana. Ndivwene amalimo, ge amelye udâda ukuta ndigapudzage, ga malimo, ge ndilima unene gago, ge gene, agakundzo-lekela unene, ukuta anumile udâda. 1. Joh. 5, 9; 1, 33; 3, 2.
37Neke na ju dâda nave, je anumile unene, andzolekye. Neke uńeńe ilidzwi lyakwe musilipulike ponu, nilivala lyakwe musina mulivona hamu. Mat. 3, 17.
38Neke na li lidzwi lyakwe musili nalyo, ilikalile umweńo, pakuva je atumilwe kwa jula uńeńe musikumufuvwa.
39Mwipodzandza muhâte, pakuva mwihambula mwe tukuvuvonela uvûmi vwa mbêpali; neke idzene dzikundzolela june. Luk. 24, 27; 2. Tim. 3, 15-17.
40Neke uńeńe mwikana ukwadza ukwangu, ukuta muvedzage navo uvûmi.
41Unene indolo sindi-kwidikila, dze vakunginya avanu.
42Neke lino uńeńe ndigakagwe ukuta uvwênde vwa kwa Nguluvi musili navo umweńo.
43Unene pakwadza ndi-gendye pitavwa lya dâda, neke kangi uńeńe musi-kundzanukila. Neke ujungi ngana ikwadzila mwitavwa lyakwe jujo ukweńo, apo ujo mulamwanukila hela.
44Muka mukulufuvwa ndavuli uńeńe, je mwipelanila indolo ńe vavo ṅani, neke indolo ińuma-kwa-Nguluvi ujumwinga, idzo musikudzisakula. 12, 43.
45Mutane ukuhambula je nene nde muńakudzi-gotola idzeńo kwa dâda, ha nda, kwali umwene umuńa-kudzigotola, je Mose, je mukumuhuvila uńeńe.
46Ndivwene mwali mumufuvwage u-Mose, apo ngali najune mukufuvwa, ndivwene umwene dze andike muhâte, dzikundonga june.
47Nga musikudzifuvwa idzandikwe kwa jula, apo mulagafuvwa ndavuli amadzwi gangu? Luk. 16, 31.
Selectat acum:
Johana 5: II
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
New Testament in Bena © Bible Society of Tanzania, 1958.
