Johana 21
21
1Neke kangi ulwambele u-Jesu neke avwilage kangi ukwisikula kuvańigendwa vakwe pańandza Tibelija. Neke igyene imisikulile gyali e nde.
2Vali pamwinga na Simono Petele na Toma, je vitigila muńa-lujungu na Natanajele uva mu-Kana mu-Galilaja navamwa-Sebedaja navangi avańigendwa vakwe vavili. 1, 45.
3Neke baho Simono Petele neke avalongelage atigilage: unene ndihelela mukulova isomba! Neke avajagwe vatigilage: apo twihelela twivonda. Neke baho vahegelage ṅani neke vingilage mukyômbo. Neke lino ikilo kikyo neke vatanage ukujivona nambi jimwinga.
4Neke nulwa milavu mbando neke vavonage Jesu imile paṅumbuṅumbu. Neke avene avańi-gendwa vasamudzelaga ukuta je Jesu. 20. 14; Luk. 24, 16.
5Neke baho Jesu alongage navo atigilage: ńe van’ańe, imboga musili najo, jave vona? Neke avene vatigilage: ena, tusili najo. Luk. 24, 41.
6Neke umwene atigilage: ulwâfu ulo musopele kulya ndyo kukyômbo kuno, apo muladzivona. Neke lino vasopage neke luvalemage pakukulūna, pakuva dzali ndzolofu isomba. Luk. 5, 4-7.
7Neke baho umuńigendwa jula, je ali mwênde kwa Jesu, neke amulongelage u-Petele neke atigilage: je mutwaswe! Neke umwene Simono Petele, pe apulike ukuta je mutwa, neke baho ipińage umwênda gwa pakyâńa, pakuva ali hela, neke idigage mululenga. 13, 23.
8Neke avańigendwa avajagwe neke vagendelage mu mukyômbo ukuhelela bahe ali, pakuva pasali patali paṅumbuṅumbu, pali pańamikono gili magana gavili (200) hela, neke vakwegage ulwâfu lwa somba.
9Neke lino, pe vadza-bukye paṅumbuṅumbu, neke baho vavonage umôto gwa makala gwi-kwaka nisomba jili pamô-to nuvugali vuli baho.
10Neke baho Jesu avalongelage atigilage: muletage utungi utusomba, twe mwibite lino.
11Neke baho Simono Petele neke ingilage mukyômbo neke ulwâfu akwegelage paṅumbuṅumbu, neke vavonage lumemile ulwâfu isomba dzi ngomi ṅani, dzali ligana namakyumi gahano na dzidatu (153). Neke kangi napo, nde dzivedzage ndzolofu ndesi, napo kangi ulwâfu silwade-mwike nda.
12Neke baho Jesu neke avalongelage atigilage: mwadze mulāvuke. Neke avene avańigendwa asali pwali umuńa-kwikangadza pakumuvudza ukuta vwi nani uveve? Pakuva vamudzelye ukuta je mutwa.
13Neke baho na ju Jesu nave neke ahegēlelage neke inulage uvugali neke avagavahidzage, na ji somba ndesi. 6, 11.
14Neke ulu lwali lwa vndatu pakuvasikukila u-Jesu avańigendwa vakwe, pe ahumile mukudzulubuka kuvafwe.
15Neke lino, vavye valâvwike, neke baho Jesu alongage na Simono Petele neke atigilage: Simono, ve mwa-Jona, ulutye pakundzenda unene nakuava? Nekeumwene atigilage: ena, ve mutw’ave, uludzelye najuve, ukuta ndikuganile. Neke amulongelage atigilage: apo ulimīlilage utwânaṅolo twangu. 1, 42.
16Neke amuvudzage ulwavuvili neke atigilage: Simono, ve mwa-Jona, undzendile? Neke umwene atigilage: ena, mutw’ave, uludzelye najuve, ukuta ndikuganile. Neke baho umwene atigilage: udīmilidzage iṅolo dzangu. 1. Pet. 4.
17Neke avwilage pakulonga ulwa vudatu neke atigilage: Simono, ve mwa-Jona, unganile? Neke baho Petele neke ańeńelwage, lwe amuvudzaga ulwa kadatu, ulu lwe atigilaga: unganile, neke baho atigilage: ve mutw’ave, uveve ufidzelye fyonda, umbwene najune ukuta ndikuganile. Neke baho umwene Jesu atigilage: ulimīlilage iṅolo dzangu. 13, 38; 16, 30.
18Ndakyene ndakyene unene ndikukulongela nditigila: pe vwali uli musoleka uveve, vwivopaga vwijena neke uhelelage konda, kwe vwakelye juveve; neke lino, ulava ugogolopye, apo ulagolosa hela amavoko gako, apo alakupińa ujungi neke akukwegele, kwe usikelve uveve.
19Neke idzi alongaga pakugilaga imifwile, gye alamulumba Nguluvi. Neke avye alulongile ulu, neke baho atigilage: uninilage. 13, 36.
20Neke umwene Petele, pe isedukila kumbele, neke amuvonage ininila umuńigendwa, je ali mwênde kwa Jesu, jula napakulya ifilyo fila je egike umutwe pamambaga neke atigilage: ve mutw’ave, je nani umuńa-kukusutula? 13, 23.
21Neke Petele, pe amuvwene uju, neke baho avudzage kwa Jesu neke atigilage: ve mutw’ave, neke uju?
22Neke umwene Jesu neke atigilage: ngana ndikelye, ukuta ikalage ukufika pe ndilava ndikwadza, ulu si lwako. Uveve ūninilage hela.
23Neke baho litagalilage ilidzwi ili na kuva-javo ilya kutigila: umuńigendwa uju asilafwa nda. Neke umwene Jesu asatigye: asilafwa nda, atigye: ngana ndikelye ukuta ikalage ukufika pe ndilava ndikwadza, ulu si lwako.
24Umuńigendwa uju je mwene je olike idzen’idzi neke nukudzandika. Neke lino unefwe tuludzelye, ukuta uvolesi vwakwe vwa koluli hela. 15, 27.
25Podzili nidzingi indzolofu, dze alimaga u-Jesu. Nadzo dzali dzive nde dzolilwe, mwe dzifudiṅanye, apo unene nditigila ilìâte idzi ngali pajagile pavuviko kwen’eńi kuno. 20, 30.
Selectat acum:
Johana 21: II
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
New Testament in Bena © Bible Society of Tanzania, 1958.
