Johana 20
20
1-18: Mat. 28, 1-10; Mal. 16, 1-11; Luk. 24, 1-12.
1Neke lino pakigono ikilongodzi ikya pańwabaha neke Malija u-Magadalene neke ilavage kilo hela, pe kusina kukya, pakuhelela kumombwe, neke akavonage iliganga lya pamombwe libilwike.
2Neke baho ańilage ukuhelela kwa Simono Petele na kwa muńigendwa ujungi jula, je ali mwênde kwa Jesu, neke ve avalongelage atigilage: vamuńamwe umutwa mumombwe, neke lino tusimu-vwene na kwe vamuvikile. 13, 23.
3Neke baho vahumage mukâja nu-Petele na ju muńigendwa ujungi jujo neke vahelelage kumombwe.
4Neke vańilage ve vavīli, neke lino umuńigendwa ujungi jula neke alutilage kwa Petele ukuńila neke akamutalilage ukufika pamombwe.
5Neke lino baho, pe ihungilila neke agivonage imyênda gila migolole, gye vamusilye; neke umwene neke atanage ukwingila.
6Neke afikage na Simono Petele, je aninilaga kumbele, neke ujo ingilage mumombwe neke agi lolage imyênda migolole.
7Neke lino umwênda gwa lifŭke, ugwali pamitwe apakwe, neke avonage ugo vasiguvikile pamijagwe, gye vamusilye. nda, neke avonage vaguvilise mugolole pakivungu ikingi. 11, 44.
8Neke baho na ju muńigendwa ujungi, je atalile ukufika pamombwe jula, neke nave ingilage neke alolage lino nave neke afuvwage.
9Vavwene vasina vajidzela ihâte, ijitigila umwene muńakudzulubuka kuvafwe. 1. Kol. 15, 4; Apos. 2, 24-32.
10Neke baho avańigendwa ava neke vapilukilage kukâja janavo.
11Neke umwene Malija neke image pivala pamombwe, neke avembage. Neke lino avye ali mukuvemba ndesi, neke baho ahungililage mumombwe.
12Neke baho avavonage avańa-mwandza vavili, vafwete imvēnda imyêlu, vikalile ujungi kumitwe ujungi kundzajo mu mwe gwalambalalye umuvili gwa Jesu.
13Neke baho avene vamuvudzage vatigilage: ve mukiṅinavw’ave, vwivemba kiki? Neke atigilage: pakuva vamuńamwe umutwa vangu, neke lino unene sindidzelye, kwe vamuvikile.
14Neke lino avye ali mukululonga ulu, neke baho asedukage kumbele neke avonage Jesu imile baho. Neke umwene asadzelaga ukuta je Jesu.
15Neke baho Jesu amulongelage atigilage: ve mukiṅinavw’ave, vwivemba kiki? Ukumusakula ani? Umwene atigilaga je muńakulinda umugunda neke baho atigilage: ve mutw’ave, ngana umuńamwe juve, apo ungambula, kwe umuvikile, ngamuńamule najune.
16Neke baho Jesu neke atigilage: Malija! Neke umwene baho neke asedukage neke alongelage muja va-Hebele atigilage: Labuni! Kwe kuta: mwiganidzi.
17Neke baho umwene Jesu neke amulongelage atigilage: utane ukundzabasa umuvili, pakuva ndave ukwinuka ukuhelela kwa dâda. Neke uhelelage kuvańaṅolo vangu, ukavalongelage ukatigilage: ndikwinuka kwa dâda na kwa dadińo, kwa Nguluvi vangu na kwa Nguluvi vińo. Heb. 2, 11. 12.
18Neke baho Malija u-Magadalene neke ahelelage neke akavalongelage avańigendwa neke atigilage: ndimuvwene umutwa, andongye lwe ulu lwe ulu.
19-23: Mal. 16, 14-18; Luk. 24, 36-49.
19Neke lino pakigono kikyo ki kilongodzi kikyo ikya pamulungu, pamihe, pe vabadidze nindzidzi mwe valundanye avańigendwa, pakuva vogopaga kuva-Juda, neke baho adzage Jesu, image pagati, atigilage: ulutenga mano luvedzage nańeńe!
20Neke lino, avye alulongile ulu, neke baho avahufyage namavoko namagulu na palubafu. Neke baho avene avańigegendwa neke vakēlage, pe vamuvwene umutwa. 1. Joh. 1, 1.
21Neke umwene Jesu avwilage kangi neke atigilage: ulutengamano luvedzage nańeńe. Ndevye anumile unene udâda, najune ndikuvatuma ndesi najuńe. 17, 18.
22Neke lino, avye alulongile ulu, neke baho avapulage neke atigilage: mwanukilage u-Mubepo umwîmike.
23Ngana mukudzivodza indzanangifu dza munu, apo ve dzivodzilwe, ngana mukumukana, ujo dzikanilwe. Mat. 16, 19; 18, 18.
24Neke Toma, jumwi uva pikyumi navavili, je vamutigilaga muńa-lujungu, asali pwali, pe adzaga Jesu. 11, 16; 14, 5.
25Neke baho vamulongelage avańigendwa avajagwe neke vatigilage: tumuvwene umutwa. Neke lino umwene avalongelage atigilage: ngana ndisimuvwene nifikōṅo fya misumali mumavoko gakwe neke ndivikage ikyâla kyangu mukilindi kya misumali ngana sindivikile ilivoko lyangu mulubafu lwakwe, apo sindifuvwa nda. 19, 34.
26Neke lino baho , pe vagonile ifigono munana, neke baho avańigendwa vakwe neke vavedzage mumo kangi neke na ju Toma vavedzage lumwi. Neke lino baho, vavye vabadidze nindzidzi neke baho adzage u-Jesu neke image pagati, atigilage: ulutengamano luvedzage nańe. v. 19.
27Neke baho alongage kwa Toma neke atigilage: ulete ikyâla kyako kuno, ulolage amavoko gangu, ulete nilivoko lyako, usope mulubafu lwangu muno, ululekage uludzila-kufuvwa, ufuvwage hela.
28Neke baho Toma neke apilusage atigilage: mutwa vangu, Nguluvi vangu! 1, 1.
29Neke umwene Jesu atigilage: uveve lino vwifuvwa, uvwene umbwene, vali kitendileme avafuvilwe kitalola. 1. Pet. 1, 8.
30Nifingi ifilŏle neke Jesu avavonehedzaga avańigendwa vakwe mumîho, ifisandikwe na pahâte iji.
31Neke idzene idzi dzolilwe ukuta mumufuvwage u-Jesu ukuva je Kilisiti, umuswamuve va Nguluvi, nukuta ulufuvo ulu luvahulilage uvûmi uvwa mwitavwa lyakwe. 1. Joh. 5, 13.
Selectat acum:
Johana 20: II
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
New Testament in Bena © Bible Society of Tanzania, 1958.
