Luke 16
16
Chapter Cbapter 16.
1WAIGIEN ga disciplegasgai ishin hin il shudaian, Nung ītlagada duman gin kang-lēga dāagan; althunis ū gin il daas ging-gang-an lang-a tla-hīlūgung-ung tl haada la ga shou-on.
2Waigien la un il ai-ang-an, Gūsh dung isdaian ū tl shudas lth gudung-gung? lthong-gwilie tliku etsi wautliwon lth ung-a di ga shudi; gin duman dung kens tlan dung ēlthdie las altha, waigien hin la il shudaian.
3Waigien duman gin nung kang-lēgas hin gudang-an, Gushinu lth etishang, tlan di ītlagīda di lthong-gwildas altha? gin lthaigai un gum di dugwīāng-gung; gin ginung-ai ā ishin di ēdang.
4Tlistleuon tlan di il lthong-gwildasdlu, gyang nai ā di tl isdie un tliku lth etses un di ūnshidung, hin il gudang-an.
5Waigien il ītlagida alth ga gia-shildiāgan swōnā-hun il ai-ang-an gien, Gīshīdlu di itlagida alth dung gia-shildiāgung? Hin nung swon il shudaian.
6Kwīdou hundredgai swonshung ā tō lth shildiāgun, waigien hin il shouon. Kōgīnē lth ung-a isda, waigien lth kou ang-a tlāale tlēlth kālung, waigien hin la il shudaian.
7Gīshīdlu da ishin gia-shildiāgung? waigien hin nung kulat ishin il shudaian. Kwīdou hundredgai swonshung ā wheat lth shildiāgun, waigien hin il shou-on. Kōgīnē lth ung-a isda ang-a tlāale stanshang-ā kālung, hin la il shudaian.
8Waigien duman gin nung kang-lēgas kutung-ā-gan il ītlagīda gwūlāgan; otgagai gitalung telg adshi hēt-tligai gitalung duman ung kang-gai un kutung-as altha
9Waigien hin dalung ga lth shugung, Ginlthing-a dāung-a alth tō-alung kenung un lth tloulthū; tlistleuon hīlūsdlu, giang-u-nai et swonuns ai dalung tl isdie una.
10Gin dsūdsū duman nung kang-gai lasdlu, gin kwon ishin duman il kang-gai lāgung, waigien gin dsūdsū gum duman nung kang-gai lāunsdlu, gin kwon ishin gum duman il kang-gai lā-ung-gung.
11Althji alth ginlthing-a dāung-as gum duman dalung kang-gai lāunsdlu, gīshdū ginlthing-a yikī isis duman dalung kendāashang?
12Waigien gum tl kulat gia duman dalung kang-gai lāunsdlu, gīshdū dalung ga gin dalang-a isdāashang?
13Nung gītsada gum tliku tl ītlagada stung un lthong-gwilalthing-e kang-gang-gung; nung swon telg il kens gien, nung swon il kwōyā-dāases altha; gum ging-an il edansdlu, nung swon il gwūlas gien nung swon ga ishin il gwou-wau-ashang. Shanung-ītlagadas un isgien, ginlthing-a un ishin gum tliku dalung lthong-gwilalthing-e kang-gang-gung, hin Jesus shouon.
14Waigien Pharisee haade dāla kwōyāda-gang-an adshi wautliwon gudang-an; waigien la alth tl kilthnang-an.
15Waigien hin tla il shudaian, Dalung ū tl haada hang-gu agung lādagung-gung; Shanung-itlagadas tlou dalung gudung-ai un ūnshidung; tl haada shu gin lā-euon isis Shanung-itlagadas un dā-ung-euons altha.
16John katlagai keu king-gogung-ai isgien, ga prophetgasgai ishin ijan; althsgai sta Shanung-itlagadas gia kingdomgai gialthing-e alth tla geu gu tl gūshūs gien, tl haada wautliwon ai lthkwīd-hū-jandsagung-gung.
17King-gogung-ai ā gin ltholth ḵutsū ḵu-swonshung isis ging-gang-an elgai telg, sha-tligai isgien hēt-tligai ishin hīlūē yang-alang.
18Jā-ung nung dans gien, nung kulat il īnēlthsdlu, hing-an la alth il tīgādang; waigien jā-ung nung dans gien, nung kulat il jā īnēlthsdlu, hing-an la alth il tīgādang, hin Jesus gyang disciples-gai shudaian.
19 Waigien hin ishin Jesus shouon, Nung īlthing-a itlagadāgan, waigien gin ōlthultli isgien, giang-ū lā ishin il giandagang-an, waigien tou lā shan-tlan wautliwon il tāgang-an;
20Waigien nung kong-ushgitaiga, Lazarus hin kyāgan, keu-e ā lang-a dlūdagang-an, waigien lē gin koutljāwon,
21Waigien nung itlagadas gia table-gai sta kwō-kung-ou ḵūgas tugai da il gudung-gang-an; waigien ha istlas gien, lē gin kous tang-gang-an.
22Waigien gum et-lang-gundān nung kong-ushgi-taigas kotalan, waigien ga angelgasgai Abraham kun ā il isdaian; nung itlagadas ishin kotalan waigien la tl lthēōwaian.
23Waigien Hades ā il waugang-andlu shi ga il kēilthaian, waigien wochgwau āgwī Abraham isgien, Lazarus il kun ā isis ishin, il kang-an.
24Waigien il sailth-kiāgang-an, Aung-a, Abraham, di kalthshint lth gudung, waigien lth Lazarus di ā kil-is, undl ai stlukung-ung kwūn il isdas gien, di tong-il il tl-tutulthdie una; adshi ōsi ā di wauguns altha, waigien hin il shouon.
25Waigien Abraham hin shouon, Lthken, dung hēnung-āgan nūt dung chāagai-lāgan, waigien Lazarus chāagūdang-gang-an ai lth kēid; waigien wēt adlun il chāagai-lāgung, dung tlou waugung-gung.
26Waigien adshi wautliwon ilā, itil isgien dalung ishin āadsi tligai lthdīing-ā-euon-gung, adshi sta dalung ā itsgai da ga guduns gum wai ging-an isans gien, houshgai sta ishin gum itil ā tl isang-ai una, hin il shouon.
27Althji alth di aung gia nai ā la dung kil-kaidai da dung alth lth kianung-gung;
28Di dōnalung tlēlthas altha; la ā il gushu-wos gien, la ishin adshi tligai gu tl wauguns un gum istla-ung-awē una, hin il shouon.
29Moses gia kōgīnē isgien, ga prophetgasgai gia kōgīnē ishin il dāawong; akwon lth tl kil il gudung-dū, waigien hin Abraham shouon.
30Gāanū, aung-a Abraham, kotal sta la ā nung kaidwosdlu tlou, gudung-ung il stīlthdawau-ashang, waigien hin il shouon.
31Moses kil isgien, ga prophetgasgai kil ishin gum il gudung-ung-wosdlu, kotal sta nung kalthūs-kianan gum il kil il yetdawau-lthing-ang-gung, waigien hin la il shudaian, hin Jesus shouon.
Selectat acum:
Luke 16: HAIDA
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
First published by the British and Foreign Bible Society 1891-1899.
