Luke 15
15
Chapter 15.
1WAIGIEN giashouganung-lēalung isgien ga dāung-asgai wautliwon ishin il kil gudung-ai un aānan la un istlagan.
2Waigien Pharisee haade isgien, tukālung-lēalung ishin gudung-ai stigan, Anung īlthing-as ga dāung-asgai isdas gien, tla alth il lth-danūgung-gung, waigien hin tl shouon.
3Waigien adshi kēgang-ai alth tla ga il kēgang-an,
4Balung swon lumadō hundredgai dāas gien, swon il gūdasdlu, gum gu tlāale tlāalth-swonshung-gū waugu tlāalth-swonshung-gū tligunltha il inas gien, nung gāwon il kēie keu da il dī-ing-gung-ung-ūsh?
5Waigien tlistleuon la il kēas gien, shkeu-ung gwī la il isdas-dlu, tlika il gwūlāgung-gung.
6Waigien tlistleuon il katlasdlu, tō-alung isgien, la kwulth-īt ga nāansgai un ishin il ai-ins gien, Di alth lth tlika gwūlāū, lumadō dīna gūgun lth kēigun altha, hin tla il shuda-gung-gung.
7Tl haada lā tlāale tlāalth-swonshung-gū waugu tlāalth-swonshung-gū gum gudung-ung stīlthdie ga stalthans telg, nung dāung-a swon-shung gudung-ung stīlthdasdlu, sha-tligai gu tlika tl gwūlang dalung ga lth shugung.
8Waigien nung jada dāla kē-tlāalth daas gien, kē-swon ung-a il gūdasdlu, gum gu kā-sōdou il ōgulthdas gien, nai kālthi il lthkyou-dals gien, ung-a il kēie keu, da il dī-ing-euon-gung-ung-ūsh?
9Waigien tlistleuon il kē-asdlu, tō-alung isgien, la kwulth-īt ga nāansgai ishin un il ai-ins gien, Di alth lth tlika gwūlāū, dāla lth gudagun ung-a lth kēigun altha, waigien hin il shugung-gung.
10Wai ging-an nung dāung-a swonshung gudung-ung stīlthdasdlu, Shanung-itlagadas gia angel-gai hang-gu tlika gwūlā ising dalung ga lth shugung, hin Jesus shouon.
11Waigien hin ishin il shouon, Nung īlthing-a gītalung stang-an;
12Aung-a, gin dung dāas tīch lth dāung-kashagun lth wēt di ga isdi, waigien hin nung dōnas aung-ung shudaian. Waigien gin il dāgan gut āada la ga il tlāadāwon.
13Waigien gāwun ēt-lang-gun-dān nung dōnas gin wautliwon gudā isdaian, waigien tliga jīng-a ā il kaidan; waigien gaigu gin dāung-a il isdas ai gin il dāgan ung-a il tla-hīlāwon.
14Waigien tlistleuon ung-a il tla-hīlū-ōdsou-ondlu, gai tligai gu yenki tou hīlāwon; waigien il kong-ushgitaigēlan.
15Waigien il kaidan gien, althsgai tligai haade swon ga il dlishgadan; waigien gwoshou il lthdanūdie un kwulth-kotajai ā ung-a la il kil-kaidan.
16Waigien gwoshou gin kul tas tugai da il gu-dang-an; waigien gum nung swonshung-hun gin la ga isdang-gang-an.
17Waigien tlistleuon aigang agung il gū-kēidandlu, hin il shouon, Di aung gītsadalung kwon tou tas gien, wausta ishin kāwīdung-gung, waigien adlun kwit alth di gūgung!
18Lth kālthūs gien, aung-ung ā lth kaidshang, waigien hin la lth shudāashang, Aung-a sha-si un di dāung-gun, waigien dung hang-gu ishin;
19Gum housen, Di git, hin di dung kyādie un di lā-ung-gung; gītsadalung swon ging-an lth di elthdi, hin la lth shudāashang, hin il shouon.
20Waigien il giāagan gien, aung-ung un il katlagan. Waigien hawun il jīng-āgundan il aung il kang-an, waigien la kalthshint il gwaulan, waigien il odan gien, il hel ga agung il shkwōdlishgadan gien, la il shkwūntlaian.
21Waigien hin il git il shudaian, Aung-a, shasi un di dāung-gun, waigien dung hang-gu ishin; waigien gum housen, Di git, hin di dung kyādie un di lāung-gung, hin il git il shudaian.
22Waigien il aung hin gītsadalung shudaian, Hawīdan lth althgwī kodats lādsilthīs isdū, waigien lth ai il tla-kudsū; waigien lth stlīilthū il stlai ai isdū, waigien lth stushgaga ai ishin il tl-tulthū;
23Waigien lth mishmūsh gīti tla-ai-istlias althgwī isdū ang-a tīi-ū; waigien talung tas gien, tlika talung gwūladsun;
24Di git isis kotulgun housen hēnanstlas altha; il gūgun, waigien la talung kēiang, hin il shouon. Waigien tlika tl gwūlā-ēdan.
25Waigien il git kwai-asi kwulth-kotajai ā ījan; waigien il kāgundān nai un il dōng-ēlandlu, gin tl tla-king-uns gien tl hyalths il gudang-an.
26Waigien ga gītsadasgai swon un il ai-ang-an gien, tliku adshi etgai da la alth il kianang-an.
27Dung dōn ū katlang, waigien dung aung mish-mūsh gīti tla-ai-istlias tiigun, silthgang duman la un il koguntlas altha, waigien hin la il shudaian.
28Waigien il kalthi-yilthdaian gien, kudsie ga il gwou-aian; waigien il aung katla-waugan gien, la un il lthai-idsaian.
29Waigien hin hanglthang aung-ung il shudaian, Gwokeng, tuda kwon gut dung un lth lthong-gwilgun, waigien gum dung gia king-gogung-ai ilā lth edang-gun; waigien tō-alung alth tlika lth gwūlagai un gum kim-dai gīti swonshung-hun di ga dung isdang-gun;
30Waigien tlistleuon a dung git is, gin dung dāas jā-ung-lēalung ai tla-hīlāwon, katla-gandlu, mishmūsh gīti tla-ai-istlias la un dung tīi-aian, hin il shouon.
31Lthken, di kwulth dung isgīgung, waigien gin lth dāas wautliwon dung gia ijung.
32Tlika talung gwūlas gien, ishin itil gudung-ai ligai ū lāgung; a dung dōn is kotulgun gien, housen il hēnanstlas altha; waigien il gūgun, waigien la talung kēiang, waigien hin la il shudaian.
Selectat acum:
Luke 15: HAIDA
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
First published by the British and Foreign Bible Society 1891-1899.
