Gẹnẹsisi 15
15
1TO godo onú helẹ tọn ohó OKLUNỌ tọn wá Ablam de to númimọ mẹ, dọmọ, A dibú blo, Ablam; yẹn wẹ awòyínú towe, ale towé nasọ yín susu gégé.
2Ablam sọ dọmọ, OKLUNỌ JIWHEYẸWHE, eté hiẹ na na mi, a sà mọ yẹn wẹ to yíyí matinvì, Dammasẹki Eliezeli he nasọ yín whedútọ owhé ṣie tọn. 3Ablam sọ dọmọ, Dayi e go, hiẹ ma na ọkún de hlan yẹn gba, bo sọ pọ́n ovi he yè ji to owhé ṣie gbè wẹ wheduto ṣie.
4Bo dayi e go, oho OKLUNỌ tọn wá e de, bo dọmọ, Dawe he ma na yín whedútọ towe gba; ṣigba ehe na tónsọn adọ́ towe lọsu mẹ jẹgbonu, wẹ na yín whedútọ towe. 5E sọ hẹn ẹn tónjẹ gbangba, bo dọmọ, Zé nukun pọ́n hlan olọn lò, bo dọ sọha sunwhlẹvu lẹ tọn eyín hiẹ sọgan dọ soha yetọn: é sọ dọ hlan ẹn, dọmọ, Mowẹ okún towe na yín. 6Ewọ sọ yise to OKLUNỌ mẹ; é so hia ẹ hlan ẹn na dódó.
7E sọ dọ hlan ẹn, dọmo, Yen wẹ OKLUNỌ he hẹn we tónsọn Uli Kaldetọ lẹ ton mẹ jẹgbonu, nado na aigba he we nado dugú etọn.
8Ewọ sọ dọmọ, OKLUNỌ JIWHEYẸWHE, nawẹ yẹn na yónẹn do dọ yẹn na dugú etọn?
9E sọ dọ hlan ẹn, dọmọ, Yí yìnsiwhe owhè atọ̀n mẹ tọn de wá dè, po gbọgbọẹ asiwhe owhè atọ̀n mẹ ton de po, po agbo owhè atọ̀n mẹ tọn de po, po apoe dopo po, po awhannẹvú dopo po. 10E sọ yí onu helẹ pó wá e de, é so má yé to ṣẹnṣẹn, bo sọ yí mimá ode do ode ji: ṣigba é ma má ohè lẹ gba. 11Ohọ́n núsá tọn lẹ jẹte jẹ osiọ lẹ ji, Ablam yàn yé sẹ̀.
12Whenuena owhè sọ to aijẹ, amlọn yíkanmẹ de jẹ Ablam ji; bo, pọ́n, ahlinhọn zinvlu gọ́ngón tọn de jẹ e ji.
13Ewọ sọ dọ: hlan Ablam, dọmọ, Yónẹn dodo dọmọ okún towe na yín wásinu to aigba he ma yín yetọn ji, bo nasọ sèn ye; yé nasọ bianukunna yé hò owhé fòwe; 14akọta lọ ga he yé na sén, wẹ yẹn nasọ dawhẹ́na: to enẹgodo yé na tón po núbépli susu po. 15Ṣigba hiẹ nasọ yì otọ́ towe lẹ de to jijọho mẹ; yè nasọ diṣiọ towe to yọ́nhopipò dagbedagbe mẹ. 16Podọ to whẹndo enetọ mẹ yé na sọ gọ̀wá ofi: na ylando Amolinu lẹ tọn ma ko gọ́ gba. 17E sọ wá jọ, dọ, whenuena owhè ko yì odò, bọ zinvlu titli sọ do, dayi e go, akladadò azònọ de, po zòwhán jiji de po he gbọn mimá helẹ ṣẹnṣẹn yì.
18To azán nẹ gbè wẹ OKLUNỌ basi alẹnu de hẹ Ablam, dọmọ, Hlan okún towe wẹ yẹn na aigba he, sọn otò Egipti: tọn ji, kaka jẹ otò daho nẹ ji, otọ̀ Euflate: 19Keninu lẹ, po Kẹnizzinu lẹ po, Kadinoninu lẹ, 20po Hittinu lẹ po, po Pelizinu lẹ po, po Lẹfaimi lẹ po, 21po Amolinu lẹ po, po Kenaninu lẹ po, po Gilgasinu lẹ po, po Jẹbusinu lẹ po.
Selectat acum:
Gẹnẹsisi 15: BWL23
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
Holy Bible in Gun-Alada © Bible Society of Benin and Bible Society of Nigeria, 1923.