Gẹnẹsisi 14
14
1E sọ wá jọ, to azán Amlafẹli ahọlu Sinali tọn lẹ mẹ, Alioki ahọlu Ellasali tọn, Kedọliaomẹlì ahọlu Elami tọn, po Tidali ahọlu Goiimi tọn po; 2wẹ ehelẹ funawhàn hẹ Bela ahọlu Sọdọmi tọn, podọ hẹ Bilsa áhọlu Gọmọla tọn, podọ hẹ Ṣinabi ahọlu Adina tọn, podọ he Semebẹli ahọlu Zẹboimi tọn, po ahọlu Bela po tọn (enẹ wẹ Zoali).
3Ehelẹ pó wẹ hòplídopọ to agbàdo Siddimi tọn mẹ (enẹ wẹ ohù ojẹ̀ tọn). 4Yé sọ sẹ̀n Kẹdọllaomọli họ̀ owhè wiawe, to owhè wiatọntọ mẹ yé jẹglo.
5Podọ to owhè wiẹnẹtọ mẹ wẹ Kẹdọllamẹli wá, po ahọlu hé to e de lẹ po, bo gbà Lafaimi lẹ to Astẹloti-kalnaimi po Zuzimi lẹ po to Hami, po Emimi lẹ po to dànfafa Eiliataimi tọn ji, 6po Họlinu lẹ po to òsó yetọn Seili ji, kaka jé Eli-Palani, ehe tin to zùngbomẹ dali. 7Yé sọ lé bo wá Eni-mispati, (enẹ wẹ Kadesi) bo sọ gbà otò Amalekinu tọn lẹpo, po Amọlintì lẹ po ga he nọn Hazazọntamali. 8Ahọlu Sọdọmi tọn sọ tọ́n, po ahọlu Gọmọla tọn po, ahọlu Adina tọn, po ahọlu Zẹboimi tọn po po ahọlu Bela tọn po (enẹ wẹ Zoali); yé kànwhàn lẹ́do yé to agbàdo Siddimi tọn mẹ; 9hẹ Kẹdọllaomẹli ahọlu Elami tọn, podọ hẹ Tidali ahọlu Goiimi tọn, pọ Amlafẹli ahọlu Sinali tọn po, po Alioki ahọlu Ellasali tọn po, ahọlu ẹnẹ lédo aton.
10Agbàdo Siddimi tọn sọ gọ́ ná osẹ̀ndò lẹ; ahọlu Sọdọmi po Gọmọla po tọn lẹ hònyi, yé so jai to finẹ, yé mẹhe pò lẹ sọ họ̀nyì osó ji aga. 11Yé sọ bẹ́ núbẹ́pli Sọdọmi po Gọmọla po tọn lẹpo, po nudùdù yetọn lẹpo po, bo sọ yì. 12Yé sọ wlé Loti, visunnu nọvisunnu Ablam tọn tọn, he sinai to Sọdọmi, po núbépli etọn po, bo yì.
13Dopo to omẹ he họ̀ngán lẹ mẹ wà, bo dọ na Ablam Heblu lọ; na ewọ tin to ozùn Mamle Amolinu tọn dali, nọvisunnu Ẹskoli tọn po nọvisunnu Aneli tọn po: ome helẹ tin hatọ mẹ hẹ Ablam. 14Whenuena Ablam sè dọ yè yí nọvisunnu etọn do wlé mẹglọnọ, é bé devi pinplón etọn lẹ, he yè ji to owhé etọn gbè jẹgbonu, fọdekan wegbànatọ́nnukunatọ̀n, bo domo na yé jẹ Dani. 15E sọ má ede do yé ji to ozán mẹ, ewọ po devi etọn lẹ po, bo gbà yé do, bo sọ yàn yé kaka jẹ Hoba, ehe tin to amiyọnlọ Damaski tọn ji. 16E sọ bé núbépli nẹlẹ pó gò, bo sọ hẹn Loti nọvisunnu etọn gó ga, po núbépli etọn lẹ po, po yọnnu lẹ po, po gbẹtọ lẹ po ga.
17Ahọlu Sọdọmi tọn sọ tọ́nyì pé e, gigò ja sọn huhù Kẹdọllaomẹli tọn po ahọlu he gọ́na ẹn lẹ po tọn godo, to agbàdo Save tọn (enẹ wẹ agbàdo ahọlu tọn).
18Mẹlkizedeki ahọlu Salẹmu tọn sọ hen akla po ovẹ̃n po jẹgbonu wá, ewọ wẹ yẹwhenọ Jiwheyẹwhe Gigogán tọn. 19Ewọ sọ dona ẹn, bo dọmọ, Donanọ wẹ Ablam sọn Jiwheyẹwhe Gigogán mẹ, didatọ olọn po okẹ́ po tọn: 20donanọ sọ we Jiwheyẹwhe Gigogán he yi kẹ̀ntọ towe lẹ do àlọ towé mẹ. E sọ jo mádao onú lẹpo tọn nẹ̃.
21Ahọlu Sọdọmi tọn sọ dọ hlan Ablam, dọmọ, Jo gbẹtọ lẹ na mi, na hiẹ ni bé núbépli lẹ hlan dewe. 22Ablam sọ dọ hlan ahọlu Sọdọmi tọn, dọmọ, Yẹn ko zé alọ ṣie daga hlan OKLUNỌ Jiwheyẹwhe Gigogán didatọ olọn po oké po tọn, 23dọmọ, Yẹn ma na yí sekan kavi afọpakan kavi núde he yín towe, hiẹ niká dọmọ, Yẹn wẹ hẹn Ablam yín adókunnọ. 24Mì dike núde tin na yẹn blo, ádavo enẹ he yọpọsunnú ṣie lẹ ko dù, po mimá sunnu he yì po yẹn po lẹ tọn kedẹ, Anéli, Ẹskoli, po Mamle po; mì gbọ yewlẹ ni bẹ́ mimá yẹtọn.
Selectat acum:
Gẹnẹsisi 14: BWL23
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
Holy Bible in Gun-Alada © Bible Society of Benin and Bible Society of Nigeria, 1923.