Апостолхэм ашӀэгъэ Ӏофхэр 3
3
ЯЩЭНЭРЭШЪХЬ
Петррэ Иуанрэ ылъакъохэм атеуцон зымылъэкӀырэ лӀы горэ зэрагъэхъужьыгъэр
1Мафэ горэм, щэджэгъоужым, цӀыфхэр Тхьэм зыщелъэӀурэ уахътэу сыхьатыр щымэ адэжь#3:1 сыхьатыр щымэ адэжь – зытырахыгъэ алыджыбзэм зэритыр «ябгъонэрэ сыхьат». Ащ къикӀырэр щэджэгъоужым сыхьатыр щыр ары. Петрэрэ Иуанрэ Тхьэм иунэшхо кӀощтыгъэх. 2ЛӀы горэ къызыхъугъэм щегъэжьагъэу ылъакъохэм атеуцон зымылъэкӀырэр, Тхьэм иунэшхо икъэлапчъэхэм ащыщэу «Къэлэпчъэ дах» зыфаӀорэм дэжь къахьыщтыгъ. Ар мафэ къэс къахьыти, Тхьэм иунэшхо чӀахьэхэрэм сэдакъэкӀэ ялъэӀунэу а къэлапчъэм дэжь агъэтӀысыщтыгъ. 3А лӀым Петрэрэ Иуанрэ Тхьэм иунэшхо чӀахьэхэзэ зелъэгъум, ялъэӀугъ:
– Сэдакъэ къысэшъут!
4Петрэрэ Иуанрэ анэхэр а лӀым тырагъэдыкъагъэхэу еплъыхэзэ, Петрэ къыӀуагъ:
– Мо зэ къытэплъ!
5Зыгорэ къыратынкӀэ ащыгугъэу а лӀыр афыдэплъыягъ.
6– Дышъи тыжьыни сэ зи сиӀэп, – къыӀуагъ Петрэ, – ау сиӀэр осэты: Назарет щыщ Исус Христос ыцӀэкӀэ унашъо пфэсэшӀы, къэтэджи, къэкӀухь!
7ЕтӀанэ Петрэ а лӀым ыӀэ джабгъу къыубыти, къыгъэтэджыгъ. Ардэдэм а лӀым ылъакъохэмрэ ылъэгуанджэхэмрэ кӀуачӀэ къахэхьагъ. 8Ар къызщылъэти, ылъакъохэм атеуцожьи, къыкӀухьэу ыублагъ. ЕтӀанэ Петрэрэ Иуанрэ ягъусэу Тхьэм иунэшхо чӀахьи, къыкӀухьэмэ, дэпкӀаезэ Тхьэм щытхъу фишӀыгъ. 9КъыкӀухьэу, Тхьэм щытхъу фишӀэу ар цӀыф пстэуми алъэгъугъ. 10Джащыгъум, Тхьэм иунэшхо «и Къэлэпчъэ дах» зыфаӀорэм дэжь лъэӀуакӀоу щысыщтыгъэр къашӀэжьыгъ, агучӀи изыгъэу, а лӀым къехъулӀагъэр лъэшэу агъэшӀэгъуагъ.
Петрэ цӀыф купышхом ыпашъхьэ къызэрэщыгущыӀагъэр
11ЛӀэу агъэхъужьыгъэр ауж имыкӀэу Петрэрэ Иуанрэ пачъыхьэ Сэлмэн ыцӀэкӀэ заджэхэрэ щагоу шъхьэ зытелъ къэлапчъэхэр зиӀэм дэжь щытыгъэх. Лъэшэу агъэшӀагъоу зэкӀэ цӀыфхэр чъэхи, ахэмэ адэжь щызэрэугъоигъэх. 12Петрэ ар зелъэгъум, цӀыфмэ ариӀуагъ:
– Израиль лӀыхэр, сыд пае ар жъугъэшӀагъора? Сыд пае ащ фэдизэу тэ шъукъытэплъыра? Тэр-тэрэу лъэкӀышхо тиӀэу, е Тхьэр инэу тэ тэгъэлъапӀэшъ, мы лӀым зекӀон едгъэлъэкӀыгъэу шъогугъа? 13Ибрахьимэ, Исхьакъ, Якъубэ я Тхьэу тятэжъышхохэм я Тхьэ ежь ы Къо Исус ищытхъушхо къыгъэлъэгъуагъ. Ар тетыгъо зиӀэхэм шъо аӀэкӀэжъугъэхьагъ. Ӏэшъхьэтет Пилат#3:13 Пилат – рим цӀыфхэм ащыщэу, Понтый Пилат, Исус къызэхъу нэужым я 26-36 илъэсхэм къакӀоцӀ хэкухэу Иудей, Самарие, Идумей яӀэшъхьэтетыгъ. ар шъхьафитэу къытӀупщыжьынэу тыриубытагъэ пэтми, ащ ыпашъхьэ Исус щызэшъупэсыгъэп. 14ЦӀыф ЛъапӀэу ыкӀи Зафэр зэшъупэсыгъэп, укӀакӀо горэ шъхьафитэу къышъуфитӀупщыжьынэуи Ӏэшъхьэтет Пилат шъуелъэӀугъ. 15ЩыӀэныгъэ шъыпкъэр цӀыфмэ язытырэр аущтэу шъуукӀыгъэ, ау Тхьэм ар лӀагъэхэм къахигъэтэджыкӀыжьыгъ. Тэри а Ӏофым тыришыхьат. 16Мы лӀэу шъулъэгъурэм ыкӀи шъушӀэрэм Исус ыцӀэ зэрэщыгугъыгъэм пае, кӀуачӀэ иӀэ хъугъэ. Исус ыцӀэрэ Исус дэжь къикӀырэ шӀошъхъуныгъэмрэ ары шъо пстэуми шъуапашъхьэ мы лӀыр щызгъэхъужьыпагъэр.
17– Ащ нэмыкӀэу, сшыхэр, шъори шъуитхьэматэхэми Исус ешъушӀагъэр зэхэшъумышӀыкӀэу зэрэшъушӀагъэр сэшӀэ. 18Тхьэм пегъымбар пстэуми агухэм къарилъхьи, къаригъэӀуагъ, ежь и Христос къиныбэ ыщэчын зэрэфэягъэр, Тхьэм зэриухэсыгъэм тетэуи хъугъэ. 19Арыти, Тхьэм шъуипсэкӀодхэр къышъуфигъэгъунхэм пае, ахэмэ шъуафыкӀэгъожьи, Тхьэм игъогу шъутехь. 20Ащыгъум шъугухэм зызщагъэпсэфыжьын лъэхъанхэр Зиусхьаным дэжь къикӀыщтых, Тхьэм Христосэу къышъуфигъэнэфэгъэ Исуси къыгъэкӀожьыщт. 21Тхьэм зэпстэури тэрэзэу зэтыригъэуцожьыфэ, Христос уашъом щыӀэн фае, Тхьэм ипегъымбар лъапӀэхэм агухэм къарилъхьи, къызэраригъэӀуагъэм тетэу. 22ГущыӀэм пае, пегъымбар Мусэ къыӀуагъ#3:22 пегъымбар Мусэ къыӀуагъ – еплъ Пегъымбар Мусэ ятфэнэрэ тхылъэу ытхыгъэм 18:15,18.: «Зиусхьанэу шъуи Тхьэм шъушыхэм ащыщэу, сэ сфэдэ пегъымбар къыгъэкӀощт. Ащ къышъуиӀощт пстэуми шъуядэӀун фае. 23А пегъымбарым къыӀохэрэм хэт щыщми ямыдэӀурэр лъэпкъым хэкӀынышъ, кӀодыжьыщт».
24– Адрэ пегъымбар пстэуми, пегъымбар Самуел щегъэжьагъэу ащ къыкӀэлъыкӀуагъэхэми, пегъымбархэу Тхьэм игущыӀэхэр зыгу къырилъхьэхи, къызэригъэӀогъэ пстэуми мы мафэхэм ягугъу ашӀыщтыгъ. 25Пегъымбархэм аӀупэкӀэ Тхьэм цӀыфхэр къызэригъэгугъэгъэ Ӏофхэр зыгъотхэрэр шъоры; Тхьэм ежьыррэ шъуятэжъышхохэмрэ азыфагу дилъхьэгъэ зэзэгъыныгъэм иӀахьышӀуи зыгъотхэрэр шъоры; сыда пӀомэ, Тхьэм пегъымбар Ибрахьимэ риӀуагъ: «О къыптекӀыщт цӀыфым дунаим илъэпкъ пстэуми сынэшӀу щыфэныр анигъэсынэу сшӀыщт». 26Тхьэм ежь ы Къуи къызегъэлъагъом, лъэпкъхэм апэу ежь ы Къо къызфигъэкӀуагъэр шъоры, шъуащыщэу хэти ащ иӀэмыркӀэ игъогу бзаджэ тыригъэкӀэу, ынэшӀу къыщифэным пае.
Selectat acum:
Апостолхэм ашӀэгъэ Ӏофхэр 3: AdgNT14
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
© Институт перевода Библии, 1991, 1992, 2014. Стокгольм
