Versete biblice populare din John 14

Partajează

Be nedzi dizghel-i, ꞌi nohghu nenánustꞌai. ꞋI sichꞌoh be sdzi dizghel-i, ꞌi nohgha núsꞌai. Ndi be nedzi dizghel nohgha núsꞌai-i, ꞌi ꞌaw yinka whuduneꞌne nohgha húyuꞌaih-i, ꞌi ndúlhiltꞌoh whe ꞌuntꞌoh. Khun te nohdzi úndoodaꞌ ꞌinkꞌez noolhjut júnih!

ꞋEt Jesus ꞌuyulhni, “Si yakꞌuz ti ꞌustꞌoh, khuni ꞌalhaꞌ ꞌuntꞌoh-i usdli, ꞌinkꞌez ꞌilhiz wheni be tsꞌukhuna-i, ꞌi cha usdli. ꞋAw ꞌilhoghun hoontsꞌi sBá yutsꞌun tóoyaꞌ ꞌaítꞌoh, si sgha za ꞌet ndótinelh.

“Khun te nohdzi úndoodaꞌ junih. Yakꞌusda nohba ꞌalhaꞌ ꞌuntꞌoh, whuz unꞌa si cha nohba ꞌalhaꞌ oostꞌeꞌ.

ꞋEt ndun nohLaꞌutꞌen-un, Ndoni ꞌuntꞌoh, ꞌen si sooziꞌ gha sBá ꞌen nohtsꞌítilhꞌalh, tsꞌiyantsuk whunohodutilhꞌeh ꞌinkꞌez daja nohdásniꞌ la ꞌet whunalhnih cha nohtilhtselh.

Mbene la khuni ꞌet nédisdla-i yukꞌúneꞌ ꞌutꞌenne, ꞌenne skꞌensiꞌne ꞌuhintꞌoh. ꞋInkꞌez mbene la skꞌentsíꞌne, sBá cha bukꞌetisiꞌ, ꞌinkꞌez si cha bukꞌetisiꞌ ꞌinkꞌez mbe usdli ꞌet la tꞌehoninzun hubooselh.”

ꞋInkꞌez sBá ꞌen la ꞌilhiz wheni nohLaꞌtitꞌelh-un, ꞌen nohgha ítalhtelh, ꞌet la ootsꞌu hukwaꞌ doosniꞌ. ꞋEn Ndoni ꞌuntꞌoh. Ndai la khuni ꞌalhaꞌ ꞌuntꞌoh-i, ꞌi za ootsꞌu haídultsꞌuk. Ndi yun kꞌut whuduneꞌne ꞌaw dudeni be tꞌehinúszun ꞌinkꞌez ꞌaw huyólhchoot ꞌaítꞌoh. ꞋEt nohni tꞌenahzun, nohbulh ꞌúntꞌoh ꞌinkꞌez nohyudútiltsꞌulh.

ꞋInkꞌez ndai la si sooziꞌ gha ookaꞌ dahni-i ꞌoh te nohba neꞌtistꞌen. ꞋEt huwa la sBá ꞌen ooYeꞌ gha ooba whudóltiꞌ. Ndai la si sooziꞌ gha ookaꞌ dahni-i, ꞌet nohba ꞌuwhutisdlelh.

Nohni skꞌehsiꞌ de, ndi khuni nohtlꞌa dísdla-i ookꞌuneꞌ ꞌoohtꞌen.

SBá ooyoh lhat-un yoh whuzdla whe ꞌuhoontꞌoh. ꞋAw ꞌalhaꞌ lheꞌhóotꞌoh de, nohdósniꞌ daꞌ. Whuz tisyalh nohba lhawhúdutisdleh wheni.

Whuz oozusya ꞌinkꞌez nohba lhawhúdusdla de, doo cha za whusanátisdalh ꞌinkꞌez nohitáschulh, ndet susda-un, ꞌet si sulh ꞌútihtelh.

ꞋEt Thomas yoodulhkut whe ꞌuyúlhni, “Moodihti, ntsꞌe tanyalh ꞌaw tꞌetsꞌonúszun, ꞌinkꞌez ntsꞌenꞌa whuz ti tꞌétsꞌontázin?”